قَـــدري

بارت1

عنوان القصة (قَدري)
اقدارنا مكتوبة لا نستطيع تغيرها

سنا:هلاو اسمي سنا عمري 19 سنه اني كلية مرحلة اولى هندسة معماري من البصرة مواصفاتي طولي متوسط طولي 165 ووزني 58 ضعيفه بس جسمي حلو شعري طويل كلش لونه سواد ع بني هيج عيوني بني فاتح وبشرتي حنطية المهم اعرفكم ع البقية قبل منبلش بقصتي

سجاد: اخوي الجبير عمره 22 كلية علوم حسابات مرحلة رابعه

احمد : اخوي الثاني عمره 20 سنه كليه مرحله ثانيه هندسة كهرباء

سنا: امي سينا وابوي ضياء ابوي موضف
بالكهرباء وامي ربة بيت حالتنه المادية الحمدلله زينه وعايشين مرتاحين بالنسبة ل اقاربي عندي عم واحد فقط والي هو عمو محمد عنده بس ولد رضا عمره ٢٤ سنه بيت عمي عايشين ببغداد واحنه بالبصرة ف منععرف عنهم هواي ولا نختلط وياهم وبس بالمناسبات نتشاوف يعني كلش نادرا اما امي اهل امي فعندي 3 خوال و 3 خالات وكل واحد عنده درزن ولد وبنات قبل لا اتزوج جنه دائما نختلط وسفرات وطلعات سوه

.....

سنا: جانت حياتنه طبيعيه بين دوام وشغل وهاي الا ان اجه يوم غير كل حياتي هسه حتعرفون شصار جنه كلنه راجعين من الدوام وكاعدين نتغده خلصنه وجان يخابر عمي ابوي ابوي استغرب عمي متصل وبهيج وقت؟ لان هم نادرا ما يحجون جاوب بابا
عمي : الحكلي خويه مصيبه مصيبه
بابا: خير ابو رضا شصاير خوماكو شي
عمي: رضا بالبصرة صارله يومين كال عندي شغل وداعمله واحد حالته خطرة هسه هو بالمستشفى
بابا: شنو لا والله لا اله الا الله هسه كلي اسم المستشفى وانه رايح اشوف الولد وراح اتكفل بكلشي لا تخاف انتو وين هسه
عمي: *** اسمهه واحنه هسه جايين للبصرة بالطريق
سنا: احنه بس نسمع بابا يصيح ويحجي ويكله شنو صدك تحجي يا مستشفى واحنه قلقانين وماندري شسالفه خفنه احد من بيت عمي بيهم شي احنه واحد بعيد ع ثاني بسبب خلافات قديمه
امي: خير ضياء شصاير
سنا: بابا حجالنه السالفه واخذ السويج واخذ سجاد وطلعو واحنه ضلينه بالبيت قلقانين ومنتضرينهم يجون صارت ب ٤ دك الباب طلع احمد طلعو عمي ومرته دخلو سلمنه عليهم وكعدنه شوي وعمي كبل طلع للمستشفى خطية مرت عمي خايفه وبس تبجي واحنه نسكت بيهه صارت ب ٧ وماكو خبر
ام رضا: شصار عليهم عاد ليش محد ديتصل ويطمنه
امي: كولي يا الله ام رضا انشالله خير احنه هم كلنه قلقانين وخايفين واللة بس ما بيدنه شي غير الدعاء والصبر
سنا: هاي الحجي كله رضا ماخذي الشرطه المهم صارت ب٨ اتصل ابوي راسا كلهه كمزت جاوبت امي
ماما: ها خير ضياء بشر شصار وفتحت سبيكر
سنا: ابوي مخنوك ما يكدر يحجي
امي: ضياء احجي عاد تجمدنه واللة
بابا: الولد مات
امي: ياااا لا حول ولا قوة الا بالله وانتو هسه وين وشراح يصير
بابا: خلنرجع للبيت واللة كريم جايين
سنا: سدت الفون ومرت عمي تبجي وتكول ابني راح يروح وتبجي انكسر كلبنه عليهه وبس نبجي وياهه صح علاقتنه مو قويه من قبل بس يضلون من لحمنه ودمنه وحزنهم حزنه ووصلوا ابوي وعمي وسجاد عمي وجهه منتهي لان يموت ع ابنه ورضا ولد فقير كلش احنه نعرفه ومتابعي ع مواقع التواصل وهيج بس مبيناتنه حجي يعني الولد كلش حباب بس من ورا الاهل علاقتنه خربت المهم انقهرنه عليهم متنه ضلينه كاعدين ونحجي ب الي راح يصير
بابا: كومي سنا بابا فرشي لعمج ومرته بالغرفه الجوه خينامون منا لباجر مية فرج انشالله
سنا: كمت فرشتلهم بغرفه الضيوف ونامو نمنه كعدنه ثاني يوم وضلينه بالبيت محد طلع لان منعرف شيصير ميصير مرت 3 ايام ع وفاة الولد وراحو ابوي وعمي واخواني واخذو هم زلم كبار حتى يتفاهمون وراحو واحنه خايفين ميتين وخاصتا مرة عمي ذبلت انتهت من البجي المهم ضلينه منتضرين اجو ب ١٠ بليل الوجوه متتفسر ابدددد كلهم ضايجين وصفنات ومايدرون شيحجون احنه خفنه كنالهم شكو شصاير
بابا: حجينه وياهم وكالو
........................