Gun N Roses

part 12

Gun n Roses
Part 12

Lyana enda nemu diri deka di bai urang kini laban ati iya cukup takut merening laki ka sepiak iya nya .Gamal iya sigat tang cukup ngenakut ka ati iya .Nadai penyiru ba mua laki nya jaku iya enda changka tang kasar ngeruntun ati .Laki nya mega enda kemerah laban gamal iya cukup mantai ka pemangah enggau pengerengkar iya .

Lyana mina nitih aja baka urang ti agu ka iya ngelarika diri bala laki nya cukup mayuh ngiring singkang kaki iya .Browen mai Lyana ngagai siti rumah besai sereta manah .Rumah nya jauh lebih besai ari rumah indai seduai apai iya suba .Datai ba rumah nya dia Browen nyerah ka siti surat nya ngagai Lyana .Mata Lyana nyau tepelut maca isi surat nya .

"Sign jampat enti udah maca iya ."pia ko Browen bejaku enda merening mua Lyana .
"Surat tikah ?Nama semua tu ?"ko Lyana ngilik ka pala mantah laki nya .
"Dik jadi enggau dalam kandang enam bulan tu tauka nuan nyadi barang dagang mumy baru "perening laki nya cukup ngasuh ati Lyana asai pangka ka nitar.

'Pulai ngagai mumy? aku nda sanggup nyadi indu dagang iya.Mina tu aja awak aku ulih ngelepas ka diri ari mumy 'ko ati Lyana berunding timbang jaku laki nya .
"Aku ngasuh nuan milih siti diatu ...nuan deka nyadi bini aku dalam kandang enam bulan tu tauka nuan pulai ngagai mumy baru .?"ko laki Browen bejaku mata iya tajam merening Lyana .Lyana ngilik ka pala jampat.

Lyana lalu nyain 'form' setuju enggau 'borang' tikah.
"Good girl!Diatu nuan nuan nitih ka aku "pia ko Browen merintah Lyana .
"Tua jadi mina atas keretas aja enda lebih ari nya .Nuan mesti belakun nyadi bini aku ti paling mereti ba mua indai aku enggau kami sebilik."Lyana mina nagun ka pala aja senurut taja ati iya deka nemu nama utai digaga laki nya baka nya .

"Tu bilik nuan sepiak nya bilik aku .Diatu nuan mandi tukar gari nurun ka baruh makai .Semua perengka enggau gari nuan bisi ba dalam jemari gari magang .Enti nuan ka nama nama tauka perengka indu nuan enda cukup nuan tau madah ka aku tauka Ibuk Esah ama aku ba ditu .."pia ko Browen mekat Lyana.

Jauh ba lubuk ati iya sinu ka nasib Lyana ti agi nembiak .
"Nuan agi sekul neya ?"ko Browen nanya Lyana empegal .
"Aa..aok "ko Lyana nyaut Browen enggau ati ti takut sereta nangi .
"Nuan ka sekul baru ?"pia ko Browen nanya Lyana .Ati Lyana tekala nya gaga .
"Ka aku sekula baru nampung sekula aku baru "pia ko Lyana nyaut gaga ati .

"Hmmmm legu ku ngurus ka sekul nuan tang nuan janji anang lari enti nuan lari siap nuan giga aku  "pia ko Browen sempat berati ka ulah Lyana .
"Terima kasih udah meri aku peluang nembu ka sekul aku .Nibuh ka sekul tinggi naka pom lima aja pen pama meh bisi dikena aku ngiga kereja ila "pia ko saut Lyana ti ngasuh ati Browen sinu tajapen iya enda nunjuk ka mua iya sinu ba mua Lyana .

#besambung