مساء الخير والسعادة
اتمنى لكم قرأه ممتعه
#اذبلني خذلانك
#البارت 5
#بقلم ليلى الركابي
يومًا ما سأتوقف عن المحاولة من أجلك حتى بأبسط الطرق و أكثرها تفاهة، يومًا ما ستبحث عيناك عني في كل مكان ولن تجدني أبدًا، أعرف ذلك "
كاعدة وحاطه راسي بين رجليه وابجي
صار كم يوم تُعباُنٌه وانام هواي وصادف لقاح عمر اخذته القحه وسويت تحليل جنت كاعدة ادعي ما يطلع البالي لان عمر بعده صغير عمره سنه بس الدكتورة كالت حامل اكثر من شهر
بين الراضيه بحكم ربي واحب الاطفال وبين الخايفه من الضروف وشلون عيشتهم اصلا محد اهتم وعدهم عادي جنت اريد اشوف الفرحه بوجه احمد بس ولا كأنو اني مهتميت المهم طفلي اني اربيه
صحيت على صوت احمد وهو يسألني
جانت ابالي فكرة واريد وقت اشوفه زين وافاتحه بيه
دلال... احمد ليش ما تفتح مشروع احسن من ما تبقه عايش بعوز
احمد... وبيش افتحه من شيب الخلفوني
دلال... لٱ تهتم اني اساعدك
احمد... اي بلا شلون تساعديني
دلال ... عندي فلوس ومتأكدة يفيدنك وانت هم شوفلك شغله وعادي اذا مشترك لحد ما تتمكن وتعزل وحدك
احمد... انتي وين تحجين
دلال... يعني عاجبتك هاي العيشه حسرة عليك الربع افتح مشروع عقارات وي زوج اختي فلوسك وفلوسه واثنينكم تفتكون
احمد... خوش فكرة بس ترا ما عندي ولا ربع
دلال ... لٱ تخاف اذا مكفن الفلوس انبيع الذهب
احمد... تمام
دلال…خلال فترة بلشو بمشروعهم واحمد انشغل اكثر احسن اله من الطلعات
مرت اشهر يلا مشه شغلهم
ومرة بليل صار عندي وجع عرفت عندي ولادة لان صارلي اسبوعين بالتاسع حضرت ملابس الي وللطفل كعدت احمد جان نعسان وبالكوة يمشي ودكيت الباب على مريم راحت ويانه وبعد معاناة يلا جبت بنيه راحت مريم تكمل اجراءات المستشفى وبنتي بحضني بقيت كم ساعه وسمينها سمر وطلعنه للبيت
محد بالبيت يعرف رايحين للمستشفى كلها نايمه فرشت مريم الي وبنتي بصفي واحمد نام على الجربايه
بعد كم يوم اخواتي من عرفني بيه اجن وباركلي ويوصن ادير بالي عليهم وراحن
بعد فترة طويل مرت ايام عاديه بس اكيد اكو مواقف هواي
مرة سبحت عمر وحده اخذته بدلته ومشطته وبعدين سبحت سمر صار عمرها سنه ونص
مريم …شنو هالتبذير ليش ما سبحتيهم سوه لو حكج الماي ما شايلته انتي على راسج
دلال…شلون اسبحهم سوه عيب عمر جبير مو صغير
