(كسرت قيود الفشل لأصل إلى النجاح)

هذي الرواية خيالية (كسرت قيود الفشل لأصل إلى النجاح ) غير حقيقية.
مرحبا اني اسمي ميثاق راح احجي لكم قصتي اني عايشة بالمدينة وأهلي ناس كولش بسيطين حالتنة المادية وسط عندي ٢ أخوان مصطفى ومرتضى وعندي خوات ثنين مروة ومودة وهنة اكبر مني مروة ثاني متوسط ومروة ثالث متوسط واني ثالث ابتدائي خواتي يرحن للمدرسة بدون خط لن المدرسة قريبة علينا اني اروح للمدرسة وية صديقتي نور واخوها ثالث متوسط يودينا وقت الطلعة مال المدرسة يرجعنا وهمة جيرانة وأهلي من زمان يعرفونهم وكولش ناس حبابين بس محمد كسولي ميدرس وعندة حظ بالدراسة مو طبيعي وهم حالتهم المادية ضعيفة، اني وصلت للسادس ابتدائي ونجحت وتخرجت ودرجاتي عالية بس خواتي مافلحن بالدراسة وبطلن ورة كم سنة تزوجن بالأول متوسط هم اروح وية صديقتي نور بعدين اخواني كلولي مترحين وياها ترحين وتجين وحدج ومعليج بمحمد كتلهم ليش كالولي احسن، اني كلت لنور كالت وحجت لخوها، باليل اجة محمد لخواني وكاللهم هسة ماعندكم ثقة بية سنين اني اوديها وارجعهاا اخوني كلولة معليك انت بيها بعد وراح ورة فترة شالوا من يمنا كولش ظجت نور صديقتي الوحيدة ومن راحت مالكيت وحدة مثلهاا كولش افتقدتهاا(الصداقة الحقيقة لن تدوم كثيراََ لابد من فراق) ، ونجحت واستمريت اقرة واجتهد وانجح وتخرجت من الثالث متوسط بمعدل عالي وأهلي كولش فرحوا مجانوا متوقعين أنجح وبدون مدرس خصوصي بدون ملازم اعتمدت على نفسي ، والعطلة الصيفية نفس الروتين اليومي الممل اكعد الصبح اشتغل وية نسوان اخواني وارجع اباوع تلفزيون وانام ومرات نروح لبيت جدو عمامي كلهم يجتمعون هناك بنات عمامي شايفات روحهن لن أهلهم واخوانهن واصلين ومتعيين وعدهم فلوس (عجبت لابن ادم يتكبر وأوله نطفة وأخره جيفة) اني دوم اكعد وما احجي شي ولا ادخل بيهم، قربت المدرسة وأهلي ميقبلون اكمل دراسة ظليت بس ابجي وما اكل وفد مرة اجتي امي، يمة شبيج كافي بجي شوفي شصاير بيج كتلها يمة عوفيني شكو بيهه اذا اكمل دراستي واحقق حلمي ردت علي يمة الله كريم كتلها يي الله أكرم من الناس بس هم كال أسعى يعبدي واني اعينك وبعدين ماريد احد يشمت بية من بنات عمامي شايفات روحهن لن أهلهم واخوانهن واصلين ومتعيين وعدهم فلوس ، ابوية جان كاعد بالهول وسمع الحجي اجة كعدي كبالي وحظني كلي اني ما معترض انو تكملين بس الدراسة يرادلها مصاريف هواي اول شي المدرسة بعيدة وثاني شي انتي ادرى بحالنة، كتلة اني اشتغل واصرف ع نفسي صفن بوجهي كلي وشنو راح تشتغلين كتلة اشتغل بالمركز مال ام فؤاد مرة حبابة والكل يعرفهم ويعرف اخلاقهم وادرس كلي موافق بس اذا مانجحتي اول واحد يتقدملج ازوجج آلة كتلة موافقة ثاني يوم رحت اني وامي للمركز استقبلنا ام فؤاد وترحب بينا كولش تحب امي ومن كوتلهاا السالفة مالتي قبلت وكالت شوكت تردين تعالي اتعلمي واشتغلي، وبديت وياها اشتغل واجت المدرسة اشتريت ملابس مدرسة وقرطاسية وجانت سنة كولش صعبة علية اشتغل بالمركز من ارجع من الدوام وبالليل ادرس ارتاح قليل (من أراد المجد والعلا سهر الليالي) ونجحت بنصف السنة ودرجات عالية وابوية كولش فرح اخواني يستهزئون بية يكلولي قابل راح تصيرين دكتورة بالعطلة اخذت اسبوع اجازة ظليت اكل وانام ورتاحيت وسبوع ثاني اشتغلت بالمركز وفديوم جمعة رحنا لبيت جدو عمامي كلهم يجتمعون هناك ورة الغدة والبنات كولهن كاعدات مرت عمي كلتلي شلونج ميثاق كتلها زينة الحمد لله كلتلي كبرانة صايرة حلوة كتلها تسلمين بتها تكلي ميثاق سمعنا تشتغلين بمركز ليش مو ابوج عايش شكو تشتغلين امي ردتها هي رادت تصرف على نفسها متريد احد يصرف عليهاا اختي مروة كالتلها نهاد اكرمينا بسكوتك افضل، بيني وبين نفسي (استغفر الله ربي مال هسة اسوي عركة خلي اكوم احسن) كمت رحت للحديقة حديقة بيت جدو كولش حلوة جبيرة واسعة اشتميت هوى يربي شهل الطاقة الايجابية وراحة نفسية واصفن ع السما وادعي ربي خليلي اهلي وفقني، اجة ابن عمي شافني هو دكتور أسنان وكولش خلوق وحباب سلم عليا كلي كبرانة صارلي شكد من شايفج كتلة يي غير انتوا متتواصلون ويانة بأعلى صفح كلي يي والله صدك كلمن لاهي بنفسة كتلة صريح كلي هذا الواقع بس عمي دوم اشوفة يواصلنا واحنا كاطعين كلي خلي نفوت جوة الجو برد، دخلنا للبيت بالاستقبال شفت عمامي سلمت عليهم ومن كتلهم ناجحة كلمن انطاني ٥٠ عمامي ابد موبخيلين ويحبونة بس بناتهم شايفات نفسهن وغيرتهن تموت ومن شافن كرار ابن عمي حارن شحجن بس طنشتهتن تجاهلتهن، ورجعنا لبيتنا باليل وثاني يوم الصبح كعدت لكيت امي بالاستقبال كاعدة حظنتهة وبستها كتلها يمة خلي نروح للسوك كلتلي شعندج كتلها اشتري ذهب كالت منيلج ولج كوتلهاا عندي فلوس وعمامي البارحة نطوني كلتي يلة امي نزلنا للسوك اشتريت اكلادة وتراجي وابو المحل تساهل ويانة (فعلاََ الله اذا حب عبده سخر الخير من كل مكان) وامي اشترت ملابس لنسوان اخوتي ولحفادها متفرق بيناتهم ابد ولا تحجي ع الجنة ولا تجرحهاا ابد، وبالليل قبل ما انام تذكرت صديقتي نور وفقدتها وظليت ابجي اووف نور عفتيني وحيدة ابد مالكيت وحدة بدالج ولا لكيت وحدة تسد مكانج نمت واني مخنوكة، اجتي المدرسة ورجعت هم اشتغل وادرس بس هذا الفصل أصعب من الفصل الأول بس اجتهدت اكثر ونجحت صح نزل معدلي بس نجحت وفزت بالتحدي ع ابوية واخواني، بالعطلة الصيفية رتبنا بيتنا وعدلنا وصبغنا زادت احوالنا المادية الحمد لله واني كلت لأمي اريد الغرفة الفوك بالطابق الثاني يم غرفة أخوية مصطفى واختاريت احلى صبغ وجابولي غرفة جديدة حلوة أخوية مرتضى فتح سوبرماركت وتحسنت اوضاعنا، بس... ام المركز كلتلي ميثاق انتي تدرين اني بنيت بيت وشلت وبعيد عن المركز واني راح بعت المركز لوحدة صديقتي كوتلهاا اهلي مراح يقبلون اشتغل وية غيرج كلتلي كيفج حبيبتي، ومن رجعت حجيت لأمي ومصطفى سمع الحجي كلي بعد مترحين ولا تشتغلين