بذرة حب

البارت الحادي عشر

بيه شوغه
واحد اخرس
سدو الباب على صبعه
وبيه خنكه
واحد اعمى
على الشمس غنوله ربعه
وبيه حسره
جامع الله
اذان وماشاف واحد
بلجذب صلاله ركعه.💔

عدنان .يمه خابرت عمامي وانطيتهم خبر وهمه باركولي وكامو ايحمدون بحازم انشالله باجر يجون بس عمامي مانريد نسوان وهوسه نعقدلهم وشكم يوم ويعقدون محكمه

امي .الله كريم يمه

احمد اشبيج يمه مدكوليلي فوك مراح نستره ابيت زوجه ترى هيه اختنه حتى لو غلطت مو معناه ننتقم منه بحازم بلعكس حازم ماكو منه وهاي بواجيه بعدين هيه تجي تشكرنه ع هاي القسمه

عدنان يمه ماريد اشوف دمعتج ترى كلبي صاير هاكبره اني تالي عمري اختي اتصادق وتتمعشك

امي .هايهيه يمه البي صالح ايقدمه ربك الحمد الله ع كل حال شبيدي عليه......

مرام اسمعهم وانفس ايضيق بصدري اعترف جبانه وماكدرت اوكف ابوجهم
ماكدر اجيب طاري ياسر خفت خفتتت حيل عليه مكدرت اوكف كعدت بلحمام واني احبس صوتي

ربي اني مسني الضر وانته ارحم الراحمين يربي

خلص كولشي انته احلامي اتطشرت ومكدرت المه من جبني وخوفي كولشي راح ولازم.....

ولازم بكل سهوله اسكت مو من حقي ادافع عن نفسي ولا من حقي احجي ولو كلت احبه واريده اعتبر عار
ﻹن اني ابنيه والبنيه مو من حقه ادافع وتوكف بوجه اهله اريد الهوى احسه ميدخل ريتي

#شنـو ذنـبٰ الهـوآ

#نعـتب علـيه مرآآت

هي #النـآس تخنـگ بينآ متقـصدة

طلعت من الحمام حايره بزماني
مانشفت دمعتي ادعي ربي ايخلصني

..تجيك اوقات اتائس من كلشي وكل امنيتك كلشي يرجع مثل مجان احس انو صارت لعنه من سمعت امي ونزرعت بذرة حب ابكلبي اتمنيت اصلا مجايه لهل دنيه

ولا صايره...

ملكيت غير انام بلكي اخلص من واقعي..

بلكي من اكعد يطلع حلم بس هيهات....

ثاني يوم امي اتكعد بيه واني حته ما اريد اجاوب ولا اكوم احس اليوم ياخذوني للعدام بس من حسيت خوف امي عليه حسباله بيه شي حجيت..

امي وج يمه مرام شجاج لاتهبطين كلبي اشببببج

.كلشي مابيه ياريت يمه ياريت بيه شي ياريت ميته ولا اصير لياسر

امي. كومي يمه وكلي امرج لربج

(عسا ان تكرهو شياء وهوى خير لكم)

كمت اغسل وسمعت صوت اميره
دخلت امبينه متفاجئه..

اجتني اشبيج مرام شصاير هاي ليش هيج وجهج صاير شي واني ما ادري ليش قبلتي بحازم اني مو اتكرهي
..جنت ما اجاوب بس ابجي عبالك هسه دريت ردت احد اشكي ابحضنه بجيت لما تعبت وهيه تسال سولفله امي ومها