لا اله الاانت سبحانك اني كنت من الظالمين
استغفر الله العظيم واتوب اليه
لا حول ولاقوة الابالله العلي العظيم
~~~~~~~~~~
نوفيلا
ثمن الغربه💔
البارت1
~~~~~~~~~~~
الغربه ثمنها كبير اوووووي بتاخد العمر والصحه وكل حاجه حلوه فيك والمقابل فلوس شوية فلوس
ياتري الفلوس بتعوض عيالك مراتك اه ممكن تكون وسيله لبعض الاشياء بس مش مهمه بضيع اسره
وتضيع بنات وتخرب بيوت كتير وسببها الغربه
~~~~~~~~~~~
(نورا مامت روان اختارت الغربه وشغلها ونسيت ان عندها بنت محتاجه ليها ولحضنها)
(روان وشهد وايه بنات في ثانويه عامه وحكايتنا بتتكلم عليهم من واقع موجود وحكاية كل يوم. بناتنا امانه في ايدينا لازم نقرب منهم ونصاحبهم ونكون قريبين منهم ونحافظ عليهم)
~~~~~~~~~
روان: ماما رايحه فين انتي وبابا هيا الاجازة لحقت تخلص انا ماشبعتش منكم افضلو شويه كمان
نورا: ايوه خلصت ياقلبي ولازم نسافر خدي بالك من نفسك حبيبتي وكل حاجه هتعوزيها هنبعتها ليكي بس ابقي ذاكري كويس وخدي بالك من تيتا وجدو
روان: حاضر ياماما هتوحشيني اووي وانت كمان يا بابا هتوحشني اوووي ابقو طمنوني عليكم علطول كلموني كل شويه خلوني اسمع صوتكم علطول
نورا: حاضر ياقلب ماما واسمعي كلام تيتا وماتتعبيهاش
روان: حاضر مش هتعبها وهسمع كلامها
"روان في تانيه ثانوي ملامحها هاديه كانت مهتميه بمذاكرتها بعض الشئ لغاية ما مامتها وباباها قررو يسافرو ويسبوها مع جدها وجدتها"
روان: تيتا انا هدخل انام شويه
الجده: ماشي حبيبتي لو عاوزه حاجه تعالي قوليلي
روان: تسلمي تيتا ولو عاوزه حاجه اندهي عليا
"مامت روان وباباها سافرو واستقرو واشتغلوووو واتغربو شهر يجيب شهر وسنه تجيب سنه وناسين ان عندهم بنت عاوزه الاهتمام والتربيه والمراعاة لأ لازم يشتغلو ويجيبو فلوس عشان يقدرو يعيشو في مستوي كويس وراقي وناسين اهم شئ"
الجدة: روان حبيبتي ياله عشان المدرسه كل ده نوم
روان: سبيني انام شويه بس ياتيتا
الجده: لا كفاية كدا يادوب حبيبتي تلحقي المدرسه
روان: حاضر يا تيتا هقوم البس اهوه واجي وراكي
الجده: شاطرة ياقلب تيتا
روان: تيتا انا خلصت ورايحه المدرسه عاوزه حاجه
الجده: لا ياروحي خدي بالك من نفسك وماتغبيش
روان: حاضر ياتيتا سلام
"روان راحت المدرسه وقابلت اصحابها وهزرو وضحكو ودخلو يستقبلو يومهم الدراسي"
روان: كل يوم زي اليوم الي قابله انا قرفت
شهد: نصيبنا هنعمل ايه يعني
آيه: اسكتووو يالهوي علي الي حصل يووووه
شهد: ايه يابنتي الي حصل اتكلمي علي طول
آيه: في شاب كل يوم يكلمني علي التليفون وقالي انه معجب بيا وعاوز يتعرف عليا وانه شافني قبل كدا وانا ماشيه وعرف يجيب رقمي ومصمم انه يعرفني اكتر عشان يخطبني
"دي آيه صاحبة روان باباها مسافر بره متغرب عشان يعرفو يعيشو في مستوي كويس"
روان: انتي ازاي توافقي علي كدا يا آيه
ايه: اصله امور اوووي وبعتلي صورته شوفو وانا قلبي الصغير لايتحمل ولا كلامه ياقلبي بيخليني هتجنن
"البنات اووووبا ده امور اوووي"
آيه: بس يابت منك ليها
شهد: 😂😂😂ياستي عادي احنا اصحاب
آيه: لا بغير عليه زي ماهو بيغير عليا يالهوي علي الكلام الي بيقوله انتو بقي بتعرفو مين وبتتكلمو مع مين
روان: مش بتكلم مع حد لان كدا غلط وممكن بابا او ماما يعرفو ويدايقو ويبقي صورتنا وحشه قدامهم
آيه: ضحكت بي استهزاء دا الكلام بيبقي جميل وهزار وضحك وخروج يالهوي بقي لو جابلك هديه وبعدين بابا هيعرف منين وهو اصلا مسافر وكمان ماما علطول في البيت يعني مش واخده بالها ايه الي بيحصل بره وكمان مش بتمسك فوني خلينا نعيش يابنتي
شهد: لا ياختي دا ابونا يقطعنا
آيه: احسن برضه انتو وش فقر انا هحاول اخرج بدري عشان أقابله قبل ما اروح عشان اروح في ميعادي
شهد: وهتروحو فين بقي
آيه: بيحب يفسحني بيوديني في الاماكن الي انا مروحتهاش قبل كدا ويكون لينا ذكريات فيها
روان: وبتبقي مبسوطه ياايه
آيه: ايوه طبعا بجري والعب واضحك بدل الغم الي احنا فيه ده ونتصور كمان صور ايه بقي تحفه
شهد: يابختك ومش بتخافي حد يشوفك
آيه: لا طبعا اخاف ليه ومين اصلا يشوفني سلام يابنات عشان الحق وقتي ههههههه خليكو كدا قاعدين
شهد: ايه رأيك ياروان انا حبيت الفكره اهو حد يهتم بينا بدل ما احنا من المدرسه للبيت ومن البيت للمدرسه
روان: لا يااختي اخاف دي مجنونه
شهد: انتي عمرك مابتشجعيني دايما مخوفاني كدا
روان: طيب افرض حد عرف هنعمل ايه
شهد: ماهيا بتقولك هنعمل الفون برقم سري وماحدش هيمسكه غيرنا واهو نفرفش شويه بدل ما احنا كدا
روان: هفكر واهو مش خسرانين حاجه ههههه ياله نروح
"آيه مشيت وسابتهم راحت تشوف الشاب الي بتكلمه في الفون وكل يوم خروج معاه"
آيه: انا جيت هههه عامل ايه
ذياد: نورتي البيت هههه عامله ايه ياقمري وحشتيني
آيه: انا كويسه هنروح فين انهاردة
ذياد: لا انتي غبتي عليا ومش هنروح في اي مكان
آيه: زيزو عشان خاطري بقي هتفسحني فين
ذياد: انتي عاوزه تروحي فين وانا عيوني ليكي
آيه: عاوزه اركب مركب في النيل واجري والعب
ذياد: يسلام قلبي ليكي انتي تؤمري
آيه: انت بتجيب الكلام الحلو ده منين
ذياد: من قلبي عشان انتي قاعده جوه قلبي
آيه: الله كلامك حلو بيخليني احبك من غير تفكير
ذياد: ياخبر ياناس القمر يحبني انا اه قلبي ياقلبي
آيه: هههههههههه سلامة قلبك يازيزو ياله بينا
"فين الرقيب عليها فين باباها الي يعلمها الادب والاخلاق والدين مامتها مع اخواتها في البيت هتخرج تشوفها في المدرسه وتمشي وراها وحكايه آيه بتبتدي مع كل بنت باباها او مامتها بعيده عن عنيهم ومافيش رقيب ولا قرب من عيالهم"
~~~~~~~~~~~
دمتم بخير
منتظرة رأيكم وتعليقاتكم
