💕أنت قلبي٢💕

الحلقة ١٥

#انت_قلبي٢
#بوسي_مصطفى

____الحلقة ١٥_____

بعد يومان... في فيلا اسر
سهر مسنده اسر وطالعه السلم
سهر : ايوه على مهلك كده واحده واحده
ابتسم اسر ونظر ليها
سهر : ايه في ايه
اسر : انا كويس.. الحمد لله
تاعبه نفسك ليه بقى
سهر : تعبك راحه يا حبيبي
متعرفش السعادة اللي في قلبي قد ايه
لما رجعت بيتك.. حاسه إن بتولد من جديد
اسر : هههههههه يعني عندك كام سنه دلوقت؟؟
سهر : يووووه كتير متعدش
ايه مش شايف الكام شعره دول
اسر : هههههههه لا برضو صغيرة يا سهر
سهر : طب هات ايدك بقى وبطل رغي
اسر : هههههههه وحشتيني ياعمري
سهر بتنهيدة : انت عارف اني بتبرجل ومبعرفش ارد على كلامك ده

في غرفة اسر
سهر : كده كويس يا حبيبي
اسر : تمام يا سهر
ومسك ايدها : رايحه فين
سهر : هنزل ل ريهام اقولها تعملك الأكل اللي قال عليه الدكتور
وعلشان منساش بقى هكتبلها في الورقة دي وانا فاكره كده
اسر : همشي بنظام معين يعني
سهر : م انت اصلا طول عمرك ماشي بنظام في الأكل
مش جديد يعني..
اسر : طب م تتأخريش
سهر ببتسامة ونظرت خارج الغرفة
كانت مليكه والولاد واقفين ولسه مليكه هتخبط على الباب
سهر : تعالوا يا ولاد ادخلوا
جريوا ناحية اسر وبيسلموا ويطمنوا عليه
___________

في شقة كريم
فريدة : لا يا كريم كانت قاصده
انا بعدي كتير بس بصراحه خلاص
جبت أخرى ومش هسكت بعد كده بقى.
كريم :"علشان قالت انك كبيرة على الحمل يعني؟؟!
عادي يا فريدة اللي غيران مننا يعمل زينا.
فريدة : تقصد إني ارد على شهد الرد ده
كريم : فريدة دي حوارات ستات انا مليش فيها
ممكن ادخل انام بقى علشان هلكان وعايز بس احط دماغي على المخده وانام للصبح.
فريدة : خلاص طالما حوارات حريم بقى
يبقى متزعلش لما ارد انا بقى
كريم : لا مش زعلان ممكن انام
فريدة : نام يا كريم
وانا هنزل تحت عند ماما
كريم : بس متتأخريش
_____________

ترن فريدة جرس الباب
يقوم حازم يفتح باب الشقة
حازم : فريدة !
في حاجه ولا ايه؟
فريدة : لا عادي جايه اقعد مع ماما شويه
حازم : اه طيب ادخلي
يلا يا ندى هاتي الولاد وتعالى
فريدة : ايه دا انتي طالعه
ندى : م انا استنيتك تطلعي من عند طنط سميرة
اتأخرتي
الظاهر القاعدة عجبتك
فريدة : اوي اوي
ندى : ايه دا..  دي تريقه ولا ايه؟؟
فريدة : هقولك بعدين اطلعي بس شقتك دلوقت بدل
م حازم يقفش عليكي
ندى : ااااخ يا اني منك ومن اخوكي
فريدة : اقوله؟؟
ندى : يااختي انتي هتخوفيني
قوليله عادي ولا يهمني
تصبحي على خير.
خرجت ندى وحازم والولاد
وقعدت فريدة وجات رحمة قعدت جنبها
رحمة : منمتيش يعني
فريدة : اصل قلقانه شويه
رحمة : من ايه
فريدة : رحمة ممكن اقولك حاجه
رحمة : قولي يا فريدة
فريدة نظرت لها وسكتت
رحمة : ايه سكتي ليه؟
فريدة : لا ولا حاجه
رحمة : ولا حاجه ازاي يعني
امال كنتي عايزة تقولي عن ايه
فريدة : مفيش يا رحمة خلاص
رحمة : عايزة تسأليني عن مصطفى مش كده؟؟
نظرت فريدة لرحمة بدهشه وهي مرتبكه.
رحمة : مصطفى شاب كويس وطموح ولسه صغير
في بداية حياته وفوق كل دا وأهم حاجه انه بيحبني
فريدة : بس انا م سألتكيش عنه
رحمة : مش لازم تسألي على فكرة
انا بس بقرا عيونك وافهم انتي عايزة تقولي ايه
فريدة : يا سلام !
رحمة : احنا اخوات يا فريدة ونفهم بعض كويس اوي.
فريدة : يااااه هو احنا اخوات بجد يا رحمة؟؟
رحمة : مش فاهمه سؤالك
فريدة :  عايزة اقولك تخلي بالك من نفسك
رحمة : معايا اللي مهتم بيه ولو عنده مليون حاجه
بيسيبها ويجيلي لانى اهم واحده في حياته
فريدة : تصبحي على خير
رحمة : وانتي من اهل الخير
ماما نامت لو عايزاها يعني ادخلي صحيها
فريدة : لا انا هطلع انام.. سلام
وخرجت فريدة من شقة مامتها وهي مضايقه
وبتندم على اللي قالته ل رحمة
فريدة لنفسها : دلوقت تقول اني
غيرانه منها انا عارفه تفكير رحمة كويس اوي
يا ريتني م نزلت.. انا غبيه اصلا كنت نمت وريحت نفسي
وانا ناقصه م كفايه عليه الست شهد كمان
قال الحمل للي في سني غلط قال
طب اللي غيران مننا يعمل زينا
على رأي كريم
هههههههههههههه
انتي مجنونه يافريدة بتكلمي نفسك
روحي نامي وريحي دماغك يا مجنونه
رحمة اختك مش صغيرة.
__________