صدف لا تنتهي

البارت 12

حنا دابا فلقهوة غا انا و صقر كنا كنختارو لموصيل تاع زواق دلحفلات كان عندنا الدوق متشابه فكلشي سالينا وجمعنا دكشي بعد مهضر صقر معا تريطور او صحاب الديكور تفقنا نديروه فواحد لقاعة كبيرة جنب طريق حتى هضر صقر بصوت هادئ
صقر : فلحفل ايكونو شي صحفيين متخليهومش ايهضرو معاك حتى ندير لقاء صحفي او نشرح كولشي
ميار : علاه نوي دير شي لقاء صحفي
صقر : بطبيعة الحال غانديرو قبل من منعلنو خطبتنا رسميا كفاش باغا لحفلة تكون
ميار : انا مبغا لعرس لحفلة بغيت دكشي ايدوز بسكات
صقر : واش حيت زواجنا مجرد صفقة اديري هاكا
ميار : حتى كمكانش صفقة او كان حقيقي فتيق بيا راه كنت انقول نفس لهضرة حيت انا من نوع لي مكيعجبونيش الامور رمزية دكشي علاش مبغيتش نديرو او كنتمنا تفهمني او متبززش عليا
صقر : لي بغيتيها هيا لي تكون غابقاي ليا على خاطرك راه حتى انا كيجيني دكشي غا تخربيق
ميار : وينو وينو على لي كيدير لي لخاطر
كنا كنضحكو حتى دخل عنا منير او لبنى شادين فبعضياتهم
ميار : تصلحتو ايوا علا سلمتنا
منير : كلشي بسبابكم ازين
مشاو gلسو قدامنا حتى تمو داخلين لعشاق لوخرين مشادين ليدين
معاذ : تصلحتو
منير : واه اجي نتا بعدا لاش شاد لاسماء ليد
معاذ : ديك لمن شاد نتا ليد شنو كتجيني
منير : ختك
معاذ : او شنو كتجيك نتا
منير : بيبتي
معاذ : او اسماء شنو كتجيك
منير : ختي
معاذ : ختك او حبيبتي انا انسيبي
منير :ههههه ويلا موافقتش
معاذ : غتعطيني ختك نعطيك ختي
منير :(ناض عنقو) مشات انسيبي مبروك عليك اصاحبي
بقاو كيتحابو بناتهم هوما بربعة
ميار : زعما مكاينش تحتارموني شوية زعما
منير :(غمزها ) مكفاكش داك تيس لي حداك
كان حاط يدو فوق طبلة حتى حس بموس مخشي بين صبعانو بلا ميجرحو
صقر :(مخنزر فيه ) التيس هوا باك الحولي
معاذ : ههههه
لبنى : كنتي اتقتلو
ميار : انتبعك ليه ايلا مسكتيش
كملناها ضحك هوما رجعو او بقيت معا صقر
ميار : واش نمشيو غدا نشوفو لبلاصة
صقر : منقدرش راني مسافر معا لفجر
ميار : اويلي علا لفجر او باقي ممشيتي تنعس
صقر : راه ولفت لمشكيل تافقت ماعا واحد ايشد ليا اولفير او كالى ساعا تعطل
ميار : ميعدالش ليك تديهوم معاك
صقر : كالى مجروحة منقدرش
ميار : خليهوم عندي اي ونسوني
صقر : منلقغش حسن منك اصلن مولفينك ، ملي عزيزين عليك علاش مشريتيش شي واحد
ميار : يلاه عندي منكل انا غانزيد شي حد اخر ، لموهيم فاش تكون غادي دوز عندي وصل هوم ليا اوكي
صقر وصل ميار او مشا يجمع حوايجو ، وصل لفجر صلى او مشا عند ميار لدار معا ذياب ديالو سرسر او هيا تخرج ليه بشورط قصير او سدرية تاعو كانو بلكحل كانت باينا عليها اتار نعاس
ميار : نعستي شويا ابعدا
صقر : نعست واحد ساعة حتال طيارة او نكمل نعاسي
ميار : شحال اتgلس
صقر : انرجع فبحال هاد لوقيتة غدا
ميار : هيا اترجع بنهار قبل من لحفل انتسناك باش نقضيو لي باقي او نوزعو لبطاقات
صقر : اوكي ها كالى او اوليفر
هبطات عندهم كتبوسهم او تهضر معاهوم رجعات عند صقر لي جرها لعندو او خشا وجهو فعنقها كيشم ريحتها اما هيا ضورات يديها على خصرو او قالت بكل رقة او حنان
ميار : تهلا فراسك او متفورسيش فلخدمة
مشى صقر بعدما و دعها ، دخلات هيا تكمل نعاسها حدا كالى او اوليفر اما هوا فشد طريقو
#في الصباح #
كيصوني تليفونها كميرا جوبات بلا متشوف شكون حتى تصدمات بصقر لي كان معري من لفوق او لوشام لي عندو فلكتف او طالع شويا فلعنق بان سيكشي
صقر :صباح لخير
ميار : صباح النور اش طاح عليك تا مصوني معا نبوري 
صقر : نوضي تقودي عليا راه بغيت نشوف كالى كيبقات
ميار : فرحت قلت توحشني بغا اسول فيا ، راه كالى بيخر عليها شابعة حوا او بيخر انا ليمريضة ماشي هيا هههه
صقر : وحتا ذياب غرتي منهم هههه
ميار : شوف خود شي سلفيات لروسيا او صيفط هوم ليا اوكي
ساليت معه لهضرة او عتيت لدوك جوج اياكلو او خرجت لصالون نتفرج لمو هيم gلست هكاك حتى داني نعاس او فقت بكري مشيت عند صقر حيت صيفتلي مساج ، دقيت او حلي الباب تسنيتو حتى لبس او مشينا لقاعة فاش ايكون دكشي ، كانو تقريبن سلاو تحضير حتا صحاب لماكلة مسالينا تفراق تاع الدعوات او تحضيرات لي بقاو حتال 12 دليل بقاتنا غا طورطة غدا انمشيو معا لفجر نجيبوها حيت معا خصها تبرد قبل الحفل لي غيكون معا 7 تاع لعشية ، منبعد ما فقنا او جبنا الطورطة مع ديك 5 او رجعنا نبدلو باش نحضرو وخا تسخسخنا نيت مي معليش
#فالحفل#
كان كعاذ او اسماء تما او حتى منير او لبنا لي مفخبارها والو كتقول شي حفلا دارها صقر ناس بداو كيتجمعو وصل لبطل ديانا بلون مفتوح عطاه اطلالة واعرة
الحفل