لو كان لي قلبان

part8

البارت الثامن

#لو_كان_لي_قلبان 🥀
عريان يگـول ..

لاغرني المدح..
                  بشفاف المحبين ،
ولاهـمني الشماته..
                  اشما حجوا عني ،

يلتمٌن علــٌيه امشتتات البال ..
                       وانفضهن نفض ،
وانهض ولا جنــٌي...

نتاشا ـ ثواني ودخل بابا يصيحلي

ـ لج توشه وينج بابا
شكد عدنه بيبسيات وبطاله مي

ـ  هواي ئدنه اكثر من 3 سناديك

ـ حضري كلاصات حلوة وكشخه
لان اكو شيوخ جايين لبيتنه

ـ شيوخ ؟

ـ اي شيوخ ..

ـ منو همة

ـ بعدين تعرفين…
جيكي الغراض العندج بسرعه..
هسه راح يوصلون استقبلهم وارد ارجعلج

ـ فتحت الثلاجه شفت بطاله المي هواي لكن البيبسيات مباقي غير 3 قواطي
عزة شنو راح اكول لبابا...

اوو اتذكرت عمة أميرة اخذتهن تؤ ياربي شنو راح اسوي ..
ماكو غير المنقذ الچاي ..اسويلهم چاي وافضهه
طلعت القوري الجبير مال الچاي وترسته مي وخليت چاي بيه وخليته علئ النار ..

ثواني واجه بابا.. كلتله مالكيت بيبسي  خلصان لأن عمة اميرة اخذتهن كلهن بس سويت چاي بمكانه

ـ اي ميخالف بابا زين سويتي وين المي حضرتي

ـ اي هاي طلعت كلاصات بس ما ئرف كم كلاس اخلي

ـ خلي 8 كلاصات

ـ اها دا ..
طلعت الكلاصات من الباكيت وغسلتهن حطيتهن بصينيه كل بطل خليت يمه كلاص..
اخذ بابا الصينيه وقبل لا يطلع كلي من تخلصين دكيلي مسكول واجيج..

كلتله ..دا بابا... حضرت الاستكانات والشكر وطلعت الصينيه الذهبيه ورتبتهن

اسمع كلام وحجي واصوات عاليه لكن مدفتهم شيحجون بس مبين سوالف مو عركه ..
كلت اكيد هذول جماعه بابا بالسوك جايين.. صبيت الجاي وخلصت دكيت مسكول لبابا ثواني واجاني اخذ الصينيه وكلي صعدي لغرفتج لاتبقين هنا ولا تتقربين علئ الهول..

ردت اصعد الغرفتي بس الفضول كتلني ليش كلي لاتتقربين للهول .. اكيد اكو شي و بابا ميريدني اعرفه

اتقدمت بهدوء ووكفت بين الباب والدرج بالكوليدور..حتئ اسمع...

جواد ــ عمي هيثم اني جيت وجبتلك عمامي و وشيخ عشيرتنه كل هذا حتئ  لاتاخذ علية نضرة سلبيه وتبقئ تشوفني بعين صغيرة..

نتاشا ــ انخطف لوني واتخربطت من سمعت صوت جواد صدك سوااهه واجئ طرت من الفرح كلبي راد يكمز من مكانه لو بيدي ادخل بنصهم ..
مشاعري بين الفرح والخوف ممزوجه ..