سبحان الله وبحمده سبحان الله العظيم
لا حول ولاقوة الابالله العلي العظيم
استغغر الله العظيم واتوب اليه
اللهم صلِّ وسلم وبارك علي سيدنا محمد وعلى آله وأصحابه وسلم تسليما كثيراً
~~~~~~~~~
نوفيلا
ثمن الغربة 💔
البارت4
~~~~~~~~
آيه: ايه ده كلنا جايبين لبسنا معانا في الشنطه هههههه
روان: اومال هنمشي بلبس المدرسه هنقول للي مايعرفش يعرف هههههههه
شهد: اصحاب بقي لازم يكون دماغنا واحده
آيه: طيب ياله تعالو نغير عشان مانتأخرش عليهم
روان: ايه رأيكم في الطقم ده
ايه: اووووبا ايه الجمال ده جبتيه امتي مخليكي عسل
روان: بجد حلو جيباه من فتره جبته ومالبستهوش
شهد: بس تحفه عليكي مخليكي موزه
روان: وانتو كمان لبسكو جميل مخليكم قمرات
آيه: كدا جهزنا ياله بينا زمانهم مستنين
شهد: ياله بينا ياموزز انا متحمسه للخروجه
~~~~~~~~~~
وائل: ماترن عليهم ياعم شوفهم اتأخرو ليه
ذياد: ياعم زمانهم جاين مستعجل ليه
اشرف: ياعم انت خسران حاجه رن عليهم
ذياد: طيب اصبرو لما ارن علي البت آيه
وائل: ماتجيب اكلمها انا
ذياد: واد انت بقؤلك ايه خليك في الست روان
وائل: تصدق نفسي اشوفها
ذياد: ماتستعجلش اهم جاين قدامك
وائل: اووووبا ايه ده دول قمرات ماكنتش متوقع كدا الي في الوسط دي اكيد روان صح ردو بسرعه
ذياد: وانا هعرف منين ياض اول مره اشوفها
آيه: هاي مالكم مسهمين كدا ليه
وائل: ماكنتش متخيل انك قمر كدا
روان: شكرا
وائل: شكرا ههههههههههه انتي رقيقه اوووي
روان: ميرسي ليك
اشرف: اذيك ياشهد
شهد: الحمد لله وانت
اشرف: الحمد لله ايه الشياكه دي قمر
شهد: ميرسي
ذياد: وحشتيني ياقلب قلبي
آيه: وانت كمان ياحبي وحشت قلبي
ذياد: ياخلاثي علي حبي انا
آيه: طيب ياله بينا عشان نلحق بدل ما الوقت يضيع مننا
وائل: ياله تعالي نسبق احنا ياروان
آيه: احنا فينا من نداله
وائل: يابت خليكي في حالك وبلاش قر
اشرف: واحنا كمان هنسبق شويه ياله ياشوشو
آيه: وانا مش هتقؤلي ياله يازيزو
ذياد: ياله قلبي انتي نسبقهم كلهم
آيه: طيب ياله نجري نفسي اجري
ذياد: بحب طفله
آيه: ايوه طبعا عندك شك
ذياد: احلي طفله دي ولا ايه ياله نجري يايويو
آيه: هييه هيييه هيييه الحقني بقي
ذياد: طفله طفله مافيش كلام
وائل: ليه دايما شكلك زعلان
روان: مين قالك بالعكس
وائل: خليكي صريحه معايا زي ما انا هكون صريح
انا شايف في عينك حزن كتير ياتري سببه ايه عرفينا اكتر عنك حابب كدا عندك مانع
روان: انا بابا وماما مسافرين وسايبني عند جدي وجدتي وكل التعامل بينا فلوس وبس وماليش اصحاب غير آيه وشهد
وائل: ياااه كل ده وجدك وجدتك بيعاملوكي كويس
روان: ايوه انا اصلا بروح من المدرسه علي الاوضه بتاعتي مع نفسي اشغل الاغاني وامسك فوني بس كدا
وائل: احسن حاجه مع نفسك ساكنه فين بقي
روان: ليه هتيجي تزورني ههههههههه
وائل: لا يعني عشان لما توحشيني اعدي من قدام بيتك
روان: يسلام اوحشك مره واحده
وائل: ايوه طبعا انا ارتحتلك اوووي من ساعت ماكلمتك وحسيت انك مني ياريت باباكي ومامتك هنا كنت خطبتك شكلي مش هقدر علي بعدك
روان: بجد بسرعه دي
وائل: ايوه طبعا واكتر من كدا بس انتي مش واخده بالك وعامله نفسك مش هنا
روان: اصلي اول مره اتكلم مع حد وكدا ومش عارفه اقول ايه ولا ارد بي ايه
وائل: ولا يهمك خليكي معايا وانتي مش هتندمي بيتكم فين بقي ولا ده سر
رولن: لأ طبعا مش سر العنوان.......... وسهل كمان اشوفك اول ماتيجي
وائل: ازاي يعني سهل
روان: اصل احنا واخدين الدور الارضي عشان جدو وتيتا مش بيقدرو يطلعو السلالم وكمان الاوضه بتاعتي فيها شباك تخيل بقي
وائل: بجد حلو اووي الدور الارضي واوضه فيها شباك
روان: مش فاهمه يعني ايه
وائل: ها لا لا مافيش تعالي بقي نقعد نشرب حاجه وعرفك علي نفسي اصلي حكايتي طويله
روان: اوكي ياله
~~~~~~~~
اشرف: هتفضلي ماشيه ساكته كدا
شهد: اقول ايه يعني
اشرف: قولي اي حاجه عرفيني عن نفسك حتي
شهد: طيب ماتعرفني انت عن نفسك الاول
اشرف: لا انا حكايتي طويله هحكيهالك لما تخلصي
شهد: ليا اخ واخت وبابا مسافر علطول وماليش اصحاب غير آيه وروان وبس
اشرف: ههههههع بس حكايتك صغيره اوووي
شهد: يعتبر مافيهاش حاجه ولا حد بيفكر فيا
اشرف: ليه ماحدش يفكر فيكي وانا روحت فين دول ماعندهمش نظر ولا ايه
شهد: شكرا
اشرف: شكرا ايه بس مافيش بينا شكر لما تحبي ياستي تتكلمي انا موجود في اي وقت هسمعك
شهد: انت طيب اوووي
اشرف: انتي الي طييه اووي ومبسوط اني اتعرفت عليكي واتكلمت معاكي يدايقك لو كلمتك كل يوم
شهد: هنتكلم في ايه
اشرف: نتعرف علي بعض اكتر ونبعت رسايل لبعض وكدا ولا دا ممكن يعملك مشاكل
شهد: لا ما آيه قالت نعمل الفون برقم سري
اشرف: تمام وانا هعرفك تعملي ايه في الرسايل
شهد: اوكي
اشرف: تعالي نقعد بقي شويه واوريكي البرامج
~~~~~~~
ذياد: حبيبي سرحان في ايه
آيه: فيك ياروحي هيكون في ايه
ذياد: يابكاشه ولا مركزه مع اصحابك
آيه: مبسوطه وانا شيفاهم بيضحكو بيبقو صعبانين عليا وهما دايما مكتئبين وكمان دي أول مره يتكلمو ويخرجو مع حد فاكر اول مره اتقابلنا
ذياد: وده يتنسي برضه انتي من يوم ماعرفتك وانتي ماليه عليا حياتي ودنيتي
آيه: بجد يازيزو
ذياد: بجد ياقلب زيزو تعالي بقي نروح نقعد معاهم
آيه: اوكي ياله بينا نرخم عليهم ههههههه
~~~~~~~~
"روان وشهد وآيه فضلو قاعدين سوا مع الشباب كلام وضحك وهزار ولعب ويتصورو لغاية وقت رجوعهم"
وائل: علي فكره انهارده اجمل يوم في حياتي
روان: بجد وانا كمان اجمل يومفي حياتي انت كنت فين من زمان حياتي ماكنش ليها معني
وائل: ولا انا ابقي كلميني لما نروحي طمنيني عليكي
روان: اوكي وانت كمان سلام
اشرف: ماتنسيش بقي البرامج تزليها وابقي ابعتيلي
شهد: اوكي
اشرف: كنتي مبسوطه انهارده
شهد: اووي اووي قضينا وقت جميل وفرحت من قلبي
اشرف: حبيبتي معلش لساني غلط اقضد يارب دايما
شهد: ولا يهمك همشي بقي سلام
ذياد: خدي بالك من نفسك وكلميني زي كل يوم
آيه: حاضر هو انا اقدر انام من غير ما اسمع صوتك
ذياد: ياواد ياجامد انت حبك يايويو
آيه: قلب يويو انت ياله سلام
~~~~~~~~
الجده: حبيبتي حمدالله على السلامة
روان: تيتا حبيبتي انا بحبك اوووي
الجده: غريبه يعني ياروان مالك جايه مبسوطه كدا
روان: ها اه اصل جبت الدرجه النهائيه والمسيو مبسوط
الجده: برافو ياقمري ياله غيري وتعالي كلي
روان: حاضر ياعيوني ثواني وجايه
"الجده بقالك فتره مش بتضحكي ولا بتتكلمي يارب اشوفك مبسوطه دايما ياروان"
~~~~~~~
ماجده: تعالي ياقلب ماما اكيد تعبتي انهارده
شهد: جدا ياماما هموت وانام
ماجده: بعد الشر عليكي حبيبتي لا كلي الاول
شهد: لا مش هقدر انا هدخل اغير واقفل الاوضه وانام
ماجده: عشان خاطر ماما كلي الاول ونامي براحتك
شهد: اوكي ماما هاكل بس بشرط تخليني انام وماتفتحيش الاوضه عليا ولا تصحيني
ماجده: خلاص اتفاقنا قومي غيري وانا اعملك الاكل
شهد: اجمل ماما في الدنيا ربنا يخليكي ليا
ماجده: ويخليكي ليا يا روح ماما
~~~~~~~
رجاء: يويو جيتي امتي
آيه: لسه داخله دلوقتي ياماما بس ماقدرتش انده عليكي رميت نفسي علي السرير
رجاء: حبيبتي انتي تعبانه للدرجادي
آيه: واكتر ياماما مش قاده هكوت وانام من التعب
رجاء: ليه كدا وانتي كان لازم تروحي المجموعه
آيه: ايوه طبعا لازم اومال اذاكر وانجح ازاي
رجاء: حبيبتي جدعه خايفه علي مستقبلها
آيه: طبعا حبيبتي سبيني بقي انام وبلاش تصحيني
رجاء: طيب لقمه صغننه اوووي ونامي ماشي
آيه: طيب اصل عارفه هتفضلي تتكلمي لغايه ما اوافق
رجاء: جدعه غيري بقي بس اوعي تنامي اصبري
آيه: حاضر بس في السريع
~~~~~~~
وائل: القمر نام ولا لسه صاحي
روان: هههه لا لسه صاحي
وائل: وصاحي ليه بقي اوعي تكوني بتفكري فيا
روان: هههه بجد انت فظيع
وائل: هههههه عارف عارف وامور وشيك كمان صح
روان: الصراحه جدا جدا جدا
وائل: لا لا انا كدا اتغر بقي
روان: حقك ياعم
وائل: لا بجد انتي طلعتي قمر واقؤلك سر كمان
روان: ميرسي قول
وائل: انا حبيتك اوووي مش عارف ازاي وامتي مجنون صح اصل عمري ماكلمت مع حد ومجرد ماكلمتك حسيت بكدا وشكلي هتجنن قريب
روان: بعد الشر عليك ماتقؤلش كدا
وائل: الله خايفه عليا وايه كمان
روان: ماتكسفنيش بقي
وائل: ماشي ياقمر نامي بقي وارتاحي واول ما تصحي كلميني ماشي
روان: حاضر تصبح علي خير
وائل: وانتي من اهلي ياقمري
"روان قفلت وهيا طايره من السعاده لمجرد انها حست ان في حد بيهتم بيها وبيكلمها وهيا شغلاه ماتعرفش ايه الي هيحصلها لو استمرت ماشيه في الطريق ده فضلت سرحانه ومبسوطه انها خرجت معاه وفضلت تتفرج علي الصور وهيا فرحانه بيه وبي اهتمامه ليها لغاية ماراحت في النوم"
~~~~~~~~~~~~~
شهد: صاحي ولا نمت
اشرف: انام ازاي من غير مااسمع صوتك ولا اكلمك
شهد: اه اصل قلت لماما اني هنام عشان تسبني براحتي
اشرف: احسن برضه خلينا نتكلم سوا
شهد: انا نزلت البرامج وهبدا اعمل الرقم السري اهوه
اشرف: جدعه عشان لما تيجي رساله ولا حاجه ماحدش يعرف يشوفها او يفتحها كدا امان ليكي
شهد: مش عارفه هو ده صح ولا غلط
اشرف: هو ايه الغلط كلامك معايا يعني
شهد: ايوه وخروجنا انهارده وكدبي علي ماما
اشرف: علي فكره لو ياباكي هنا كنت جيت اتقدمتلك وخطبتك غصب عن الدنيا كلها انتي مش عارفه انا من ساعت ماشوفتك وانا حاسس بي ايه انا عقلي بقي معاكي ماعتش عارف اشتغل ولا اعمل حاجه
شهد: ياااه كل ده انا كنت ظلماك بحسبك بتضحك عليا زي الشباب الي بتضحك علي البنات
اشرف: انا وحش في نظرك للدرجادي
شهد: لا لا ماتزعلش مني مااقصدش
اشرف: عادي بقي سلام هروح انام
شهد: يوووه انت زعلت مني انت بتزعل بسرعه كدا ليه
اشرف: انا كدا مع الناس الي بحبهم
شهد: خلاص بقي
اشرف: طيب صالحيني بقي
شهد: اصالحك هو انا عملت حاجه وبعدين اصالحك ازاي بقي
اشرف: ابعتي صوره ليكي عشان لما توحشيني اجيب صورتك وافضل ابص فيها
شهد: طيب ما ساعت ما اوحشك رن او نتقابل
اشرف: انتي مش واثقه فيا
شهد: لا لا ابدا ثواني هبعتها
اشرف: الله ايه الجمال ده انتي قمر اوووي ياشوشو
شهد: ميرسي
اشرف: ياله بقي نامي عشان مامتك
شهد: اوكي تصبح علي خير
اشرف: وانتي من اهل الخير والسعادة حبيبتي
"للاسف بنات كتير بتنخدع بالكلمه الحلوه وبزاد في السن ده لمجرد انهم يحسو بي الاهتمام ونسو دينهم وبعدو عنه وللاسف الاهل ليهم دور كبير في الي بيحصل لبناتهم وضياع مستقبلهم"
~~~~~~~~~~~
دمتم بخير
منتظرة رأيكم وتعليقاتكم
