أدمنته وليته يعلم ( روايات ليبية )

حلقة 5🔥

أدمنته وليته يعلم ..

الحلقة الخامسة ")

نجلاء : هبل خوويا ماتوقعتش طايح بوجه هكي ؟؟
انا : تي أحكي -_-
نجلاء : بكرا هلي ماشيين بيخطبوله ندى >< ووه يا وعد
اول ماقالتها لياا زدت ادمرت مع ان ماكنتش لابانيه امال ولا حاجه مغير الحب ربي يفكنا منه قريب تنزل الدمعه من عيني وخنقتني العبره
انا : باهي مبرووك عليه
نجلاء : تي شن مبرووك عليه ربي كيف يبي يباركلهم ومراته نواياها هكي
" مراته " x_x هههههههه ندى مرات زين ؟؟ عليك كلمة اضحك
انا : خوك هذا اختياره
نجلاء : وحكيت معاه وقتله كذابه لكن مايسمعش عاميته قعدت نوسوس منهاا وهلي ماعجبتهمش لكن دارلهم قصه ويبيها
انا : ادعي ربي يهنيه وخلاص بالك اتوب البنت مافي حد مايغلط
نجلاء : يعوينك ببرودك والله
انا : شن بندير مثلا ؟؟
نجلاء : مانيش ماشيه معاهم بكرا
انا : عيب اجبري بخاطر خووك
نجلاء: هو يكسر الخواطر ونحن نجبروله في خاطره ماه حسني تعقدت منه
انا : نجوول والله ماتعدي نزعل منك
نجلاء : قهررني بحركته معاك بيلي اللي مازلت نحكي معااه كسرلك قلبك
انا : نجلاء هذا خووك ماتشيليش منه
نجلاء : وكان خويا يدير هكي ؟؟ فكيني منه والنبي .توا كان منير دار هكي مش حتكون ردة فعلك نفسي ؟
انا : أكييييد
نجلاء : حنعدي عشان ماتزعليش بس
انا : خطوبته مره فالعمر خووك
نجلاء : مش متريحتلهم بككل
انا : خلاص اهدي وعدي وتي روحك لبكرا
نجلاء : تمام اووك
انا : اووك
.
وهذا الكف الـ 6 من زين >< نحس في قلبي بيوقف منه كل مره يشكعني قلبي هوو سباب جلطتي :(
عرفين شن درت ؟؟ مشيت رقدت !! ومانظتش الا الـ 4 ع الفجر عليك قده رقدتهاا.. نضت ع الفجر خلاص راجيت الفجر صليته وقعدت فالجنان
نمووت في نسمة الصبح تريح فياا واجد ..
علي قصاد الساعه 4 .. جت نجلاء انا كنت في داري حاطه السماعات نرسم نخربش ونغني .. وخشت نجلاءعليا ومتعقده ..
انا : مرحبا نجوول
نجلاء : علمي ضايق بكل
انا : وسعي بالك
نجلاء : اووف
انا : امشي وتي روحك هلك بيمشوا يخطبوا وانتي مازلتي مالبستي
نجلاء : كنت نتعارك معاهم .. منبيش نمشي معاهم
انا : شن حكينا امسيا نجوول عااد
نجلاء : مشعارفه كيف بنتحمل نشوفهاا قدامي ><
انا : نجلاء اللي صار بيني وبين ندى محد دخله بيه وخصوصا انتي .. حتقعد مرات خووك حاولي تندمجي فيها بس
نجلاء : والله ماني متريحتلهاا يا وعد
انا : عطيها فرصه بس بالك الشيطان لعب بعقلهاا
نجلاء : مكبر قلبك يا وعد
انا : ظروري اتعودي عليهاا .. هي عدي وتي روحك بسررعه را والله ماعد نحكي معاك
نجلاء : كل شي عندي يهون الا انتي يا وعد
انا :نجك لياا هي عدي
نجلاء : سلاماات
انا : سلام
ومشت نجلاء بيش توتي روحها وتمشي معاهم .. بس انا خاطري نشوف زين خاصة وهو فرحان اليوم ليا 8 شهور ماشفته :(
بعد ساعه طلعت في بلكوني داري بش نشوففه .. استنيت شوي ووحقيته طلع ويههبل متأنق ع الأخر وراسم اللحيه وفرحان .. اول ماشفته
خشيت دغري مانبيشي يشوفني .. بس قلبي آآه يوجع فياا .. يحب غيري ومشى يخطب فيها وهاني عشانها ومازلت انحبه .. اي حب هذا :(
مشا وقتي كيف مامشى لعند الساعه 8 جت نجلاء ماتوقعتهش حتجي ..
انا : اهليين جيتي في وقتك مكسده
نجلاء : تو نطيرلك كسادك بالقرمه
انا : ههههههه يستر الله ذنووب
نجلاء : بتسمعي ولا لا ؟ :3
انا : هههههـ احكي
نجلاء : مشينا يا حنه .. ناس بسطاء وع قد حالهم .. بس ندى طلعت اليوم سممحه مانكذبش عليك لابسه فستان قصير احمر بالاسود فيقمة الرقي
( هذا الفستان اللي جابه لهاا زين في عيد ميلادها اذكرتوه ؟ )
انا : نقاطعك بالعسل قلتي فستان احمر بالأسوود ؟
نجلاء : آهاا حلوو وراقي
انا : هذا جابها لها زين في عيد ميلادها يديه شيفون ماه ؟
نجلاء : ماشفتش شن جايبلهاا .. بس حلوو الفستان
انا : عموما كملي
نجلاء : ظيافتهم بسيطه بس حلووة عندها 4 خوات وماعندهش خووت شباب .. وانا نقول ماعندهش من حاكم فيها تاريته عيلتهم بنات كلهن
وامهاا مرآه يشهد عليا الله انها قمة الذوق والطيبه والأخلاق ونفس الشي باتهم بابا شكره .. واختها كبيره متجووزة عسل ..
البنت بس مش طبيعيه
انا : باهي تمام عاد العيل مرات يجي عكس هله الله غالب .. المهم هلها ناس زينه ؟
نجلاء : لا ماشاء الله عليهم بسطاء
انا : هذا عليش راقين عشان بسطاء
نجلاء : وياحنه بعد بكرا الدفع والتلبيسه
انا : اوو مبرووك عليهم
( معش نبي نحكي ع اللي في قلبي حفظتوا اكيد ههههـ ) ..
نجلاء : الله يبارك فيك قديش تمنيتك انتي كنة عيلتناا
انا : بالك تو تسقم ويقعد جووها كيفنا ونديروا جوو وهدرازي
نجلاء: من جدك تكوني معاها علاقه ؟؟
انا : ليش لا زين ديليت من قلبي خلاص
نجلاء : ربي يسعدك ويرزقك بولد الحلال
انا : امين .. شنجوك انتي ومنير ؟
نجلاء : عسل عسل عسل كيفك تهبلوووا ههههههه
انا : ههههههههه اهم حاجه مدللك ؟
نجلاء : لا اخر دلال
انا : نجيه ياربي .. ليش ماتنخطبووا مادام كل شي واتي
نجلاء : فتحناه الموضوع بس منير قالي الشهر الجاي حنحكي لهلي ^^
انا : اووو مرات خوويا قريب يقعد عندنا عرس مبرووك
نجلاء : ههههه الله يبارك فيك .. تبي تجي ماه بعد بكرا ؟
انا : مانظنيش
نجلاء : هييي لا تجي وغصبن عنك :3
انا : حنجيكم بس مش حنعدي معاكم
نجلاء: لاتمشي
انا : اعذريني نجوول
نجلاء :براحتك
انا : ماتزعليش مني اووك ؟
نجلاء : مانقدرش اصلا .. هي اكيد هلي بيوتوا توا خليني نمشيلهم
انا : اوك .. سلام
نجلاء : سلام
ومشت نجلاء .. وهلي فرحانين ويوتوا لتلبيسة زين .. اما انا هههههههـ من كثر الفرحة قريب انطير
.
اليوم الثاني طلعنا للسوق وشرينا عشان تلبيسة زين .. انا شريت فستان أحمر بالذهبي قصير نموت فالأحمر .. وشريت كعب ذهبي واكسسوارات
وروحنا .. ماما ومنار مشن لحو عمي اما انا فضلت نقعد ودرت سبلتي مريضه .. وع قصاد ال 11 رقدت ..
.
نظنا ثاني يووم عاد اليوم تلبيسة الغالي ..
من بعد الغدا وتينا ارواحنا .. لبست فستاني وطلقت شعري وحطيت ميك اب خفيف .. طلعت نههههبل ومشيناا ..
سلمنا ع عيلة عيت عمي واقاربهم .. ومديت مع البنات الظيافه .. ولما جوو بيمشووا انا قعدت مع بنات خوالهم فالحوش هدرزنا مع بعظنا
نجلاء : هي امشي معانا
انا : لالا فكيني
نجلاء : براحتك خلاص . سلام
انا : سلام
هدرزت مع بنات خوالهم ودرنا جوو سمح ..
لما روحوا هل العريسعااد من التلبيسه انقلبت الدنيا ألعاب ناريه وتشتاي وجوو يهبل معش عرفت نفرح ولا نبكي :(
ع العمووم روحوا .. وكملنا حفلتناا ..وروحنا للحوش الحمد الله اللي ماحقيت زين ربي يحبني ..وحي حددوا العرس بعد 6 شهوور مبرووك ع حبيبي
ههههههه بس رغم كل شي واجعني زين اللي هذي مقداره .. ولله ماتستاهله :/ يلا ربييهنيه ماعندي ما نقوول ..
.
#يتبع