زهرة ذبلها الزمن

بداية احزاني..؟.قصة حقيقيه

بارت 1
اقدم نفسي جنان عمري حاليا 27سنة من عائله متوسطة الحال عندي 3اخوان وعندي اخت وحده من بابا. وبابا وماما كنت مستوايه الدراسي جدا جميل كنت شاطره بلابتدائيه ودخلت للمتوسطة وصرت ناضجة
احجيلكم قصتي بعمر ال16سنه
رن التليفون ع بابا من عمي السطاني
بابا،،،،،الو
عمو،،،، الو السلام عليكم ابو احمد
بابا،،،،وعليكم السلام هلا شلونك ابو سرمد شلونك شلون الصحة الاولاد شلونهم ام سرمد شلونها
عمو،،،،،،الحمدلله بخير انتو شلونكم الاولاد جنان شلونها
بابا، ،،،،،بفضل الله زينين
عمو،،،،،دومكم يارب بس مسوين ثواب ع روح ابويه وعزمت الكل اخوتي وخواتي يوم الجمعه ياريت تحضر العزيمة
بابا،،،،،،ها خير انشالله تمام نجي
عمو،،،،ابو احمد ياريت تجيب جنان وياك مو تبقيها بالبيت امانة عليك
بابا،،،،،هههههه ماشي ماشي في امان الله
خلصت المكالمه
احنه كاعدين اني واخوتي وماما وبابا كال بابا معزومين الجمعه وطالبين جنان ويانه
ماما،،،،ليش شمعنه
بابا، ،،،مادري والله يمكن لان متطلع عليهم هواي
اني،،،،،اي بابا ماعدهم بنات اضوج اروحلهم احب اروح لبيت عمو ضياء عنده بنات واتونس
اخويه جبير احمد،،،،،هسه احلا شي يطلعون يريدون يخطبونج لسرمد وضحك هههههه
اني،،،،عيععع لو اموت مااخذه ماحبه هذا السمين فدوه سدو سالفة ونحرجت
اني سرمد من صغار ماحبه كان يضربني وياذيني وكان سمين ونخاف منه
،،،،،،،،،،،،،،
نرجع اسبوع ليورة قبل عزومة عمو النه
،،،،،،،رن تليفون بابا اتصل ع عمامي وعماتي عزمهم عزيمة ع روح ابوهم وكانت بيبتي موجوده وصارت العزيمة واجو عمامي حضرو كلهم همه وولدهم بس عمو ضرغام اجه هو ومرته وابنه عمار عمره 10سنوات بس سرمد ومحمد ماحضرو العزومة
،،،
ماما،،،،،شلونج ام سرمد
ام سرمد،،،الحمدلله وانتي شلونج ام احمد اخبارج لاتبينين لاتجين خيرج
ماما،،،،،والله ملتهيه تنضيف وطبخ وبيت وتدرين بعد موجديده عليج اني
ام سرمد،،،،ليش تشتغلين مو عنددج جنان الله يحفضها خوش تشتغل ومعدله غسلتلج مواعين العزومة كلهن
ماما،،،،،اي بس ماشغلها ههواي اريدها تقره
ام سرمد،،،، ها جنان جنج نعمة الله بمسلسل حج متولي بس لابسه بتوت وكلايد وتراجي طويلات وتخرخشين
هههههههه
كلنه ضحكنه
اني،،،،والله عمه اني اموت ع اكسسوارات اعشقهن
ام سرمد،،،،اي لايكاتلج يارب تلبسين الذهب
اني،،،،،ماحب ذهب اخب برازيلي كولش ههههه
كاعدين بالمطبخ بعدنه نسولف ونضحك ماما صخرتني ع غرفتنه فوك كالت هاج ودي فرفوري بيها ضمي
اخذتهن وصعدت من ضميتهن لكيت كحله حجر اني اعشق مكياج بس اخواني ميقبلون فاجيت وخليت كحله حجر بعيوني صارت عيوني تجنن حلوات بس خففت من لونها ونزلت لكيت سرمد بالمطبخ سلمت عليه ابتسملي وسلم عليه اني مابالي شي ابد من زمان مشايفته هو يعشق ضعيفات لان بي خوفة من سمن لان كان جدا سمين اني وزني 59كان المهم
شافني ابتسم وسلم عليه
اني،،،، ولك سرمد شلون ضعفان صاير جسمك يجنن
سرمد،،،،اي شعبالج صاير صاك هههه
اني،،،،شنو هلجمال. يلا دنزوجك نريد عرس
سرمد،،،،خهههههه وانتي حاضره ميخالف
هو اجه ياخذ مفاتيح البيت لان اهله قافلين البيت وجايين وهو كان طالع رجع ويا اهله خلصت العزومة وفضت،،،،،،،
نجي بعزومة عمو ضرغام
التهيت اساعد عمتي ام سرمد واشتغل وياها هي فرحت
كولش
صبينه الاكل باجه وسمج وتمن ابيض وطرشي طبعا حالة بيت ابو سرمد ميسوره جدا
صبينه الاكل واجيت للمطبخ اجتني عمتي ام سرمد كالتلي تعالي بنتي
رحتلها
اني،،،،ها عيني عمه كولي
ام سرمد،،،،تسلم عينج بس داسالج هم عندج علاقه تحبين كذا??
اني،،،،شنو ??لا ماحب رلاعندي علاقه ليش
ام سرمد،،،،مو عبالي لان نريد ناخذج لسرمد
اني ضحكت عبالي تشاقه ويايه
اني،،،،،ههههه لاعيني مافكر بزواج اريد اكمل دراستي شسوي بالزواج
ام سرمد، ،،،ههههه براحتج حبيبتي روحي اكلي عيني
شفت عمو ضرغام راح ع مرته ام سرمد
عمو ضرغام،،،،ها شكالت
ام سرمد، ،،،،تكول لا مافكر بالزواج
اني لمحتهم هيج يحجون طبيت للصاله كعدت اكل وياهم وسوالف وضحك

احنه ودناكل
ام سرمد،،،هسه لو عندي چنة جان هسه غسلتلي كواعين كلهن، ،،،،،ذبتلي حجايه
بس اني مافتهم
رديت عليها،،،،،،متزوجين ابنج شكبره صاير وتجيج جنه
ام سرمد،،،،وين متقبل
اني،،،،عوفيها تولي شوفي غيرها هسه اني اغسلج مواعين كولهن لتهتمين عمه
ام سرمد،،،،هاا صدوك
اني،،،،اي والله شيرادلهن
وتعاونه عليهن اني ونسوان عمامي وماما وخلصناهن كولهن
ديصبون بالجاي اجه عمي لزمني يم سنگ مواعين كال تعالي
اني،،،هاعمو محتاج شي
ضرغام،،،،عمو اني اريد اخطبج لسرمد شتكولين
اني هنا نصدمت ضليت امتمت
خصوصا اني ابنه ماحبه ومامفكرة بالزواح احس روحي بعدني طفله
اني،،،،ها،،،شنو،،، مادري بكيف بابا بس هنا دخت ماعرفت شكول مدري خجل مدري شنو مادري شصار بيه حسيت روحي بغير عالم
ضرغام،،،،،ابوج موافق
اني،،،،واخوتي??
ضرغام،،،موافقين بقيتي بس انتي انطيني رايج
اني،،، بتردد ومن نطقت مافتهمت شكول
اني،،،،،،م،م،م،
تكملة بالبارت الثاني،،،،،،