I own you My Darling (Complete)

1

Jk p.o.v

Ka hming chu Jeon Jungkook a ni a, kum 18 ka ni bawk... Busan khua ka ni a, mahse tunah hian Seoul khawpui ah ka cheng mek a ni... Kan retheih avangin high school pawh ka zir zo lo a, Seoul ah hna thawh tur ka hmuh avangin ka kal ta kha nia. Ka pa in min boral san hma kha chuan kan awmthei ve thin mahse lung natna a neih vangin nikum hmasa ah khan min kalsam ta. Ka nu leh ka nau hi ka kutah an tla ta a, keipawn ka theihtawp ka chhuah thin...

Seoul a ka kal tirh chuan awm na tur pawh ka nei lo a mahse ka thiantha tak Jimin leh a thianpa Jin an cheng duna, an ni hian an inah min awm tir ve a. Ka lawm takzet a ni

Tunah chuan kum khat dawn an  bulah ka awm ve tawh a a nuam pawh ka ti tawh khawp mai Jin nen pawh kan inkawmngaih lutuk mah mah... Ka hnathawh pawh a tluang ve zel a, ka hlawh tlemte hmang in ka chhungte ka chawm ve bauh bauh bawk...

Achang chuan Ka nun hi a hahthlak ka ti thei, naupang te ah ka chhungte ka chawm an ngai a. School han kal te pawh ka chak thin takzet...

"Kookie hey enge i lo ngaihtuah leh tak vung vung a"

"Engni lo e Hyung, enge i duh ang ka lo lak ang che"

"Ka puar hrih Kook, vawiin chu ka lo nghak ang che" tih pah chuan dawhkan ah chuan a mu nghal thlawp a

Ka thawhna restaurant ah hian a class ban ah a hman chuan a rawn kal a, min nghak char char thin. Ka tan chuan Jimin hi ka thiantha mai nilo in ka unaupa a ni... Awm lo se chu la depressed nasa ngawt tawh ang

Ka hna chu ka thawk mawlh mawlh a, ka phone chu a rawm ri ral ral a, ka number hriat ngai loh tang in a ni

"Hello" kan ti ngawt pek a, mahse chhan na engmah ka dawng lo

"Hello tunge aw" ka tih pawn a ngawi reng a, ka phone chu ka en a a la dah chuang si lo a

"Umm min hrethiam la sawi tur i neih loh chuan ka dah a nge" tih pah in ka dah nghal daih a

"Amak hle mai" ka ti sup a ka thawk zawm leh nghal mai a

Ka thawh zawh chuan Jimin nen chuan kan haw dun a

"In lo haw thei maw..." Jin hyung chuan choka tang chuan a rawm ti a, a rimtui leh tawh khawp mai kan eitur siam tu ber a ni. Restaurant ah thawk mah ila ei siam lam hi chu ka thiam mawlh lo chu a ni ber a.

"Awii Jin ka ril tam a tawh lutuk"

"Heih Jeon Jungkook, I Hyung ka ni tih hi theihnghilh tawh suh" a rawn ti hluk a, ka lo nuih sen sen a

"Inthlak ula rawn ei ru" a ti a, kan room ah chuan kan chho dun ve ve a

Kan chhuk thla a, puar tak in chaw kan ei a. Eng eng emaw sawi in kan ti ti ho a kan nui leh hak hak thin...

An kiang a awm hi a nuam in a hahdam thlak thin... An awmlo ang tih ka hlau

Zanrei thleng ka inkawm hnu chuan mut ka tum a, room chhung ka luh chuan ka phone ka en a missed call vawinga a lo awm a, ka number hriat ngailoh atang bawk in a ni... A pawimawh takin call let ka tum deuh a mahse ka call hma chuan a rawn in ring leh a

"Hello, tunge aw" ka ti leh mai a, mahse a reh leh vang vang tawh.. enge mawni le sawi tur a neih loh chuan rawn call loh mak tur nia

"Tunge i nih ka hre ngai lo a, sawi tue i nei lo nih chuan engvang a min ranw call reng nge i nih a" ka ti a engmah a sawi chuang lo, mahse thaw halh ri chu ka hria in ka hria

"Ka dah a nia..." Ka tia ka dah hmak, ka mu zui nghal vawiin ka hah bawk a ka muhil zui nghal mai....

Ka hah theih em a vang hian zan hi men vak vak ka duh ngai lo, ka men chyan ka chau tawngkhawng zel thin a, Jin leh Jimin pawh hian min hrethiam thin khawp mai...

(Tawk phawt se,,, Tum loh deuh in ka rawn ziak deuh tawp a. A ngaihnawm em em lo ang tih pawh ka hria e hehe... Bye vel u)