💕أنت قلبي٢💕

الحلقة ١٢

#انت_قلبي٢
#بوسي_مصطفي

_____الحلقة ١٢____

في شقة عمر (زوج ياسمينه)
كمال : م تقعد يابشمهندس
عمر بتنهيده يقعد
عمر : استاذ كمال انا مسكت اعصابي بس
علشان خاطر حضرتك
ياسمينه : ولو مش الاستاذ كمال موجود كنت
هتعمل ايه ياعمر
عمر : معرفش بقى كنت عملت ايه!!
ياسمينه : وليه متعتبر الاستاذ كمال مش موجود
مع احترامي لحضرتك طبعاً يامستر
وقولي بقى هتتصرف معايا ازاي
ولا تكونش فاكرني خلاص بقيت يتيمه
وحضرتك وهتبيع وتشتري فيه بقى
عمر : انت عارفه ياياسمين ان عمري م كان اسلوبي
معاكي لوي دراع وسايبك براحتك علشان انا واثق فيكي
لكن مينفعش تردي عليه الرد دا
ومفروض بقى اكون هادي ومتهورش
ياسمينه : لأ اتهور ياعمر
كمال : طب انا بقول استأذن انا بقى
طالما وجودي ملوش اي لازمه
عمر : انا اسف يااستاذ كمال
ياسمينه : متأسفه يامستر بس هو اللي مستفز
عمر : أنا اللي مستفز برضو ياياسمين !؟
كمال : طب ممكن اتكلم ولا اريح نفسي واروح انام
عمر : اتفضل حضرتك احنا سامعينك
ياسمينه : اتفضل حضرتك يامستر بس علشان خاطري بلاش تيجي عليه علشان مش ناقصه
كمال : لا ياياسمين لما اقولك انك غلطانه انا كده مبجيش عليكي
انا بقول اللي شوفته واللي حصل منك
زعلانه على مامتك دي محدش يقدر يتكلم فيها
نظرت ياسمينه ليه بحزن
كمال : لكن لما تخرجي وتتأخري بره البيت
وتقفلي تليفونك وتقلقينا كلنا عليكي
وراجعه مش عايزة حد يكلمك ولا يسأل علشان يطمن
عليكي.. دا يبقى ايه يااستاذة
جوزك له حق عليكي ومن حقه يسألك كنتي فين
واتأخري ليه ومينفعش تعلي صوتك عليه
مامتك عمرها م عملتها.. ولو دا اسلوبك معاه
يبقى كتر خيره إنه مستحملك
عمر : لا يااستاذ مع احترامي لحضرتك انا استحمل
من ياسمين اي حاجه ومش خير بعمله معاها
بس انا مقدر ظروفها وبحاول على قد م اقدر اخفف عنها
ولو ضايقتك ياياسمين انا بتأسفلك
حقك عليه.
ياسمينه بحرج : انا اللي آسفه ياعمر
كمال : كان لازم اقرص ودنك يعني علشان تعرفي إنك غلطانه
ياسمينه : هو فعلاً مستحملني بس انا اعصابي تعبانه
وغصب عني.
قرب عمر وقعد جنبها وطبطب على كتفها
عمر : خلاص بقى متعيطيش انا مسامح
سامحي انتي بقى
ياسمينه : انت طالب مني السماح كمان
عمر : معلش مش كلنا زي بعض نقدر نتحمل
وانا عذرك ومقدر الظرف اللي انتي فيه
كمال : انا بقول مبقاش ليه لازمه خلاص
تصبحوا على خير
عمر : ياخبر يااستاذ كمال حضرتك الخير والبركه
اقعد اتعشا معانا
كمال : عشا ايه بقى احنا بقينا نص الليل يدوب اروح انام

عند باب الشقة
كمال : انا شديت عليها جامد علشان بس تعرف انها غلطانه
معلش بقى متضغطش عليها تاني وسيبها براحتها
وهي واحده واحده هتتأقلم وتتكيف مع الوضع الجديد
عمر : انا صعبان عليه الحاله اللي هي فيها
بس مفيش في ايدي حاجه اعملها
كمال : انت ابن أصول ياابني.. وكتر ألف خيرك انك مقدر الظروف اللي هي فيها
عمر : انا مبتعاملش مع ياسمين علي إنها مراتي بس
ياسمين مراتي وبنت خالي وصاحبتي كمان
والقرابه اللي بينا بتفرض عليه اني اتعامل معاها ب اسلوب تاني خالص ولازم استحمل
كمال : أصيل يابشمهندس.. سلام عليكم
عمر : وعليكم السلام..
ورجع عمر ل ياسمين اللي كانت دخلت اوضتها.
عمر : اقعدي ياياسمين عايز اتكلم معاكي
ياسمينه : هنتكلم في ايه تاني ياعمر
مش خلاص الموضوع انتهى وخلصنا بقى
مسك ايدها ونظر في عيونها
ياسمينه : دا ايه جو الحنيه اللي نزل عليك فجأة دا
عمر : فجأة !!
ياسمينه : معلش أخطأت التعبير رومانسيه مش حنيه
انت طول عمرك حنين بس مبتعرفش تقول كلام حلو
عمر : عايزة تسمعي ايه
ياسمينه : مبقتش عايزة حاجه خالص ياعمر
عمر : بس انا عايز بيتي ومراتى وعايز كمان نفسيتك تبقى افضل من كده
عارف ان مفيش حاجه بتيجي مرة واحده
بس حاولي ياياسمين بلاش اليأس والاستسلام دا
ياسمينه : امي ياعمر
عارف يعني ايه امي؟؟
دا انا تقريباً يومي كله كنت بقضيه معاها
اخرج من البيت اروحلها اخلص شغلي اعدي عليها
رايحه اي مشوار لازم اروح واقعد معاها ونقعد ندردش مع بعض
حاجه مضايقاني.. كنت بقولها عليها
كنت برتاح وانا عندها.. كلامها وحنيتها كانت كفيله انها تنسيني كل همومي.. اكل وهزار ومناقرة مع سيف
ودنيا تانية خالص غير اللي انا عايشاها دلوقت
عمر : حياتك مليانه حاجات حلوة كتير ياياسمين
بصي حواليكي.. هتلاقي بناتك.. بلاش انا حتى
عندك اخواتك.. طب شوفتي كانوا كلهم هنا وقلقانين عليكي ازاي
دا سيف كان ناقص يضربني علشان بس بسألك كنتي فين
وراكي رجاله اهو يدافعوا عنك
ولا الاستاذ كمال.. رغم إنه شد معاكي الليلة بس
هو راجل محترم وعقله دا يوزن بلد
ياسمينه : انا مش زعلانه ولا مضايقه إنه كلمني كده وطلعني انا اللي غلطانه
بس دا استحاله ازعل منه
عمر وهو بيقرب منها.
عمر : طب والغلبان دا ايه نظامه بقى
ياسمينه : م خلاص اتأسفت ليك وخلصنا بقى ياعمر.
عمر : هههههههه
ياسمينه : بتضحك ع ايه
عمر : انا آسف ياياسمين بس بصراحه
بتبقى جميله اوي وانتي مكسوفه
ياسمينه : تقصد ايه ياعمر
عمر وبيضمها ليه : بحبك ياياسمين
ياسمينه : مش بقول الرومانسيه دي جديده عليك
عمر : من نفسنا بقى ياياسمين
فكي البتاع اللي ع دماغك ده
ياسمينه بابتسامه : حاضر
عمر : أخيراً ضحكتي
ياسمينه احتضنت عمر وهي بتبكي
عمر : قولنا ايه ياياسمين؟؟
ياسمينه وهي بتمسح دموعها : حاضر ياعمر
________________