#اعترف_بجرائمي
بقلم :فاطمه سالم الورفلي
برومو&حلقه اولى
........
.....
ملاحـظةه:محدش ياخد فكره الروايه
......
.........
فيـه صـدمات تـقوي "ما تكسرش "، والـصدمه تخليك تفـيق عـلى حاجات كنت غافل عليـها ....الـصدمةه: "تقولك ياسرك وهم! "
ــــــــــــــــــــــ
برومـو 🍃🌸
وكل صبـاح كالمعتاد نسـمع في "فيروزيات الصباح "...نغسل في المـاعين وندندن مـع الاغنـيـةه🖤... ولما كملت خديـت المنشـف نشفـت ايديا وصكرت الشيشمةه ولما جيت بنصكر الراديـو سمعت صوت جاي من الصـالةه...
:.اوك ياتشـيباني جاي بعدين بنرفع الفاميليا وجايـكم
....
عـلامات استفهام فوق راسي !!؟... وساويس الشيطان كلتني "اعود بالله منه"..... تي هـدا صوت عامر!!... في منـو يكلم عامـر وليـش يتكلم بي الالغاز!؟... قربت شـوي من باب الكوجـينه لقيت عامر ناض من على الكنـبةه ووقـف بحركـةه تخوف!... وخدي مفـاتيح مـن على طـاولةه ومشي في اتجاه بـاب الريفيدجو!!... وفتح الـباب وخش!!... ليش مصكر باب ريفيدجو!!؟... خليت شوي لين خش كويس ومشيت لعند الباب ريفيدجو وخايفه نخش او لا؟... حاسه بخوف.... بس خاطري نعرف شن في حاسـةه في شي!.... زعما عامر بيديرلي عيد ميلادي في ريفيدجو ويوتيلي فيه زي في افلام 😂!؟... بس عيد ميلادي مزال عليه اربعه اشهر!؟.... وشوي سمعت صوت بنت تعيط؟؟؟.... استغربت شن هدا!؟... ولما خشيت جتني بوخه معفنـةه وريحـةه دم مقرفه بكل؛.... ولما خشيت جيت في تركينـةه مظلمةه مش عليها الضي وهوب طلع عامر وجايه عليه بهرة الضي لقيته مليان دم ويجري على دروج صكر باب ريفيدجـو ونزل ... اني تسمرت في مكاني حتى قبل بنسأله شن دم هدا!... بس خفت... وهو قعد يشم شوي وقال
عامر :خيريـةه انتي هنا!؟
مش عارفه ليش جاني احساس ان مانتكلمش...وقعد واقف شوي يستنى في رد وخش.... وشوي سمعته يعيط
عامر :قريب نفضحنا في جرايرك يامنجوهة
!!!!؟ يعني عامر خايف منـي؟؟... عامر قاتل!؟... قعدت نـرعش من مجـرد فكـرةه بس وكهبت شوي... لقيت دنيا الله لا تروعك شي على دم شي على موس وحوايج مليانات دم وقعدت واقفه مصدومه بدون ايي حركه مش قادره نستـوعب... وفاجئه في شي جي على وجهي و...... يتبع
تبو تعرفو خيريةه شن لقت!؟..وعامر شن يدير وليش يتصرف هك! وفي من يكلم!؟... تابعو الروايةه اول بأول حبايب❤
.........
تعـالو مـعايا نـحكيلكم " اول بــارت " 🖤
..........
....
نضت من النوم نتاوب فركت شعري تناثـر ونضت وحاسـةه بدوخـةه ونفكر "شن الغـدي ليوم بنديره!؟"طلعت من دار نسمع في اغنيةه فيروز ❤وخشيـت لكوجيـنةه لقيت عامر يقلي في دحي
عامر يدندن :موعود ......بعيونك أنا موعود
وشو قطعت كرمالهن ضيـع وجرود
اني ابتسمت ورديت عليه :انتِ عيونك سود وما انًك عارفة...شو بيعملوا فيي العيون السود
