الصفحه الرابعه . الوضع اختلف ؟! بعد ما قولت لماما قرارى أن أعيش لوحدي واستقل بحياتى بعيد عنهم .ماما كمان قررت انها تاخد موقف من بابا لما حسيت انها خلاص بتفقدنى بس فى الحقيقة انا اللى فقدتها .أيوة انا ملحقتش اخليها تفرح بعد كل الوجع اللى هى عاشته ملحقتش حتى تفرح بيا وتشوفنى فى الكليه . يوم ٢٠/٤/٢٠١٦ ماما اتخانقت مع بابا فاكرة كل كلمه اتقالت فى اليوم ده وكأنها امبارح . ماما: خلاص انا عايزه أطلق مش هقدر استحمل اكتر من كده كنت مستحمله عشانكو بس انتو محسيتوش بيا ولا حتى قدرتوا ده انتو انانين زيه بالظبط مابتفكروش غير فى نفسكو وبس مافكرتوش فيا ولا فى احساسي . انا : انا بعمل كده عشانك وعشان اقدر اخليكى اسعد وتقدرى تسيبي البيت وتيجى تعيشي معايا انا ماليش غيرك وماقدرش اعمل حاجه من غيرك انتى كل حياتى .ماما : انتى انانيه عايزانى معاكى لانك مش بتعرفى تعملى حاجه لوحدك وانت انا بكرهك وبكرهه كل عيشتى معاك انتى موتنى من زمان خليتنى ابقي حد تانى غيرى نفسي .خلتنى كل ما ابص فى المرايا استحقر نفسي انا جايه على كرامتى عشان واحد زيك عمره ما خاف ربنا ولا حتى خاف على ولادة ولا فكر فيهم عمرى ماكنت اتمنى انهم يطلعوا زيك انانين حتى البنت كنت فاكره أن هقدر اخليها احسن منك وماتبقاش زيك زى أخواتها الرجاله بابا: انتى السبب اللى خلتينى ابص برا واعيش حياتي مع غيرك عمرك ما اهتميتى بيا على طول مشغوله وسيبانى كنتى عايزانى اعمل ايه اترهبن .ماما : صح انت صح دى الحجه اللى كل اللى زيك بيقولوها عشان يطلعوا هما المساكين كنت مشغوله مع ولادك وتربيتهم اللى انت مابتسألش فيهم ولا حتى تعرف عنهم حاجه . متعرفش امتى بيتعبوا وامتى بينجحوا وامتى بيكونوا مبسوطين ولا زعلانين انت أب فاشل وزوج فاشل انت سبب كل اللى احنا فيه دلوقتى بس انا قررت أصلح الوضع طلقنى ؟! بابا: مدام انا بقي زوج وأب فاشل فا انتى طالق . اليوم ده رغم كل اللى قالته ماما كنت فاكره أنها كده بدأت حياتها وهتعيش من جديد بس للاسف طلع العكس ماما دخلت تنام مصحتش تانى يوم من القهره والوجع .😔😭
