بنات الميتم ( روايات ليبية )

حلقة 1🔥

#بنات_الميتم
الروايه تحكي علي حياة بنتين في الميتم و عندهن صديقتين قريبات منهن هلبا يجنهن في الميتم
نتعرفو علي البنتين اللي في الميتم
ميسم : عمرها 17سنه مزاللها شهر و يبقى عمرها 18 بنت طيوبة و حلوة عيونها عسليات هلها سيبوها وهي عمرها شهرين عشان بوها ما عنداش حق الماكله سيبها في الميتم
اسيل :عمرها 18 سنه بنت حلوة عيونها سود وطيوبه لسانها طويل ومش مخليه حد يوصل فيها امها وبوها توفو وهيا كان عمرها سنتين قعدت مع امالي بوها لعند ماقعد عمرها4سنين وعايشة مع عمتها توفو ام وبات بوها وقعدت مع عمتها عمتها تجوزت راجلها قاللها هذي ما تقعدش عندنا دوريلها مكان سيبتها علي باب دار الايتام
اللي ماسكة سكن البنات اسمها (وفاء) هو اسمها خسارة فيها😂
مرا باردة ديما لا وما تديريش طبعا اسيل وميسم تكرهن ههه عرايك تقول علي روس بعض في وحدة اسمها شهد ديما تلحق في البنات وتحكي ل وفاء بالعامية جاسوس😂
نتعرفو علي صحبات ميسم واسيل
رونق :عمرها 18 رقيقه وطولها متوسط وحلوة وحيدة هلها عائلتها من العئلات الاغنياء امها عيشة مايهمهاش الا اللبس والمستوى الراقي ورونق لسانها طوووووويل هلبا
مروة : عمرها 18 حلوة وطولها متوسط مش دبه ومش رقيقة عندها اخت ثانيه و خو واحد بوها متوفي امها قاعدة معاهم
عائلتهم حالهم علي قدهم ومعقدين
اختها مريم عمرها 12 سنه طيووووبة بكل بيضة ودبدوبة عيونها عسليات شعرها طويل بالمختصر البنت خياااال
خوها اشرف عمره 29 سنه عصبي وعنده خواته وامه بالدنيا كلها طيوب معاهن ويضرب في خواته بس عشان مصلحتهن بعد يديرن الغلط ويوريهن وين الصح لان موت بوه قعد هوا الاب والاخ والصديق
توا نتعرفو عل باقي في الحلقات :-
ميسم: اسيل يا بلوة نوضي
اسيل : همممم
ميسم: فيسع وفاء قدام الدار تبينا نوتو ارواحنا
اسيل صبت كيف الساعة 1 : وينها وينها
ميسم انفلقت ضحك علي منضر اسيل😂😂😂😂😂😂
:وسعي بالك مزالت ما ركبتش
اسيل : تفو انتي عارفتيني نخاف منها
ميسم : مش كنتتي ما تخافيش
اسيل : 😒😂😂 مو قدامكن ما نخافش وفانص بس
ميسم: بلا كثرت دوة نوتي جدولنا تكوني واتيه
طبعا ميسم واسيل ومروة ورونق يقرن 3ثانوي
اسيل صبت لبست ودارت جوها
ميسم : امسكي شنطتك
ونزلن يفطرن
شهد : الذبان كاثر يا توتو
تقوى : بكل ويمشي يكساب روحا حاجة كبيرة
طبعا يقصدن علي ميسم واسيل
اسيل : يا ميسو في كلبات ينبحن تعرفي وينهن
ميسم: نسمع فيهن ما تعدليش لان الكلاب ينبحن بس و كملن الطريق 😂😂
دارن طاابور
وفاء: اسيل تعالي هن كذا وريني خلقتك
لا تمام مش دايره حاجة وريني يديك لا تمام امشي
الحمارة ميسم
ميسم: بلكي تبطلي الفاظك المعفنة
وفاء: في اخر عمري جايه تعلمي فيا شن تحسابيني كيف امك اللي مشت وسيباتك
ميسم عيونها دمعن : ما تنجيبش سيرتها على لسانك فاهمة وفكيني من المشاكل عل صبح الله يربحك وخذت شنطتها ومشت للمدرسة تجري من غير ما تركب في الباص
اسيل : ميسو يا ميسو تعالي
كلا منك والله مش حنسكتلك عليها فاهمة
ميسم كملت طريقة تبكي وتشهق
خبطت في واحد
ميسم : اااء اسف مش بقصدي
الوليد: ولا يهمك عادي
ميسم كملت طريقها
اسيل وصلت غادي للمدرسة مالقتش ميسم
اسيل : حي عليا وينها البنت وقعدت تبكي
رونق:اسو كنك يا روحي في حد كلمك
اسيل : لالا ميسو مختفيه وفاء الحربة وووووو
رونق : اهئئئ الواطيه هذ اسمعي شوية وتوصل وبعد تجي انروحو كلنا مع بعض للميتم
اسيل : بس اليوم مش خميس
رونق: اليوم نروحو معاك ويوم الخميس نجو عادي ولا تبيش
اسيل : من اللي مايبش تعالي عادي
ميمي وين
رونق : في الطريق
يتبع.... شن رايكن ك مقدمة
للتوضيح الشخصيات :-
سيرين:- ميسم
نازلي:-رونق
توبا:-مروة
ديمه:-اسيل
رايكم في المقدمه