حبيبي مسيحي ( روايات ليبية )

حلقة 1🔥

حبيبي مسيحي1
حبيبي مسيحي الحلقة الأولي
انا نرمين مواليد 97 متخرجة من كلية المحاسبة بنت وحدة بابا وماما ماتو ف حادت سيارة وعايشة مع خالتي مواصفاتي بيضة ونقشي ع الأسود قصيرة
خالتي أميرة متزوجة رجل أعمال وعنده ف السياسة
عندها بنت عفراء مواليد2000
محمد مواليد92
خالدمواليد94
خالتي نرمين تعالي
انا نعم
راجل خالتي نبيك تخدمي معايا ف الشركة محاسبة
انا بس نبي نعتمد ع روحي
خالتي خودي خبرة وبعدها انطلقي بروحك
انا نفكر ونرد عليكم
تعرفي شن عاجبني فيها عزة النفس الى عندها
خالتي طالعة لأمها الله يرحمها
محمد خيرك مهمومة
انا نفكر فيك ياكبدي
محمد كدابة انا الى يفكر فيا يقعد أسعد إنسان
انا بوك بيخدمني معاه فى الشركة
محمد واسطة هدي انى لولده ماخدمني وتجي انتي تاخديها باردة مبردة
انا معزة يابابا
خالد شن فيه انتو الزوز
انا سر
خالد اممممم على حبيبك خلودي
محمد اسكت ياصايع يامتع البنات
انا انتو الزوز متاعين بنات
عفراء سمعت وبنخبر بابا
محمد يجري شدها اختي حبيبتي وقعدنا ساعة نقنعو فيها تصكر فمها
محمد ضربني ع راسي مرة تانية معاش تتكلمي
خالد ضربه معاش تمد يدك ع حبي كانت علاقتي بيهم علاقة صداقة وأخوة لأبعد الحدود
نزلنا تعشينا
راجل خالتي فكرتي يابنتي
انا والله مترددة
راجل خالتي انتي جربي ولو ماساعدك شوفي روحك بعدها
محمد يابابا سنة نترجى فيك تشغلني تقولي إعتمد ع نفسك
بوه ماتقارن روحك بيها
خالد تستاهل
ورقدنا
خالد امتى بتقوللها ع مشاعرك حاس انه حتى محمد يحبها لازم نعترفلها ف أسرع وقت
الصبح فطرنا
راجل خالتي مستعدة
انا على طول
ومشينا للشركة
كانت شركة خاصة بإستيراد الأدوية
الموظفين صباح الخير أستاذ عادل ورفعني لمكتبي
مرحبا استاد عادل
استاد عادل صباح الخير أدا
كان راجل أجنبي بس نقشه على الأسود ويتكلم عربي كويس بس يكسر شوي
عمي عادل هدي الموظفة الجديدة نبيك توريها طبيعة العمل
أدا تمام أستاد
عمي عادل ربي يعاونك انتي قدها
أدا تفضلي ع الكرسي
انا شكرآ
وقعد يشرحلي ف طبيعة العمل
أدا تمام
انا تمام
وبديت ف الشغل وكان المكتب متاعه جنبي وكل شوي يجي ويشوف وين وصلت ف العمل
عمى عادل هايبنتي شن صار معاك
انا تمام ياأستاد عادل وضحكت
عمي عادل ماتلعبيش بكل ههههه
أدا تمام البنت دكية كل شي ماشي تمام
وصلنا لموعد الأستراحة
أدا شن تشربي
انا لاشكرآ مانبي شي
أدا اوكي
كنت نفكر توا العمل معاه حلال ولاحرام كنت خايفة ومش فاهمة شي يتبع