حكايتي

مراحل اعجاب 😍

بدون اي مقدمات .. خش يبني ع البارت الجديد 😒 

في وسط هدووء الساعة ٨ الصبح والعصافير بتصوصو او بتزقزق مش هتفرق يعني 😅 وفي وسط احلام عميقة وجميلة ومن حيث لا تدري صوت جرس منبه حقير يصحييك 😂

سيف طبعا مستحملش الصدمة اتقلب ع الارض وكالعادة فاطمة بتضحك على منظر اخوها اللي يا عيني بقا حاضن البلاط 

سيف : انتي مش هتبطلي التفاهة دي هتموتيني في مرة من تخلفك دا 

فاطمة : وانا اعمل اي مانت اللي جبلة وتنح وعمالة اصحي فيك ولا حياة لمن تنادي😒 .. المرة ديي جرس المرة الجاية جردل ماية وشد ميت خط تحت كلامي 🙂

سيف : طب اتفضلي ف داهية علشان اتنيل اغير هدومي 

فاطمة : تؤ تؤ انت هتقوم تاخد هدومك دي وتقوم تدخل الحمام دا ومش هخرج قبل م اشوفك جاهز 🙂

سيف : فاطمة انجزي مش فايقلك 

فاطمة : لا ماهم انا عاوزاك تفوق وهفوقك 😊

سيف وهو بينفذ كلامها فعلا : ياشيخة ربنا على الظالم ☹ 

فاطمة : والمفتري يا قلبي 😂 

نسيبنا بقا من الجماعة دول 😂 وننتقل للأختين الحلوين المؤدبين 🙂

وربنا يا ملك الكلب لو ماجبتي الموبايل لاشلفطلك وشك 🤬

ملك : نو نو نو ي بيبي مش هتاخديه قبل ما تعملي كل اللي قولتلك عليه 

سارة : يا ملك هتزعلي مني 

ملك : مهونش عليكي انا عارفة 😅 

سارة : يارب صبرني بليتني ببلوة سودة 

ملك : ايوا انا حبيبتشي تسلميلي يارب 

سارة : يبنتي انتي النهاردة الزفت عيد ميلادك ومش عاوزة ازعلك 🤬🤬🤬 

ملك : ياستي انا عاوزة اتهزق واصلا من امتى وانا بحتفل بيه ماهو هواه نفس اليوم زي اي يوم بنعيشه وبصطبح بالخلق المفعكشة دي ع الصبح 😒 الا شعرك دا ولا سلك 🙂 

سارة : وربنا ما شوفتي ثانيتين تريية على بعض ☹ 

ملك : ياا باشا حصل وانا شاهدة 

سارة : طب انتي عاوزة اي دلوقتي ؟؟ 

ملك : تتنيلي تروحي تلبسي علشان تاخديني في طريقك .. الجامعة بعيدة وانتي عارفة من بعد الحادثة اللي حصلت وانا مش عاوزة امشي لوحدي 

سارة : البادي جارد بتاعت سعادتك انا مش كدا ! 

ملك : هو مش انتي اختي الكبيرة بردو ولا اي يعني ☹ 

سارة : من حظي الاسود اتي ابقا اختك الكبيرة 😒 

ملك : بالنسبالك ي كلبة يلا انكشحي من قدامي 😒😒😒😒 

سارة بتمتمة : يا شيخة روحي اللهي يارب تتزحلقي وتقعي ع بوقك 😡 

ملك : سمعاكي ولينا كلام تاني اصبري عليا انتي بس 😒

وفي مكان تالت خالص بعيد عن الاشكال دي 😒🙂 

اروى : طب اييييه ؟! 

أميرة : مش عارفة اوصلها بردو .. بس هتيجي وربنا هتيجي 

ندى : يجدعان فكروا ونبي هنعمل اي في عيد ميلاد كائن البقرة الضاحك دا 

شهد : هي خطة واحدة واللي غالبا اتهرست في خمسومشاشر الف فيلم عربي واجنبي وفي المسلسلات التركي 

ندى : اي يا بختي الاسود 🙂 

شهد : هيكون اي يعني نتصل بأختها ونتفق ونظبط معاها ونعملها مفجأة 

اروى : ايوا بس دي عيد ميلادها النهاردة 

اميرة : طيب احنا نحل موضوع الهدايا الاول وبعدها نحضرلها المفجأة ولا ايي 

شهد : اشطا تمام حلو دا بس ازاي نبعدها عن البيت 

ندى : ظبطوا انتوا بس الخطة وانا هتصرف في الباقي 

الكل : اشطاا 

عند سارة 

سارة :تمام انا هظبط كل حاجة بس عاوزاكي تأخريها ساعة بالكتير 

- ياااستي ماشي قولتلك هتصرف 

سارة : طب هتعملي ايه 

- ملكيش انتي دعوة بس المهم البنات بدأوا يجهزوا الهدايا وكله تمام وانتي بقا عاوزاكي تتصرفي وتتشقلبي وتخلصي اللي قولتلك عليه اشطا 

سارة : اشطا .. يلا سلام 

- سلام 

ملك : بتكلمي مين يا بت .. اعترفي واوعي تحاولي تنكري .. شوفي اوعي .. الانكار مش هينفعك 

سارة بخضة : يا شيخة حراام عليكي هتموتيني .. دي مكالمة شغل عادي يعني 

ملك : امممم ايوا يعني مين 

سارة : حد متعرفيهوش ي ملك دانتي غريبة 

ملك : شكرا يا مؤدبة ي محترمة ... بقولك .. ندى كلمتني وعاوزاني معاها في مشوار مهم كانت عاوزة تشتري ضوية حجات ف عاوزاكي تكلمي الحاج 

سارة : مع اني مش فايقالك خالص انتي ومواضيعم اللي مبتخلصش بس ماشي يا ستي .. وعدي الجمايل