حكاية أمل

أمل فى صراع كبير مع السرطان

أمل صاحبة عايدة جامد وعايده بتحكى قصتهم من تلت سنين ..
فلاش باك ----------------------------------
أمل :- ألو ياقلبى
عايده:- أيوة ياروحى انتى فين ..
أمل بتنهيده :- أنا فى البيت ياعايده .. انتى اللى فين  تعالى عايزة اشوفك وحشانى ياروحى ..
عايده بقلق:- جايه حاضر بس مال صوتك كده متقلقنيش أمل انتى مخبيه عليا حاجه ياقلبى .
أمل بتوتر :- لا لا انا كويسه بس تعالى ضرورى عايزاكى .
عايدة:- حاضر ياقلبى جايه خمس دقايق بس أغير هدومى اوك لا اله الا الله ..
امل :- متتأخريش .. محمد رسول الله ..
عايدة ارتدت بلوزة سوداء اللون وبنطلون جينز إيشارب من القطن وذهبت للتو إلى صديقتها أمل
عايدة بلهفه :- أمول حبيبى عامله ايه ياجزمه كده تقلقينى عليكى ..
أمل :- اقلقك ليه بس يادودو كنت عايزة اشوفك بس ..
عايده :- مالك يابت متقلقنيش حاجه وجعاكى قولى ..
أمل :- ريلكس ريلكس مجرد برد على بطنى بس يابنوتى .
قاطعتها عايده :- قلب بنوتك من جواا .
ثم كملت أمل :- وبابا هيجى ياخدنى ونروح عند الدكتور العصر ..
عايده بخوف وقلق :- بطنك وجعاكى اكلتى ايه ياروحى بس طب بتوجعك طب بقيتى كويسه شويه دلوقت أمل هموت من الخوف عليكى متقلقنيش والنبى ..
أمل تجاهلت كلامها تماما :- عايده هو انا لو مت هيحصل ايه ..
عايده بغضب :- أخرسى ياحيوانه انتى بعيد الشر عنك والله اضربك مش بحب السيرة دى هعيط ياامل والله ابو شكلك ..
وقفت عايدة مرة واحده وحضنتها بقوة وقبلت رأسها  ومسكت يدها بحنان وقبلتها أيضاً ثم :- أمل
امل :- نعم ياقلب امل .
عايده والدموع فى عينيها :- انا بحبك اوى على فكرة وعمرى ماحبيت ولاهحب حد زيك ياامى أمل انتى حياتى من بعدك مفيش حياة ده انا اموت من غيرك ياأمى ..
أمل وهى تبكى :- ياااااه ياعايدة بتحبينى كل الحب ده
عايده :- أيواااا واكتر كمان ياامل أمل انا محتاجاكى اوى جمبى ملييش غيرك عشان خاطرى سكه الموت واعرة اوى ياصحبتى متفكريش فيها خالص لو ربنا كاتبلنا حاجه هتحصل ايا كانت ومتسبقيش الاحداث قبل أوانها و...
قطعتها امل ف الكلام :- انا ياعايدة مش بسبق الاحداث انا حاسه أنى هموت انا سايبة كل حاجه على ربنا بس حقيقى حاسة بكدا حاسة بالموت فعلا ..
عايده بصت فى الارض والدموع تنزل على خدها كالنار وحاولت ان تخفيها ولكن لم يكن عندها القوة لاخفاء هذه الدموع مسحت دموعها وتماسكت  ..
امل نظرت إلى حال عايدة ثم مسكت يدها بقوة وقالت :- عايده انا جمبك امك واختك جمبك انا اهو يابنوتى الحلوة محدش هيقدر يفرقنا اوعدينى يابنوتى ياله
عايده :- اوعدك ياامى يااجمل ام واخت فى الدنيا كلها  ربنا يخليكى ليا طول العمر ويومى يكون قبل يومك يارب ..
امل بغضب :- اخرسى بعيد الشر ياجزمة ..
فلاش باك------------------------------------!
أبو أمل أخذها الى طبيب باطنه ..
الدكتور :- هى بتشكى من وجع بطنها من امتى
الاب :- من حوالى اسبوع
الدكتور بعصبيه :- بقالها اسبوع ومفكرتوش تكشفو عليها ..
الاب:- والله يادكتور كنا مفتكرينه دور برد وهى مشكتش غير النهارده وكانت بتتوجع صعب فقولت مابديهاش لازم تكشف ..
الدكتور:- بنتك ياحج هنحولها لمستشفى المنصورة لازم عمليه بأسرع وقت ممكن ..
الاب :- نعم بتقول ايه ليه يادكتور بنتى مالها فيها حاجه لاسمح الله ..
الدكتور:- انا أسف ياحج بنتك عندها ورم على الكلى والكبد وانتشر ف بطنها ولازم عمليه فورا ..
الاب :- وووووووو.    ور. ور. ورم !! جالها امتى وازاى ..
الدكتور :- والله دى حاجه بتاعت ربنا وملناش تدخل فيها قول الحمد لله وادعيلها انا هرن ع الاسعاف ..
رن على الاسعاف وجم بسرعه وأخذوها على مستشفى الحياة ..
فلاش باك----------------------------!
عايده لم تعلم ان أمل نُقلت الى المستشفى وأيضا لم تعلم انها سوف تعمل عمليه جراحيه ..
ذهبت بلهفه وخوف وأخذت تبحث على صديقتها فى كل ركن فى البيت ولم تجدها نادت عليها بصوت مرتفع :- أممممممممممممممممل امل ياطنط امل فين هى كشفت وهتبقى كويسه صح ..
والدت أمل صامته ولم تتحدث بأى شئ كانت تبكى فقط ..
عايده بتوتر وخوف :- طنط عشان خاطرى قوليلى أمى فين أموله قلبى فين ولسه لحد دلوقت مجتش ماشى ياابلة أمل ..
الام :- عايده أمل راحت تكشف و ...
عايده:- ها ها كملى ..
الام :- والدكتور نقلها لمستشفى الحياة فى المنصورة وبيقولو عندها ورم ف بطنها كلها وخايفين يوصل للقلب ويوقفه ..
عايده بعدم استيعاب :- لااااااااااا امل مش هتموت امل لايمكن تموت مش هتسيب بنتها لوحدها لاااا انتى كدابة كلكو كدابين امل  روحى انتى فين يارورحى رودى على دودو حبيبتك ..
وظلت الام وعايده يبكون طيلة الوقت ..