مزاچ الشيخ(ابن عمي)

البارت العاشر

أريـد ارتـاح
يـا طـيـر الـيـبـيـع اجناح 
هاي الناس
خلتني ادور بالسما ولايه🖤🧿🕊️
الطريق ازدحامات وبطلاع الروح وصلنا طول الطريق لا امي حچت ولا اخوتي كاعدين هدوء عبالك صنم همه اهلي من قبل ميحچون تره مو عجيبه هاي شبيچ
لياان المهم صيري قويه واوگفي بوچه كل واحد يريد يخذلچ .. خرب حظي المصخم يا قويه هوه اشوف وچهم تتلاطم گلبي يوچعني دخلنا دربونتا انقبضت نفسي وصلنا للباب نزلت من السيارة دخلت چواا ماشاء الله الوچوه تتطلام عبالگ فاتحه ولا ساعه يبچون
سلمت على نسوان اخوتي وبوچهي للغرفه دخلت للحمام سبحت امشط بشعري بقيته مفتوح عزلت غراضي باوعت للفستان اذگرت من شافني عباس مدري بسرعه خجلت من نفسي بعدين استغفرت وگمت خليت الشال ونزلت ماشاء الله عماتي چوا كلها شعدهم كل يوم جايين ياريت بيهن خير وبشوفتهم نضحگ ونسولف لا گل اسوالفهن بز وزمخ رحت بسرعه للغرفه جدتي دخلت لگيتها نايمه بستها من راسها والله بس هيه تحس بية بس هيه التحن لت شني تحس بية مو تريد اتزوچني للشيخ حبيبهم محد يحس والله بس الله ارحم الراحمين گمت عدلت غطاها وطلعت اول مفتح الباب المكروده نرچس من اشوفها تنسد نفسي
هلا بليونه الدايحه فارة الدنيا كلها
هلا بيچ يابعد گلبي نرجوسه اي والله فريت الدنيا لان اهلي يثقون ويخلوني براحتي مو مثلچ كاعده ويخافون خاف اطلعين ماترجعين ورفعت الها حاچب
ولچ شتقصدين .!؟
والله مابية حيل اكعد اشرح واتعب حلگي الحلوو
لا تتعجبين بنفسچ عيني لچ بعياط
حياتي نرجس لا تعيطين بلاعيمج اطگ وين نرگض بيچ بلا صرتي خريسه انوب تعنسين استري على نفسچ عفتها ورحت دخلت للمطبخ موجوده امي وعمتي ام وسام محجيت دخلت فتحت الثلاجه اشرب مي دا اشرب وحچت الخوش مرة
ام وسام_ ايي ليونه مادريتي
رچعت بطل وسديت الثلاچه ودرت وجهي عليها ونفخت بنفاذ صبر وكتلها شدري هوه انتو شوفتگم گافيه
ام وسام_ همزين صادق رجع قراره بعد مياخذچ راح ياخذ مريم ابوها ورضا
يا صدك تحجين والله چان اطگها هلهولة بس عيب عود بغرفتي اروح اهلهل
امي_صدگ تحجين ام وسام جا مو دك صدر وخبص الدنيا فوگ راسنا
ام وسام_وشني يخبص الدنيا وهم خلي يحرگها وچاا شني تردينه ياخذ ليان هالجهالة
المهم يمه اني راح اروح  مابية حيل اسمع لان هسه اذاناتي طاكات من الفرحه واخيرا ابو المزاچ حچه شي بيه خير
ام وسام_تعاي ولچ شني حجه شي بيه خير ... بسرعه رحت لغرفه الاستقبال
شفت حسين صحت
ها هلا ليان الحمدالله سلامتچ كالو مسافره
الله يسلمك اي جنت  بلندن ههه
هااا اي خوش دولة ههه
بس فدوه حسين صيح بابا بلا زحمه
اي تدللين
اچه بابا سلمت عليه 
بابا عادي تچي وياي احچي وياگ
تعالي بابا ليان
بابا خلي نصعد فوك بغرفتي بس احچي وياك موضوع مهم
امشي بابا ليان
صعدنا بالغرفه سديت الباب كعد على الجربايه
كال بابا ليان قبل لا تحچين انتي دريتي بصادق تراجع عن عقده عليچ ولان تعرفيني ابو مريم قبل لمن تقدم صادق لمريم
ايي بابا دريت عمه ام وسام كالت الي بس بابا ترى يعني بقراره مأثر علية واريد احچي وياك بشغلة
ايي بابا احچي شنو
بابا انته تدري من زمان شغفي دراستي واحبها وحلمي ارفع راسگ وتفرح بية مااريد اضيع هذا تعبك علية وتالي مااحصل شي اني الخاطر عيونگ لمن حجيت وياي هذاك اليوم كتلك اي بس والله كلبي ممرود لان حلمي حياتي ماحققته واليوم اطلب منگ ارجع للدراسه وبرضاتگ واذا مقابل عادي براحتگ بس بابا حياتي ولان بنتك ردت ارفع راسگ وتفرح بية وتگول بنتي تميزت عن گل البنات وانته تدري بعائلتنا ولا وحده گملت بس انته غير وادري بيگ راح تخليني اگمل وبراحتك اذا متريد ادخل كليه بس المهم خليني انجح واخلص السادس واخذ الشهاده راح احس نفسي انجزت شي بهاي الحياة ...تنهد وگال
بس شهادة السادس زين بابا ليان مو كلية مدري شنو هاي السوالف مااريدها
هزيت راسي فدوه اروحلگ بابا ماكو منك لو ادور دهور الدنيا بست راسه وايده ورچع هوه باس راسي كال مااكدر اشوف هالعيون الحلوة زعلانه گام وكال انزل يم عمامچ زحمه چايين يحچون علمود صادق والخطوبه هزيت راسي بأي
راد يطلع وگال ليونه انزلي هم غير چوا يم البنات
ايي بابا هسه اچي طلع سديت الباب وراه وكلش فرحانه هذا المكرود بعد ميريد يعقد وبابا فرحني بالاگثر خلاني ارچع للدراسه لان بعد ماكو شي يمنعني خليت الشال على راسي كلاوات ونزلت
وشفت نور
هلاو ولچججج شلون تعوفيني
والله معايفتج نويرة بس غير خطوبه فطوم وتعرفيني بهيچ مواقف اضعف لازم اشارگ ورحت وناسه وضحگ وسوالف
نور_خطيه والله كالت امچ وفرحت الها حبابه هيه رغم ماشايفتها بس مرة وحده
تسلمين نور هسه انتي شوكت تعرسين ونخلص هم انتي احر من الچمر ادري بيج
نور_يااا ولج لياان يمعود لا احد يسمع وعبالة غير شي عيب
اييي يمه عيب اسمعي لج لا تبيعين ثگل براسي
نور_خرب عقلچ امشي ندخل بالغرفه واسوالفچ شلون صادق من گالو الة ابو مريم قبل شلون طار من الفرح
چذابه طاار من الفرح اكول شفته بالعمارة يصيح نزلوني يمعودين طرت من الفرح
نور_..ضربتني خفيف على جتفي .. ولچ گافي تحششين
مو بس احشش بيني وبينچ حتى اشرب جكاير
نور_عزااااا يمعزايه ولچ شمالج اليوم
يعني شمالني لحم ودم يعني شبيچ انتي
نور_دمشي اني جوعانه اروح اگل انوب انروح للغرفه احاجيج شلون طار