صرختي الصامته

البارت الاول

الاسم :هدى
مواصفاتي:اني بنيه بسيطه حالي حال كل بنيه حلوه بس لمميز بيه عيوني سود كبار كلش وجذابات ورموشي طوال كلش وحواجبي مشمورات يخبلن .
اني عايشه ويه امي واختي واخواني، عائلتنه جبيره جانت فقدت أهلي جان عمري ٥ سنين
احجيلكم عن اهلي
ابوي متوفي اسمه عبدالله ،وأمي اسمهه هناء ،واختي اسمهه هاجر ،وعندي خمس خوان
اكبر واحد اسمه مرتضى والي بعده حسام والي بعده عباس والي بعده عمار وأخير واحد اسمه هادي واني صرت اصغر وحده بين خواني اختي هاجر نولدت بعد اخوي حسام

وهسه راح تبده قصتنه

هناء:حسام يمه هدى راحت تلعب بره وما رجعت روح شوفهه خلي تجي تطب ما ضل وكت
حسام:ما عليه اني خلي هادي يروح يصيحهه
هناء :هادي روح انته يمه
هادي:ماشي رايح ........
هناء :هايمه وينهه
هادي طلعت وما لكيتهه
هناء :شنو ما لكيتهه مشي روح شوفهه وين راحت 🤨
هادي: شمدريني وين طلعت دورت عليهه ماكو سألت صديقاتهه كاللي ما نعرف احنه من زمان خلصنه لعب وهيه كالت راح اروح للبيت
هناء :صدك جذب وين راحت
حسام :هاا يمه وينهه هدى
هناء :ولك يكول ماكو روحو دوروا عليهه
حسام:شنوو ماكو شتحجين نتي هاي صدك
هناء :يي قابل جذب روحو سألو عليهه
حسام :ماشي رايحين ،هادي صيح عباس وتعال نسأل عليهه نشوف وين ولت هاي ولا تكعد بالبيت 😠😠
..................................................................
هناء :هاا يمه بشروا وينهه
عباس:ماكو كلبنه عليهه لمنطقه وما لكيناهه 😕
حسام :اخابر مرتضى اسئله عليهه
هناء :ماشي
حسام :الوو سلام عليكم
مرتضى:الوو وعليكم لسلام
حسام :ولك ماشايف هدى
مرتضى:هدى 😶،لا ماشايفهه ليش خير شكو
حسام:ما أدري شو طلعت تلعب بره وما لكيتهه ،دورنه عليهه لمنطقه كلهه ما لكيناهه
مرتضى:شتحجي انته شنوو ماكو لتخبلني حسام 😡😡
حسام:ما ادري مثل ما كتلك دورنه عليهه وما لكيناهه حته سألنه صديقاتهه وكالن احنه من زمان بطلنه لعب وطبينه لبيوتنه
مرتضى:اي ما سألتهن وين راحت
حسام:لا سألتهن وكالن كالتلنه اني رايحه للبيت غير هذا ميعرفن شي
مرتضى :ديله هسه جايكم
حسام :يله بسرعه ثيمالا
مرتضى: سد لتلفون بسرعه بدون ميرد واخذ سيارته بسرعه وراح للبيت
..................................................................
هادي:يمه اجه مرتضى
هناء:اي شيكول منو اجه وياا
هادي :يمه شبيج هستوه اجه صبري شوي
مرتضى:شنو الي سمعته اريد احد يكلي ويفهمني شلون ما لكيتوهه
عباس:شمدرينه هي ختفت فجئتا
مرتضى :هاجر وين
هناء: هاجر نايمه
مرتضى:دكعديهه حتمال تدري بيهه
عباس :رايح اني اكعدهه
............................................
عباس :هاجر هاجر كعدي
هاجر :بس دقيقه
عباس:ولج ما شايفه هدى وين
هاجر بدهشه :لا ليش شكو
عباس ما دري وينهه كلبنه لمنطقه عليهه وما لكيناهه
هاجر :هاي صدك تحجي
___________________________________
هاجر:ههاي صدك تحجون
مرتضى:اي ليش ما شفتيهه
هاجر:لا اني اخير شي شفتهه جانت تلعب ويه صديقاتهه
هناء :ولكم يمه ما اتحمل بعد رايحهادور عليهه
حسام :لا يمه نتي كعدي احنه اروح ادور عليهه
هناء :لا يمه اني اروح
مرتضى :يمه كعدي لا تخبليني جاا نكلج احنه راح ندور عليهه
عباس :اي احنه ندور عليهه كعدي انتي
هناء:ماشي بس دوروا زين تره لختكم صغيره
بسرعه ينضحك عليهه
مرتضى :ماشي ،بس عمار وين
هادي :عمار ويه صحبانه
مرتضى:هذا وبعدين وياا يعني شوكت يحس هالحيوان
حسام :هسه اتصل بي
مرتضى: لا اي راح اتصل ،،،مرتضى :الوو عمااار
عمار:الوو شكو شبيك هيج متعصب
مرتضى :لا ما اتعصب اختك ما ندري بيهه وين وما اتعصب
عمار شنو متدري بيهه وين احجي عدل لتحجي بالالغاز
مرتضى بعصبيه :اختك هدى ضايعه وكلبنه عليهه لمنطقه وماكو
عمار :ماشي ماشي هسه راح اجي
مرتضى :ديله مو علساس اذا جيت للبيت ماكو راح تشرمهه هوه انته دبر امورك بالاول
عمار :كافي لغوه زايده راح اجي كلت
___________________________________
وعمار اجه للبيت وفهموا شصاير وضلو يدورون يومين وماكو كل خبر وحته قدموا شكوه يم الشرطه وما توصلوا لشي هاي حسب الي كالته الي هدى
_____________________________
كاعدين كل اخوتهن وزوجة اخوهه مرتضى هم وياهم
فجئتا اجه اتصال لمرتضى وجان لرقم غريب
مرتضى:الوو ؛؛
؟؟:الوو عيني اختك هدى يمنه وما ترجعلكم اله
تنطونه الي نريده
مرتضى :شتحجي انته شدتخربط شنو خاطفيهه
؟؟:اي اختك يمنه واذا متصدك راح ادزلك فيديو هيه بي وبعد اذا هيه غاليه عليكم وتردوها تعيش تنطونا لي نطلبا منكم

قطع لتصال ودزله لفيديو وفعلا جان بي اخته وتبجي
واهله كلهم شافو لفيديو وامه فحطت من لبجي
___________________________________
وثاني يوم رجع اتصل ذاك الرقم الغريب
؟؟:شوف لك اني خيرتك لو تنطينه لنريده لو تموت اختك
مرتضى:ماشي شنو لتريده انته
؟؟:اريد العقد مالت الملكيه
مرتضى :يا ملكيه
؟؟:الملكيه مالت سيد احمد
مرتضى: ولك انته محمد
؟؟:اي احمد وتنطيني القد غصبن ما عليك
مرتضى: ولك لو تموت ما انطيكيا
؟؟:هاا اذا هيج اختك تموت
مرتضى: لا دير بالك تلطهه
؟؟:هاهاهه اذا هيج اختار لو تضحي بالعقد لو بأختك
والك مهله ٢٤ ساعه وتنطيني القرار ؛؛سلام
___________________________________
وقبل ما تصير ٢٤ ساعه
واحد من العصابه شرد هدى وكاللها لا تكولين منو الي خلاج تشردي واخذهه وذبهه بسوك مزدحم حته ميلكوها العصابه
_________________________________
احمد:وين لبنيه
الشريك :لبنيه ماكو لكيناهه نهزمت
احمد :شنو شنو نهزمت
الشريك اي لكيناهه مهزومه من الشباك لخلفي للغرفه
احمد بعصبيه :اووف وين جنتو لمن نهزمت بله
؛متحجون لتخبلوني
الشريك:ما ندري جنه موجودين وهذا الي صار
احمد :الوو اختك ماتت لأن انتو ما جبتو العقد عله الوقت المضبوط
مرتضى:شتحجي انته ولك
احمد :اي هاي مشكلتك انته اني كتلك ليش ما رديت جواب يله سلام.
وقطع الاتصال
___________________________________
واهلهه بالبدايه متقبلوا لموضوع وحته سوو فاتحه بس بعدين تقبلوا هالشي وكملو حياتهم
.............................._______________
اما هدى فضلت ضايعه بالسوك الى ان لكتهه وحده جبيره بالعمر واخذتهه وياهه لمكان غريب
___________________________________
هذا لبارت واتمنه تعجبكم لقصه راح تشوفون لتكمله بالبارت لثاني نشاءالله