مساء الانهار تحبوني ولا ننهار، ؟😂
طبعا نعرفكم بنفسي
الاسم:رواسي.
العمر، المواليد:2007-13.....احمم طبعا راكم تنسوا عيد ميلادي یوم22😂😂💙.
السكنه:كوكب الأرض ليش القصقصه😑
الهوايات:قارئه وبإمتياز لين عيوني يوجعوا فيا من كثر قراءه القصص والكتب والروايات والمعلومات الى اخره، نحب نتعلم الطبخ،نحب الرياضه والرسم والغناء(جيبوا الوشقه😂).
المهم بعد مااعرفتوني ونفختلكم راسككم طبعا العالم كله يعرف شن هو الكورونا المشؤوم وانه لازم نقعدوافي الحوش وجوامع سكرت والمدارس والمهن بإختصار الدنيا هفتت لما تطلع تشوف الشوارع تقول هادي مدينه اشباح او مهجوره بالرسمي 😂😂
فيه اللي يقولوا كساد تي تعرفوا اول اسبوعين قريب خديت ستيك الفلوس وانتحرت(يلتيييف)المهم بعدين فصل النت للافس الافيس😔😔،بديت نقرا في كتب ومرات نسمط ع خويا ومرات نقوله نلعبوا ويقولي لا(تفي وخلاص)المهم لين فرجها ربي وفتحت نت شفره وعمت السعاده(عمه ولا خاله😂)نبصر نبصر نزلوا الشباشب😂
المهم قاعد الكساد واللي تقوله كساد يقولك برا لتشاد وتشاد فيها كورونا وقصه حزينه يقلبي😔💔
بديت ندور شن نقرا ع الوات كوكبنا البرتقالي اللطيف، لقيت كتب تستحق القراءه ح نقوللكم اسمها بس في البارت الجاي(نظمن قرائتكم احم😂😂)المهم بديت نقرا ونساعد في ماما ونهدرز ونغير في جوي هادا كله في الحوش يعني مفيش كساد تغلبت عليه والحمدلله🙏،
وتعرفوا كورونا ليها فوائد للعلم، عندي هلبا حاجات نبي نديرهم قبل بس بسبب المدرسه وضغط وزياده نقرا في جامع ف معنديش فضوه حتى باش نحفظ سورالقرءان، توا بديت نحفظ ونرسم وان شاء الله مفكره ندير اشغال يدويه لاني نحبهم وليا فتره سيبتهم😔💔 ريتواظلم القرايا وعطف كورونا😂❤،الرساله اللي نبي نوصلها من الدفنقي هادا كله انه تقدرادير هلبا اشياء وانت في حوشك ومع اهلك وكلموا اصدقائكم وغيروا جوكمم😂💙💙.
لاتنسوا تعملوا باسم وشير وسبسكرايم
ومع السلامهههههههه 😂نبصر والله
متنسوش التعليقات الليكات ميهمونيش في الكتاب هادا بس علقوا باش نهدرزوا واي شي😂وطبعا مدققوش في الاملاء لانه مراجعتش كلامي😓
نشوفكمم في البارت الجاي❤
#خليك_في_الحوش
