🍂 بابليون 🍂طلبو الشباب قبل ما ينادو سهى من مكان الألعاب .. اكلو سوى .. ورجعو البيت ..اول ما وصلو .. طلعو الشباب غرفة وائل ..اي واحد فيهم اترمى في مكان ومسك تلفونو ..عامر كان بتكلم مع اروى .. ورتو انها يادوب راجعة البيت من هدى مع اخوها مصعب ..اما كمال .. كان بتونس مع رنا .. و ورتو انو تاني يوم جايين بيتهم علشان موضوع زياد ولين❤️😍🙈(( 💜عقبال كل اتنين بيحبو بعض كدا💜 ))و وائل .. كان بدردش مع هالة ف الواتس .. فجأة طلعت .. رسل ليها كم مرة م ردت .. واتصل عليها كمان .. بس م ردت💔🔹🔸🔹🔸🔹🔸🔹🔸🔹🔸🔹🍂 توتي 🍂هالة .. اثناء ما كانت بتتونس مع وائل ف الواتس .. سمعت صوت ابوها بصرخ وبقول : ابتهااااال قومي .. قووووممممي💔جرت برا وهي مخلوعة وقالت : ابووووي في شنو😨فجاة عاينت لي امها الواقعة في الارض جمب المصلاية..تاني قالت بصوت مبحوح : ب .. بابا .. ف شنو !!💔ابوها قعد في الارض وهو ببكي وبقول : يا بتي أهي امك كان بتصلي وما عارف فجاة وقعت و...ما قدر يكمل كلامو وبقا ببكي شديد💔هالة وقفت جمب امها وهي بتعاين ليها .. قبل ما تنزل في الارض جمبها .. مسكت وشها بيدينها الاتنين .. وقالت : امي حبيبتي ،، يلا قومي انتي عارفة الهظار الكدا ما حلو ،، يلا قومي💔ابتسمت قبل ما ترجع تقول ليها بصوت عالي : امي قومي يااااخي قومي قلتا لييييكي بطليوفجأة حضنتها وبقت بتبكي وبتقول بصوت عالي : اممممي لا الله يخليك .. لا ي ماما .. لا عليك الله لا .. هسي مشيتي وخليتينا انا وابوي برانا في البيت لمنو .. قومي الله يخليييك قومي😭😭💔يا ماما قومي قووومي💔ابوها مسكها .. التفتت وقالت ليهو وهي بتبكي : ابوي فكني .. كلمها تقوم بس عليك الله قول ليها قومي💔ماما قومي م بقدر اعيش بدونك قومي ياخي💔الصادق : استغفري ي بتي استغفري .. الله يصبرنا خلاص ماف شيء في يدنا .. امك مشت لي الارحم عليها مننا .. استغفري م صح منك كدا💔هالة رجعت قعدت جمب امها .. عاينت ليها مسافة وهي دموعها نازلة .. غضت ليها وشها بطرحة الصلاة الكانت لابساها .. وقالت : الله يرحمك يا امي ،، الله يرحمك💔بعد شوية بدو الناس يعرفو .. و ورو داليا .. من البكا أغمى عليها وحالتها بقت حالة .. قبل ما يجو البيت ويبدو يجهزو للدفن وكدا ..🔹🔸🔹🔸🔹🔸🔹🔸🔹🔸🔹🍂 تاني يوم 🍂صحو ناس وائل الصباح .. وصلو في الجامع قبل ما يرجعو ويبدو يقرو ..🔹🔸🔹🔸🔹🔸🔹🔸🔹🔸🔹🍂 بيت ناس كمال 🍂كانو كلهم مشغولين .. نضافة وتجهيز .. علشان اهل زياد جايين ..🌸 الساعة ٢ ونص ضهر كدا 🌸مشت رنا لي لين في البيت .. وطلعت ليها في غرفتها .. فتحت الباب قبل ما تعاين وتلقاها بتطلع في هدومها من الدولاب ومحتارة تلبس شنو ..رنا : سبرااااييييزززز🐷لين بخلعة : الله يقطع سنينك ياخ😂💔رنا : حيوانة😂😂سلمو على بعض بالاحضان ..رنا : يلا هوي علشان ما اتأخر انا .. ديل حاجات بعتهم ليكي زياد معاي ..وادتها الاكياس ..لين : اممم طيب ،، تسلمي😁رنا : العفو حبيبتي يلا اشوفك العصر ..لين : بااي😘👋فتحت الاكياس .. ولقت شوكولاتاات .. و ورود كتيرة بالأحمر .. ودبدوب كبير بمبي في نصو في قلب كبير مكتوب عليهو ILove you💜وفي كيس تاني فتحتو .. لقت جواهو شيء مغلف بغلاف هدايا .. فتحتو .. وكانت علبة سوداء فخمة كبيرة كدا .. لما فتحتها .. بقت بتعاين لطقم الالماس مسافة بإعجاب .. قبل ما تبتسم وتقول : ما أنحرم منك❤️
يتبع.....
