غلطه

البارت الاول

مينا :ماما سولفيلي بعد اشون جانت امي الحقيقيه انتي مو شايفتها
امي: لج ماما والله موتيني صار عاشر مره اسولفلج عن الاعرفه
امج جانت خوش مريه وتخبل كلش حلوه وشبهج كلش بس هي من جابتج توفت

مينا: الله يرحمها الحمد الله انتو تبنيتوني بس لو ماكو نور اني بخير 😂😂
امي: كومي لج ادب سز
مينا: اشاقه والله هيه احلى شي عندي
نور:يوووم يوووووم
مينا :شفتي جبنه سيرت القط اجه يطن والو اكو احلى من هاي بس يلا ذيج عيب 😂

امي:وسم حتى سم ترا اني يمج شبيج صيحين
نور: يمه كملت الماعين بقن جداري ع مينا ويه ماعين العشه ءوك

مينا:لج اني شعليه انتي كلتي ماعين العشه اني شكو اغسل جداري الغده
نور :مو لازك ميطلع حاولت مكدرت
مينا :يي كوه مو برضاته ميطلع انجبي وطلعي لا اجيج

امي :نجبن ثنينجن غايسات اني اغسلهن
مينا :لايوم شنو القصه اني اغسلهن
امي: لا اني هسه صرتي خيره

نور :يمه اجه بابا
مينا :هلاو حبيبي بابا شونك الله يساعدك
بابا:هلاو بناتي هلاو اطلعن نزلن الفواكه من السياره

امي :هلا ابو احمد اشونك الله يساعدك حبيبي
بابا:هلابيج عمري سويلي غذه من ايدج الحلوه
ماما:ءوك مينا تعاي سوي غده الابوج
مينا :اني شعليه يالكائنات كلج الج يريد من ايدج الحلوه (بصوت ناصي)
كمت سويت الغده وديته البابا وكتله بابا بما انو اني سوتلك غده طلعنه حباببببب
بابا:ههه شغلج كله مصالح تمام هسه شويه انام والعصر نطلع ناكل موطه بس اريد جاي من ايدج الحلوه
مينا:حاضر بابا حبيبي 😂😂
بابا: شوف لواكه امشي لج

اني ونور رحنه صعدنه فوك اني حفيت وجهي رتبته ونور كوت شعرها بين ميكعد بابا عمود للحك لان بابا بس يكعد يخبصنه

مينا :يا نسيت احاجي مصطفى عطلعه
نور :😂😂😂 كلش عايشين دور المزوجين
مينا :نجبي لج اخذه ع كد عقله احسسه رجال وماطله اله اكله ميدري قبل ماقبل اني طالعه 🤣🤣
نور:متتت

اخذت تلفون وحاجيت مصطفى
مينا: وين حبيبي عشقي روحي شو مختفي❤️
مصطفى :هلا با الاحبها موجود عمري بس ببوبجي
مينا : اممممم يعني البوبجي اهم مني
مصطفى: انجبي لج انتي كشي وكلاشي
مينا :ها ءوك 😒
مصطفى :عدلي وجهج عمري كلبي انتي
مينا : ءوك حبيبي فد شويه راح يطلعون اهلي حروح وياهم ءوك
مصطفى:وين موليه لج
مينا :نطلع ناكل موطه نفتر ونرجع
مصطفى :ءوك بس لبس مال اوادم وشعر مفتوح ماكو ومكياج خفيف ءوووك
مينا : شبي هذا يربي يمعود هوه اني جني جبار ياهو ليباوع عليه ومراح افتح شعري اسوي كعكايه 
مصطفى :انجبي لج اصلا فتحي شعرج ولاسوي كعكه غير طلعين جننين بيها
مينا: يبووووووو عليك يلا باي

كعد بابا تحضرنه اني لبست بنطرون وبدي هودي (يعني هذا الي يصير عريض )لون وردي فاتح وسويت شعري كعكه ومكياج خفيف وحذاء رياضي ونور بنطرون نور لبست هم بنطرون وبدي فوكا ستره كابوي وحذاء رياض بس هيه لبسها ومكياجها اجره بابا رزلها رحنه اكلنا موطه وحنى جاي نمشي واحد كلي شونه الحلو كتله انجب ومشي ولي منا بس والله بي انوثه اكثر من نانسي 😂🤦🏻‍♂️وتاخرنه تعشينا يالله رجعنه تونسنه كلشش

نور:خوب مينا بس بالاسم ماعين العشه عليها كليوميه متعشين بره وهيه كشي مسوي
بابا :اسكتن لاترجعنن تناكرن
احمد : بابا اصلا عادي اذا متناكرن احس راح يصير شي اليوم 😂😂

رجعنه بدلنا وكعدنه كلنه بصاله كلمن لازم فونه وعلي ديريد يطلعنه فلم
مينا:اكلكم باجر النتائج خايفه
احمد :نجبي لج سجاجه اكيد ناجحه بس همه الفروض يخافون شو ماكو ماعدهم حساس
نور : بابا تعاله والله ترا اني شاطره واصلا حنجح بدرجات عاليه
احمد :😂😂😂صدكتجججج