الشايب وثلث حبايب (كيد النساء)

البارت الاول

ذب يونس بص حوت وذب يوسف بير
ذوله النبايه وهيچ چابيه شيصير

رجال عنده اربع خوات ورث الهم ابوهم بستان چبير ومات وضل الرجال هوه وخواته الحد مزوجهن كلهن وهوه ضل مازوج?

فيوم من الايام دز عله اخواته وجمعهن وكلهن لازم انطيچن حكچن من البستان  كلهن تريدن كاع  تريدن فلوس بكيفچن

خواته زوجن كرايب مو غربه اساميهن الچبيره فاطمه الوسطانيه زينب الازغر من الوسطانيه مريم والزغيره زهراء

فاطمه: يخوي ليش متزوج انته

مريم:اي يخوي انته گضيت العمر تعبان وبعد ماكبرتنه وزوجتنه حگك علينه چبير وخلينه نفرح بيك وبعدين هذيچ الامور تنحل (تقصد الورث والبستان)

جاسم الي هوه اخوهن:كال الهن مدام هيچ اتريدن دورلي عله بنت الحلال ومثل متريدن ايصير

كالت زينب:اخذ اخت رجلي والله معدله وخوش بنيه شتكول يخوي

جاسم:يصير خير امشي بلموضوع والله كريم

وصار مثل مرادت اخته وزوج البنيه عله سنه الله ورسوله وضل يشتغل بلبستان

ومرت الايام ومرته صارت حامل وليله من ليالي الشته والدنيه بارده وهوه قوي مرته كامت تطلگ وهوه وياهه بس بلبيت وبيتهم بعيد عن القريه راح يركض ومفرفح بلبرد والهوه للقريه حته يجيب ام مرته ويجيب خواته وحده تعرف بأمور النسوان ومن جابهن وصل للبيت لكه مرته صار عده نزيف والطفل ميت ابطنه وهيه مبيه شي

جاسم:حسبي الله ونعم الوكيل

حبايب كلبي اتمنه يعجبكم البارت واعتذر لان قصير لان ضيق الوقت عندي