رحلة حياتي

امال:*دخلت للبيت* قمر...
انا:*درت*
امال:😍😍يا moon راكي تهبلي
)امال: صديقتي من الثانوي قرينا كيف كيف و جابت لباك ..طفلة مسررة حنونة قلبها بيض الله يبارك دير حجاب )
انا: يااماميي لحجوبيا تاعييي...مبروووك علييناا😂😂 *تعانقنا و نسوغو*
ماما: حاتخرجي هكا...واش من بيس راح يرفدك هكذا

كنت لابسة روبا طويلة تحت ركبة مع شعري طويل بزاف كحل توت و ملتحت بليغة
ماما: بصح بلبليغة عميتيها😕
انا: ماتخافيش امبعد نضرب باسكات😌
ماما: وخضة نتي !
كيما كان الحال جازو لينا صحابتنا و وصلتنا يماة صحبتنا للحفلة كانت 7 تاع عشية و راحت
دخلنا كانو غاع تماك...دخلت نشوف لعجب البنات بالميني تقول ديسكوتاك...
انا: امال اكي تشوفي واش راني نشوف؟ 😕(قصدتلها لعرى )
امال: حب قلبي 😍😍(تقصد ريان )
(نسيت ماقتلكمش امال تموت على واحد يقرى معانا ريان ...يدير باسكات ..امال و الباسكات😂😂)
و كيما كان الحال خلتني و راحت...دوك نروح نجري موراها..او لالا ...شفت طالبة معمرة بالماكلة ..انتي ما احتاج😋😗
#امال شفت ريان مقدرتش نقاومو
انا: اهلا!
فريال: امال ..سافا *تسالمو*
ريان: هاي😊
امال: سافا و نتوما
ريان.فريال: سافا😆
بدينا نغسرو..
انا: سامي واش لحوال...راك بكستيم
سامي:*ضحك* سافا😊

#قمر كنت ناكل انا و هدى اصلا هذا واش نفلحو😂
هدى: قمر زاد وزني شويا لالا
انا:امممم😟 شوفي انا
هدى: اولالا شوفي انا ..شوفي
انا: شوفيي
دينا: *جات تجري* DADJU دار غنية 😨😱😱 اميغاد نموووت شبااب
هدى: كن تقعدي تتمعشقي فيه اعرفي بلي تخلاص عليك بايرة😂
انا: روحي شوفيلك راجل منا ملهيك
دينا: بفففف ماتصلحوش ديجا حبيبي DADJU نشوفو نشوفو..*راحت*
انا.هدى: * نضحكو*
انا: سمعتي واش كتبت😂😂😂
هدى:😂😂😂
عمرنا كرشنا و رحنا نحرقوه بالشطيح
(هدى طفلة بيزاغ عندها 2 مود تاع المزاج مرات تضحك معك بلخف تبدا تعيط و تصوغ 😂 محجبة قرأت معايا)
كنت نشطح و نزدم فواحد درت و نلقاه..واحد يقرى معايا ...هذا قرى معايا في لاكراش اسمو سامي ..كنا صحاب و كتر بصح ملي طلعنا ابتدائي مازدش شفتو قرا فمسيد وين قريت فسيام ؛غير فالليسي طاح يقرى معايا بصح هو ماتفكرنيش😔بصح راني سور بلي هو..بسك يشبه ليفوطو كي كنا نتصورو في صغرنا
انا: شوف قدامك
هو: اا...سمحيلي *راح*
ايااه نعتارف انا زدمت فيه بصح شحال عاقل و شباب 😂😍...انا طفلة
(نحكيلكم بصح واحد معمبالو بيناتنا ..انا مانحبش يتحلبولي بلي يعجبني واحد ...بسك كيفاه نفهمكم...انا معقدة ..انانية مع روحي ...تسما عمبالي كون نحب واحد محال نمشي معاه...انا لي نحبو نتزوجو😂😂 بسك عمبالي هذا حب مراهقة و يزول...الوغ هذا كنت نحبو من الصغر بصح كي كبرنا مشكيتش )

(هذ لولد جاي طويل مسرار يبان اجتماعي بصح مع لي يعرفهم..عنين ماغون شعر ماغون و يلبس حطةةةة 😂😂)
كيما كان الحال و انا نستوعب واش قالي ... قلتلو سمح ..بصح كان راح
عودنا ولينا لطابلة قعدنا نغسرو مع لاكلاص تاعنا
...
ايا دارو لغنى زعما تع لكوبل😂😂 وناضو دراري ينفيتيو لبنات يشطح معاهم حتى لقيت روحي وحدي فالطابلة...اواه😦