أحببته و أحبني ❤️ ( روايات ليبية )

حلقة 1🔥

#احببته_واحبني ان شاء الله تنال اعجابكم وتفاعلكم الكبيبر عليها ياارب ❤️

#احببته_واحبني
#المقدمة

اني اسمي خولة نقرا 2 ثانوي قصيرونه دبدوبه شووووي وبشرتي قمحيه ؏ــ﴿👀﴾ـيـوني عسليات وسمحه ..

عبدالله خوي اكبر مني يقرا 3 جامعه تخصص هندسه يحبني هلبااا وديما يحكيلي في كل شي يخصه ❤️

ماما فاتن طيوبه وتحبني ودايرتني زي صاحبتها مش بنتها ودايره بالها علينا اني وعبدو

بابا متوفي من لما كنت صغيره 💔 وعايشين في حوش صغير مش كبير هلبا ..

علاقتنا مع خوالي وخالاتي كويسسسه بس عمامي من يوم بابا توفئ وهما مقاطعينا ع خاطر يبونا نطلعو من الحوش 😪✋🏻..

#احببته_واحبني
#الحلقه1

اني:ماما منبيش نمشي لمدرسه جديده منعرفش فيها حد خايفه 💔
ماما:متخافيش يا بنتي عادي تو تتعرفي ع بنات .. الله غالب الخاصه معاش نقدر ندفعلها حالتنا متسمحش 😓
اني:تمام معليشي ربي يرزقنا 😊.. ومشيت نلبس وطلعت لقيت عبدو يفطر
اني:ياسرك نوض هيا ووقت 😒😂
عبدو:اوووو خوخه واتيه بكري غريبه 😂.. هي حاظر اطلعي
ماما:ديرو بالكم ربي يحفظكم ليا 💋
عبدو واني :حاظر سلام

في الطريق..
عبدو:خوخه سمعتك شن قلتي لامي معليشي خيتي تحملي حتي هيا راهي تعبانه ومش ملحقه ع شي فحتي نبو نساعدوها ونخففو عليها الحمل ومعاش نطلبو هلبا تمام 😊
اني:حاظر كلامك كله صح من عيوني ❤️✋🏻
عبدو:هي وصلنا انزلي .. خوخه عندك فلوس للفطور والا نعطيك
اني:لالا عندي مدور شي .. سلام

نزلت وسميت باسم الله وخشيت لقيتها معبيه بالبنات ارتبكت وخفت بس مبينتش قسمونا ع الفصول وخشيت قعمزت بروحي جتني بنت وقفت عليا ..
خلود:معليش عادي نقعمز جنبك 😊
اني:قمت شنطتي .. اي تفضلي
خلود:اني خلود ال... وانتي !
اني:خوله ال... تشرفنا
خلود:ههه اسماءنا قراااب من بعض 😂.. بيك اكتر

وقعدنا نهدرزو وبعدين خدينا شووي حصص وطلعنا استراحه وقعدت معاي خلود الوقت كله ❤️.. بعدين جاء عبدو روح بيا ..

في الحوش بعد ما حني مشينا الصبح ..
عمي:جاء لماما وقلها اطلعو منه الحوش بنبيعوه
ماما:خيرك أنٍْْـ﴿ýøû﴾ـــٌٍت شن تقول رانا امانه من المرحوم ترضو تخلونا في الشارع هذا حوشه وباسمه وحني عيلته ومش طالعين واعلئ مافي خيلكم اركبوه ..👌
عمي:تمام بس سيوركم طالعين منه

روحنا وخشينا لقينا ماما كالعاده موتيه الغداء وتراجي فينا 💋
اني:اوووو مكرونه بالباشميل من يدين فتونه 😍
ماما:اي نعرفكم تحبوها هذا علاش
عبدو:تي ربي يخليك لينا يا غاليه
ماما:هي بسرعه بدلو وتعالو

مشينا بدلنا وقعمزنا كلنا مع بعض
ماما:جاء عمكم بكري وقعد يحكي ع نفس الموضوع
عبدو:😡 شن جيبه الهم مش قطعونا ومعاش يبونا علاش يجو ينكدو علينا عيشتنا ...
اني:💔الله غالب علينا ربي يهديهم بس مش طالعين حني مهما يصير واله!!
ماما:ان شاء الله خير .. هي كووولو صحتين

تغذينا وبعدين خشيت لداري فتحت النت وضفت خلود ع الفيس 😘
ع خشه عبدو :بست خوختي يالحب انتي😊
اني:😂😂شن تبي شن في وراك ؟
عبدو:في بنت نكلم فيها بنلاقيها بعدين نبيك تمشي معاي عشان كان معجبتنيش نخليك أنٍْْـ﴿ýøû﴾ـــٌٍتي تتصرفي 😌
اني:😳يا مسخ حرام عليك الي ادير فيه راه تحشم
عبدو:هيا الي قعدت في جرتي ولصقت فيا غر هيا امشي معاي ونشريلك الي تبيه 😒✋🏻
اني:اوكي نرقد شوي وبعدين نمشو
عبدو :تم

في العشيه نضت قيت ماما دايره سينابون😍
اني:لاااا أنٍْْـ﴿ýøû﴾ـــٌٍتي اليوم مدلعتينا هلباا راه
ماما:هههه يا معفنه ديما ندلع فيكم اني
عبدو:مصحك وقعده مقعمزه تي نوضي وقت 😒
اني:حاظر هي .. خديت ع السريع شاهي ونضت

لبست جينز ازرق ومعاه بلوزة صفراء واكسسوارات ووشاحي وسبيدرو الابيض وحطيت شوي ميك اب 😌💄...

اني:هيا وااتيه راه
ماما:وين ماشيين !
عبدو:بنطلعو نديرو دوره ونجو 😊
اني:اي مش معطلين يا فتونه متخافيش
عبدو:هي اطلعي

في السياره..
عبدو:اسمعي كانها شينه اني بنطلع وانتي اتصرفي
اني:اوووكي تمام

وصلنا ونزلنا للمطعم وكلمها وخشينا قعمزنا طبعا بعد شفتها انصدددمت تخوف 😳😈..

يتبع..