#انتقام_عاهره 3 (حقيقيه)
🔥ميلو حسسسسن🔥
وانا راكبه الدروج الي في وسط الحوش شفت بشرى نازله ...تنهدتت بقووه
الشرطي (عساف): خيرك تعرفيهاا من زمان؟
مريم: بلعت ريقها...لالا بس كأني شبهت عليها
بشرى : بلعت ريقها بخووف...مني هادي عساف
عساف: هادي مسجونه عندها شوية مشاكل في قضية
بشرى: شافتلي بخوف توقعت اني نحكي لخوها انها وحده من عصابة اسامه وتشوف لمريم وتبي تحكي معاها بس مش قادره
مريم: تتاوم ...هي انتي ارفعيني لداري
خادمه: حاضر وركبت مع الخادمه وانا مش مصدقه الي صار المحقق عساف الي مسؤول ع قضية اسامه وعصابته ههههه اخته رئيسة العصابه ويادنيا قداش ادووري 💪🏻
أما بشرى: في حالة خووف رهيبه بس مع هدا كلهه قعدا مش فاهمه شي مني وعلاش جابني خوها للحوش 💔
مريم: اول ماخشيت داري حسيت بي قدر جديد مكتوبلي ممكن يكوون ربي رزقني او بنتعرف ع الشخص الي بياخدلي حقي ....شفت لسرير ودولاب ولمرايا كان كل شي راقي يعني عيله راقيه قعمززت ع كرسي وتجمعو افكاري علاش بشرى تخدم هكي شنو جابرها هيا عايشه في قصر وفلوس ومش ناقصها شي غريبه بعد تفكير نضت دخلت الحمام دوشت دووش سخوون وغسلت سنوني لفيت روحي بالفوطه الي في الحمام وطلعت
عساف: دوش وطلع طبعا كان اغلب تفكيره في مريم وشن قصتهاا وعلاش كانت في حوش زي هدا لكن شنو السبب الي خلاها تفقد الذاكره زعما اهلها يدورو فاها وتوصل بعد تفكير انه لو مافيش استجابه من مريم حايحط صورها في النت ممكن هكي نوصلو في اهلها وبعد تفكير خداه النوم
مريم: ونا طالعه من الحمام شفت بشرى مقعمزه ع سرير ...تفضلي ؟
بشرى: وقفتت قدامي شدتني من يدي بغل وبصووت متعصب ....اسمعيني جاي يطلع منك حرف واحد لي عساف متلوميش الا نفسسك ولمي حوايجك توا واطلعي من الحوش وخودي المبلغ هدا دبري بيه امورك المهم معاش نشوفك هني
مريم: في لحضه هادي بالذات تجمعت قووتي مريم البريئه بااااي ....هههههه شفتي الدنيا قداش صغيره شفتو القدر كيف جمعناا في نفس اليووم خودي فلووسك انا مش محتاجتلك توا خلاص انا شبه وصلت للجنه
بشرى: مقووي عينكك متنسيش انك لو خبرتي فيا انتي حاتنسجني معانا مؤبد
مريم: هههه رخيت يدي ومش عارفه القوه من جتني خديت شنطي طلعت منها سروال وتيشرت وملابسي الداخليه وانا مبتسمه....اطلعي لو سمحتي بنغير حوايجي
بشرى: افهمي كويس انتي بتنسجني معانا وكلنا بنشهدو انك كنتي معانا
مريم: ههههههههه وشنو فيهاا اشهدو انا معنديش شي نخسره لا اهل ولا حبيب ولا سمعه ولا خووه محقق كبير في الشرطه اطلعي توا ارقدي في سريرك الناعم وودعيييه لأنه صدقيني مش راح نرحمكك
بشرى:😨😨😨
مريم: ي نااااري عليييك وجعتيني خلاص متخافيش غدوه نحكو انا وياك ومرات نوصلو لحل بس اهم شي الي نقوله انا يتنفذ
بشرى: هززت برااسها وطلعتت 🔥
مريم: نحيت الفوطه وخديت لكريمه دهنت جسسمي بالكامل لبست حوايجي ومششطت شعريي واستندت ع سرير لكن المره هادي غير الايام التانيه خلاص رقدت بدون مانفكر في حد الا مريم 💪🏻🔥
أنت تقرأ
إنتقام عاهرة ( روايات ليبية )
Romanceللكاتبة : ميلو حسن ، عندما ينظر لك المجتمع كانك عاهة في المجتمع يكون الانتقام شي مستحيل ؟ ولكن بطلة الرواية انتقمت ؟ مقتبسة من قصة حقيقية رواية من داخل المجتمع الليبي ؟
