احببت زعيمة مافيا بقلم صافي

البارت ال١٦

*************احمدو الله **************

""""""""""""**الفصل السادس عشر**""""""""""""""
عند ملك
زين . انا هفضل جنبك ومش هسيبك ابدا وفي سره .خايف عليكي من الي هيحصل خايف يجرالك حاجه ياتري هتعملي ايه لما تعرفي اني ظابط واني جاي مخصوص علشان اكشفكم واقبض عليكم بس لو تقوليلي ايه الي خلكي كدا انا متاكد انه سبب قوي اتمني تكوني علي حق ..زين زين
زين .نعم ياملك عاوزه حاجه
ملك. لا ابدا انا بشكرك بس كنت بتفكر  ملك والوجع زاد عليها وبان علي وشها
زين . مالك تعالي استريحي ايه الي خلكي تقومي من السرير اصلا
ملك . اتخنقت وقلت اشم شوية هوا مبحبش الحبسه .
زين قلبه وجعه عليها ازاي وهي شغلها هيوديها للسجن برجلها
.............
عند الشباب وخصوصا اسر الغالي عليا
في المطبخ
اسر وهو بيطبخ . مافيا مافيا مافيا انا مافيا....
مافيا وهتكلو اكلي بالعافيه .عافيه عافيه عافيه ولو بطنكم وجعتكم معلش
حمزه بصراخ . بتعمل اي يازفت عندك
اسر بخضه . الله يخرب بيتك والبيوت الي جمب بيتك عاوز ايه من هباب البرك متسبني وروح اقعد معاهم اي وحشتك فقولت تيجي تشفني مكنت متنيل علي عين اهلي وقاعد معاكم عاوز اي بقي
حمزه . عاوز اعرف بتهبب اي عندك
اسر . سلامة النظر ياعنيا انت شايفني بعمل اي
حمزه. هو دا الي عاوز اعرفه انت بتهبب اي هنا
مش كنا ارحتني من ام طبيخك الزفت دا
اسر . سلامة الذاكره ياقلبي هي مش الخدامه خلاص مشيت
حمزه . واللهي انا حاسس انك انت السبب .طب هي مشيت انت قاعد عندك بتعمل اي حد طلب منك حاجه
اسر بزعيق . اله طب والبونيه الي بتموت فوق دي مش عاوزه تتغذا انت اي مفكرني معنديش قلب
حمزه . وهو كدا عندك قلب في الجريمه الي بتعملها دي
احمد وامجد وخالد . اي ياشباب في اي صوتكم واصل لحد بره
حمزه. شوفو الاستاذ بيهبب ايه
خالد . انت بتعمل اي عندك ياض انت
اسر . يادي العما الي حل علي الكل اي مش شايفين اجبلكم نظاره
خالد . مش يازفت انت احنا قطعنا الكتاب وارتحنا من ام وصفاتك

اسر. اه  قصدك علي كتاب الوليه ام عوض بلاعات لا منا جبت واحد تاني بلاعات مين دا اعظم بكتير
حمزه . مش ملك الرصاصه مموتتهاش انا متاكد من موتها علي ايد الافندي دا
اسر . اسكت اسكت ياجاهل ايش فهمك انت في الاكل يلا هش من هنا كل واحد يروح يجري يشوف شغله
مشيو وهم بيترحمو علي ملك
عند ملك
زين . ها ارتاحتي شويه
ملك . اه الحمد لله تمام دا انا كنت هموت
زين وهو بيمسك ايديها ويبوسها بعد الشر عنك
ملك اتكسفت جدا من حركته دي وسحبت اديها ووشها احمر من الخجل
زين ابتسم علي شكلها
اسر .انا جيت ياملوكه زين انت بتعمل اي هنا
زين .وانت مالك يارخم وبعدين اي الي انت شايله دا
اسر . ابدا دا اكل لملك حظك حلو حماتك بتحبك يلا هسمحلك تاكل معاها
زين بشك . مين الي عامل الاكل دا
اسر بفخر .انا طبعا مين غيري فكر في الغلبانه دي مكلتش من الصبح
زين بصراخ .لا.... علي جثتي تاكل من اكلم
اسر . اي ياجدعان في اي
الشباب كلهم طلعو عندها
ملك . في اي ياجماعه لكل دا
امجد . انتي هتكلي من الاكل دا
ملك . وفيها ايه عادي
اسر . قوليلهم الحقوديين دول
احمد . حفظه الشهادتين ولا تقولي ورايا
ملك . ياساتر للدرجه دي
خالد هو انتي داريانه بحاجه في سندوتشات الجبنه الي كنتي غطسانه فيها وسيبانا للمفتري ده
حمزه . بلاش وافتكري اني قولتلك بلاش
اسر . جرا ايه يجودعان بتخوفو الوليه ليه
ملك وليه
اسر . ولية ايه انا بقول الملكه ياستي انتي مركزه في وليه وسيباهم وانا غلبان من الصبح وانا اطبخ سيبك منهم كلي دا الاكل جميل
ملك جت تدوق الاكل .الشوربه ملحه جدا ومش طعمها شوربه اصلا دي ميه بملح ملك كانت هتكبها بس بلعتها غصب عنها
ملك . اي دا يااسر
اسر . دي ملوخيه جميله اول مره اعملها بس هتعجبك
ملك .بقرف بس دي فيها حجات بتمشي وبعدين دي سوده مش المفروض تبقي خضرا
اسر . بتركزي في حجات هايفه احنا مالنا بالشكل احنا لنا ايه غير الطعم كلي ياماما
ملك بتقزز بتاخد بطرف المعلقه
ايه دا يااسر دي مسكره .
اسر . اه اصل في الكتاب بيقول حط شوية سكر بس انا قولت شوية ايه انا هبخل علي ملك حبيبتي يعني
ملك . ياريتك بخلت  اسر انت دوقت الاكل دا قبل متجيبه
اسر . لا انا بعتمد علي النفس بس الناس الخايبه هي الي بتعتمد علي التذوق هو انا خايب
ملك ياريتك كنت خايب
اسر . انتو ليه بتركزو في الشربه ركزو في الحمه والرز
ملك جت تدوق الرز لين ومحروق
جت تاكل اللحمه مش راضيه تتقطع
ملك بدموع .بصت للشباب الي كانو هلكانين ضحك عليهم . انتو التلات سنين بتكلو من الاكل ده
احمد .بضحك ايوه شفتي بقي
ملك بعياط .واستحملتو ازاي كل ده انا اسفه
امجد . طب انتي بتعيطي ليه دلوقت
ملك . اللحمه مش راضيه تتقطع
كلهم ضحكو عليها
اسر بزعل يعني مش عجبك اكلي ياملك
ملك بكدب .لا ابدا دا جميل بس انا شبعت تسلم ايدك  بس عاوزه اسالك سوال مين الي علمك تطبخ
اسر بعفوي .لا انا بطبخ من الكتب
ملك .كدا وبطتبخ من الكتب امال لو بتطبخ من نفسك كنت عملت ايه انا ليا رجاء ارجوك تبقي تدوق الاكل قبل متجيبه بلاش حكاية النفس دي والنبي ماشي
اسر انت تامر ياجميل
زين . كتب ايه مش قطعولك الكتاب قدام عيني ولا انت جبت كتاب بلاعات دا تاني
اسر . بلاعات ايه بس دا اعظم دا كتاب للاانسه المحترمه الموقره شفعات شطفات
ملك .منك لله يااسر بتوكلني من الشطفات
حمزه احمدي ربنا دا وكلني بدرة قدم
ملك . احمد ابوس ايدك شفلنا خدامه اتنين هات الي تجيبه انا خلاص تبت .
اسر . الله اخيرا هتجيبي خدامات لنا ومن مره واحده يارتني اكلتك من اكلي من زمان دا انا مقنع بشكل
التلفون رن
احمد اعطي لملك الهاتف
ملك . الو
...........اهلا ياملك
ملك بفزع استغربه الجميع
ملك بكره.اهلا واسهلا بالراجل الكبير
.......الاجتماع بكرا
ملك . اظن انت عارف الي حصل
......... يتيجي وتحضري الاجتماع ياما عدنان هو الي هياخد الصفقه
ملك . عدنان ايه مش الصفقه دي المفروض ليا انا
...........المعاد بكرا  ياتيجي ياتسبيها لعدنان اه وتيجي انتي وواحد بس الي هتختاريه زي مقولت مش عاوزين رجاله كتير .
ملك . بغضب هتروح مني فين لو في بطن امك هانت واعرف انت مين ومش هرحمك

..........
واللهي مش عارف اكتب اكتر من كدا عيالي مش سيبني في حالي
صلو علي النبي بلسانكم عشر مرات سلام لو لقيت تعليقات كنير هنزل فصلين كمان