حظرة الزعلان بيش مزعلك
انه لمداريك اكثر من هلك
تجرح وتقسي وشغلتي استحملك
شويه خلي احجي الحجي موكاله الك
بحظك وبختك كلتلك يوم لا
من عرفتك صرت خيط بمغزلك
المشكله التعزه يتعزز عليك
والتصير ويا سهل يستسهلك
بس علي متعصب ووجهك ثكيل
السفن غركت لو حريق بمعملك
زين اعرف غرتك بعض الوجوه
الشياطين التجي بهيأة ملك
يجوز ما مثل وبالغ بالكلام
الضاهر انت تقدر اليستغفلك
انه لا اتأخر بموعد عليك
ولا اتركك تنتظر لا بهذلك
هذا طبعك ما تحب الروحه بيك
وركض تركض ركض ع اليتجاهلك
