💕أنت قلبي٢💕

الحلقة ١٠

#انت_قلبي٢
#بوسي_مصطفي

  ______الحلقة ١٠______

قام الدكتور مصطفى وحازم يسلموا على كريم
وبعد م بارك كريم للعريس قعد جنب عمه ومعتز

ندى : هي مامت العريس مالها
فريدة : ملناش دعوة
ندى : شكلها جايه غصب عنها
فريدة : برضو ملناش دعوة ياندي
منيرة تشاور ليهم
فريدة : تعالي نساعد ماما بدل م احنا واقفين كده
ندى : يااختااااي انا هنا من الصبح وجات شهد كمان تساعدنا واختك كانت قاعدة في اوضتتها بتتذوق وانتي مريحه نفسك وم انخته فوق
فريدة : عقبالك لما تأنتخي انتي كمان
تتذوق دي كلمة انقرضت من القرن اللي فات
ندى : طيب يااختي روحي شوفي مامتك
فريدة : اسكتي انا قلبي مقبوض وخايفه اوي
ندى : من ايه يافريدة
فريدة : لا مش هقول
ندى : هههههههه امشي يابت يلا
فريدة : ياريتني لسه صغيرة يااختي
ندى : تقصدي ايه يافريدة م احنا من سن بعض يااختي
كبري نفسك انتي براحتك
لكن انا لسه صغيرة ياحبيبتي
فريدة : اضحكي على نفسك اضحكي
ندى : يا باااي عليكي هلاقيها منك ولا من اخوكي !
فريدة : هههههههه ليه ماله حازم ما هو قاعد هادي
وكميل اهو
ندى : مين يشهد للعروسة يااختي
فريدة : هههههههه
هي وصلت للعروسة كمان !

في المطبخ
فريدة : نعم ياماما... ازيك ياشهد
شهد : الحمد لله... ازيك انتي يافريدة محدش شافك يعني كنتي مختفيه فين
فريدة : هروح فين يعني اديني كنت قاعدة في شقتي
بس ايه دا ياماما
انا فاكرة إن حضرتك عامله حاجه كده على القد
منيرة : ازاي يعني دا انا عازمه البيت كله
وهمست في ودنها : وكنت فاكره خطيب اختك هيجيب العيله بتاعته كلها بس لاقيت ايه
داخل ومعاه مامته وأخواته بس
فريدة : تلاقيه م قالش لحد ياماما
منيرة : م انا عماله اقول ياريت يكون دا اللي حصل
وميكونوش مخاصمين أهلهم
اصل دي تبقي حاجه وحشه اوي يابنتي وتخوف كمان
فريدة : رحمة ميتخافش عليها ياماما
منيرة : بالعكس... انتي فاهمه اختك غلط يافريدة
رحمة بتدور على حد يحبها
ادعي يكون الشاب دا بيحبها بجد
فريدة : بدعيلها ياماما.. ها عايزانى اعمل ايه بقى
منيرة : اطلعي ظبطي السفرة وتعالى خدي الأطباق من شهد
فريدة : حاضر
منيرة : معلش ياشهد تعبناكي معانا يابنتي
شهد : ولا تعب ولا حاجه يا طنط
منيرة : عقبال ولادك يابنتي
شهد : في حياتك ياطنط

ندى لفريدة : بتعملي ايه
فريدة : زي م انتي شايفه
ندى : طيب اما اروح اخد الأطباق من جوه

كريم : بتعملي ايه
فريدة بفزع : اخص عليك ياكريم خضتني
كريم : هههههههه قلبك خفيف للدرجادي
فريدة : من كتر اللي شافه ياحبيبي
كريم : هو ايه بقى اللى شافه ياحبيبتي
فريدة : هههههههه شكلك رايق ياكريم
كريم : ومروقش ليه
فريدة : يعني كنت مفكره انك هتيجي وتقعد
مضايق وزعلان يعني
كريم : قصدك على الموضوع إياه دا؟؟
لا مبحطش في دماغي
بقولك ايه
فريدة : نعم ياحبيبي
كريم : احنا هنسيب الولاد عند ماما الليلة
فريدة : ليه ياكريم
كريم : علشان هنخرج نتعشا بره ياحبيبتي اهو نغير جو شويه
فريدة بفرحه : وانا موافقه
كريم : اوكيه خلصي بقى هنا وابقى حصليني ع فوق
علشان تغيري هدومك وننزل
فريدة : ايه دا احنا هننزل من دلوقت
كريم : هنتمشي شويه وبعدين هنروح ناكل
فريدة : مش هتقعد تاكل هنا
كريم : هاكل يافريدة علشان مزعلش مامتك
بس يعني حاجه خفيفه كده علشان نعرف ناكل
بره مع بعض
ندى : وسعي يافريدة الطبق سخن
يشدها كريم بسرعه
فريدة : كنتي هتقلبيه عليه
كريم : حصل خير.. بعد اذنكو
ندى : متخلي عندك دم وتيجي تساعدينا
واقفه هنا بتعملي ايه
فريدة : وانتي مالك يارخمه انتي
ندى : رخمه تصدقي انا غلطانه
شهد : حد ياخد الطبق دا من ايدي
فريدة : هاتي ياشهد
______________