ماضي لا ينتهي

الحلقة الأولى

#ماضي_لا_ينتهي
________الحلقة الأولى_______

بينا نكمل ونعيش مع أبطالنا.
ليلى
ندى
حياة
رانيا
أميرة

أمام إحدي المدارس في القاهرة
ليلى واقفه منتظره خروج أولادها من الحضانه.
مريم وآدم خمس سنين
ع الناحية التانية كانت ندى واقفه منتظره ولادها.
تشاور ندى للولاد وهما خارجين من المدرسة وتقرب منهم.
كانت ليلى كمان قربت تاخد الولاد
ليلى اخدت منهم الشنط وبيركبوا العربية لسه بتقفل الباب تنظر على الناحية التانية
والاتنين بيتحققوا من بعض.
ندى : ليلى!
ليلى : ندى !
قربت ندي تسلم على ليلى
ندى : ياااه يا ليلى ازيك اخبارك ايه
بقالي كتير مشوفتكيش.
ليلى ببتسامة : نقول ١٠ سنين كده.
ندى : تقريباً.
ليلى : ازيك يا ندى اخبارك ايه؟
ندى : الحمد لله... انتي اخبارك ايه
دول ولادك؟؟
ليلى ببتسامة : آدم ومريم
تعالوا يا ولاد سلموا على طنط
ندى : ياحبايبي ... في ازيك يا ليلى
انتي اخبارك ايه؟
ليلى : الحمد لله
ندى : اتجوزتي سليم؟؟!
ليلى : هههههههههه طبعا م انتي بعدتي عن المنطقة ومرجعتيش ليها تاني
ومامتك كمان عزلت.
ندى : ياااه دي ماما عزلت ورامي ونادين سافروا والدنيا تغيرت خالص يا ليلى.
ليلى : اه م انا عرفت من ماما.
ندى : معلش يا ليلى مضطره بس اسيبك دلوقت علشان.
تقاطعها ليلى : لا ياحبيبتي اتفضلي.
ندى : بس هتقابل تاني.
ليلى : إن شاء ﷲ... ممكن رقمك.
ندى : اه طبعاً اتفضلي.
تاخد ليلى رقم رانيا وترن عليها يظهر الرقم عند ندى تسيفه ويسلموا على بعض
وكل واحده ركبت عربيتها واختفوا من المكان.
_____________

في دمياط.. في منزل منصور
أميرة واقفه في المطبخ بتعمل الأكل.
أميرة : معلش ياعمي شوف ليان كده سمعاها بتعيط.
منصور : انا شايل عمر شوفيها يا أميرة.
أميرة دخلت لـ ليان لاقيتها تحت السرير بتعيط ومش عارفه تخرج
نزلت أميرة تحت السرير وسحبتها وخرجت بيها.
أميرة : ايه بس اللي نزلك تحت السرير يا لي لي(ليان خمس سنوات).
ليان : عاوزة اجيب اللعبة بتاعتي.
أميرة : طب سبيها دلوقت وتعالى علشان ناكل.
ليان : لأ هستني سيف لما يجي.
أميرة : بس سيف هيتأخر وانتي كده هتجوعي أكتر.
ليان : لأ مش هاكل قبل م سيف يجي
هروح اعمل الواجب بتاعي.
أميرة ببتسامة : طيب على راحتك بس غيري هدومك الأول.
منصور : كانت بتعمل ايه جوه؟
أميرة : كانت بتلعب ياعمي.
منصور بغضب : انا قولت مية مرة متدخلش جوه.
أميرة : معلش عيله ونسيت.
منصور : انا مش عارف امتى هرتاح من المورستان اللي عملهولي ده كنت خلفتها ونسيتها.
أميرة دخلت تشوف الاكل...
التليفون يرن 📞
سيف : سلام عليكم.
أميرة : وعليكم السلام.
سيف : ايه يا أميرة في حاجه ولا ايه؟
أميرة : لا ياحبيبي مفيش
انت هتتاخر؟
سيف : م انا قولتلك الصبح اني هتأخر شويه.
أميرة : طيب ماشي.
سيف : ليان وعُمر رجعوا من المدرسة؟
أميرة : اه روحت جيبتهم.
سيف :"امال بابا فين؟
أميرة :" قاعد بره قدام التليفزيون عايزة؟
سيف : لا مستغناش كنت بسأل بس علشان بابا اللي كان بيروح يجيب ليان من الحضانه السنه اللي فاتت .
أميرة : معلش بلاش نتقل عليه.
سيف : انا بس مش عايزك تخرجي كتير.
أميرة : هههههههههه اخرج كتير فين دي خطوتين لحد الحضانه.
سيف : بس علشان انتي لسه متعرفيش المكان هنا اوي فبقلق عليكي.
أميرة : اريع سنين ولسه معرفش البلد؟؟!
اقولك انت السبب علشان مبتسبنيش اخرج لوحدي لازم نكون مع بعض.
سيف : لو سيبتك تخرجي يعني هتعرفي ترجعي البيت لوحدك؟
أميرة : هههههههههه بصراحه يعني ممكن ارجع بس لحد اول الشارع واخرى الحضانه بس.
منصور واقف عند باب المطبخ.
منصور : يعني يابنتي قاعد ب ابنك وانتي واقفه هنا تتكلمي في التليفون!
أميرة : حاضر ياعمي انا آسفه
معلش ياسيف هقفل معاك دلوقت.
سيف : طيب شوفي بابا ومعلش متزعليش.
أميرة : لا ابدا ياحبيبي عادي... سلام.
تقفل أميرة مع سيف.
منصور : عمر نام أنا هخرج اتمشى بره شويه.
أميرة : اتفضل ياعمي بس مش هاكل؟
منصور : لا مليش نفس
متخليش ليان تدخل اوضتي.
أميرة : حاضر.
بعد شوية.
أميرة : مين هياكل المكرونه اللذيذة دي؟
ليان : مش أنا.
أميرة : ليه بس؟
ليان : مش هاكل غير لما سيف يرجع.
أميرة : قولنا هيتأخر وبعدين هتكوني نمتي.
ليان : هو جدو منصور ليه مبيحبنيش يا ميرا؟
أميرة :"لا ياحبيبتي جدو بيحبك.
ليان : لأ هو بيحب عمر وانا لأ.
أميرة : لا طبعاً بيحبكم زي بعض.
ليان : انا عايزة اكبر بسرعه بقى.
أميرة : هههههههههه ليه بقى؟
ليان : علشان اروح عند ماما.
أميرة : بعيد الشر عنك ليه بتقولي كده؟
ليان : بس سيف هيوحشني اوي ينفع أخده معايا ولا هتزعلي؟
أميرة : ايوه هزعل منك لو قولتي الكلام دا تاني.
ليان : طيب خلاص نمشي من هنا.
أميرة : في حد يسيب بيته بردو
وبعدين هنمشي نروح فين؟
ليان : أي مكان غير هنا.
أميرة : طب نذاكر ونبطل رغي بقى.
ليان : هو عمر مش هيذاكر؟
أميرة : عمر نام يا حبيبتي.
ليان : انا هذاكر بقى علشان ابقى اشطر منه.
أميرة ببتسامة : شطوره.. كملي الواجب بتاعك بقى.
____________________