🌸 بيت بتول 🌸لجين نزلت من غرفتها ومشت على المطبخ تعمل نسكافي..سمعت صوت زول ماشي قريب المطبخ التفتت لقتو صالحوكانت لابسة بجامة نوم ورافعة شعرها ومكعكاهورفع حاجبو وهو بعاين ليها قبل ما يقول : انتي صاحية لهسي ؟!🙄🙄لجين : ااي بس كنت زهجانة وكدا ونزلت اعمل لي نسكافي بس..😅😅صالح : اهاا .. طيب ممكن تعملي لي معاك ؟!لجين : حاضروعملت كبايتين ليهم قبل ما يمشو ويقعدو في السلم وهم ساكتين بس ..صالح : لجينلجين : امم !!صالح : انتي و لؤي حتفضلو معانا صح ؟!لجين : ما عارفة والله لؤي للان م قال لي شيءصالح : انتي عايزة تفضلي معانا ولا لا !!🌚🌚سكتت مسافة قبل ما تقول : بصراحة ااي ،، بعدين انا بحب عمتو بتول شديد ومخففة علي فقد امي شوية😊💔صالح : طيب خليكم معانا انا ما صدقت انكم جيتو ومليتو علينا البيت😓😓ابتسمت بدون ما تقول شيء..صالح : رأيك شنو بكرا أطلعك ونمشي أوزون !؟لجين : اووكي تمام🌸صالح : تمامعاينت لساعة الحيطة ولقتها (( ١ ونص )) قبل ما تقول : انا لازم انوم بعد دا الوقت اتأخر شديد😁😁صالح : تمام ماف مشكلة.. تصبحي ع خير💙✨لجين بإبتسامة : وانت بألف خير🌚💕طلعت على غرفتها قبل ما هو كمان يمشي غرفتو .. فضل يفكر فيها .. فجأة اتذكر اروى وبقا بستغفر وضاغط بيدينو على راسو بزعل .. واستمر بتقلب في السرير طيلة الليل لغاية ما بعد عذاب نام ..🔹🔸🔹🔸🔹🔸🔹🔸🔹🔸🔹مشت لقت هالة نايمة والتلفون جمب اضانها .. شالتو وختتو في الطربيزة .. وغطتها .. عاينت ليها مسافة قبل ما تبوسها على راسها ..طلعت من الغرفة واتوجهت على غرفة ابوها .. ولقتو صاحي ..داليا : يا ابوي انت الليلة تعبت شديد اخد ليك نومة شوية علشان ترتاح ..الصادق مسح وشو بيدينو قبل ما يقول : هو يا بتي بعد دا النوم يجي من وين ،، استغفر الله بس💔💔عاينت ليهو مسافة قبل ما تربت على كتفو وتطلع من غرفتوو ..سعد كان قاعد في الصالة .. مشت وقَعَدت جمبو ..داليا : انت ما اكلت ولا شيء من الصباح حا اقوم اعمل ليك شيء تاكلو معليش بس مع الجوطة انشغلت ..فضل يعاين ليها ساي بس وقلبو مقطوع عليها بالرغم من كل شيء بتفكر في ناس البيت وفيهو💔اول ما جات تقوم .. مسكها من يدها وقام وقف على حيلو ..حضنها عليهو شديد وهو بقول : داليا حبيبتي انا عارف كويس انو قلبك واجعك شديد ،، بس خليك مني ومن جوعي انتتي همي هسي بس ،، خليكي قوية ع الاقل علشان هالة اختك لانها محتاجاك جمبها هسي♥️♥️زحت راسها من حضنو وهزتو دلالة على انها موافقة ع كلامو .. مسحت دموعها قبل ما تقول : سعد !!سعد : عيونو💕💕داليا : بما انوم ماما ربنا يرحمها بقت ما معانا خلاص هالة وابوي حيصعب عليهم يقعدو براهم الفترة دي بالذات .. خلينا نجي نسكن هنا وبصراحة ما دايرة اخلي هالة براها هسي💔💔سعد : اصلاً كانت عندي الفكرة دي ولو جيتنا هنا بتبسسطك وتريحك طوالي نجي🌸♥️داليا : بجد ما عارفة اقول ليك شنو ربنا يخليك لي ياخخ💙✨خت ايدو على راسها مسافة وباسها في شعرها قبل ما يقول : ولا منك💜🌸🔹🔸🔹🔸🔹🔸🔹🔸🔹🔸🔹🍂 تاني يوم _ السبت _ ٥ ونص صباحاً 🍂وائل صحا وصلى الصبح قبل ما يقرا قران مسافة ويهبو لي روح ام هالة .. مسك تلفونو واتصل على هالة ..🔹🔸🔹🔸🔹🔸🔹🔸🔹🔸🔹🌸 توتي 🌸كانت في المصلاية بعد ما صلت وبقت بتدعي لأمها .. سمعت صوت التلفون وقامت شالتو .. لقت المتصل وائل .. فتحت الخط بدون ما تنطق بكلمة ..وائل : هالة !!هالة بصوت مبحوح : نعم ؟!💔لحظتها ما عرف يقول شنو وقلبو وجعو شديد لانو ما قادر يكون جمبها في لحظات صعبة زي دي..قال ليها : كيفك ؟!هالة : ماشي الحالوائل : كيف اصبحتي ؟!هالة : الحمدلله ..وسكت مسافة قبل ما يقول ليها : هالةهالة : نعم ؟!وائل : قاعدة تآكلي ؟!اتذكرت انها اليومين ديل ما دخلت شيء في خشمها غير الموية .. وقالت ليهو : ااي😓💔وائل : ما تغشيني اكيد ما حتكوني اكلتي شيء ..هالة بصوت بينذر بي انها حتبكي : وريني ادخل شيء في خشمي كيف بس يا وائل كيف💔💔وبقت بتبكي ..وائل : لالالالا خلاص اسف اسف ما تبكي🤐🤐عدت زي ٥ دقايق وهي مستمرة في بكاها .. بعد سكتت ومسحت دموعها ..وائل : بجد انا اسف💔💔هالة : لا ولا يهمك ما عملت حاجة..وائل : طيب ممكن طلب ؟!هالة : اتفضل ..وائل : اكلي ليكي حاجة ع الاقل علشان خاطري💔هالة : طيبجات داليا داخلة الغرفة ..هالة : طيب ي وائل بتكلم معاك بعدينوائل : طيب خلي بالك من نفسك ،، سلامهالة : سلام (( وقفلت الخط ))
يتبع....
