الحلقه الاولى
انى بنت ليبيه أسمى روبين عمري 18 اولى كليه نقرى كليه طب قسم طب اسنان..... قصيره و بيضه و عيوني عسليات ونقشى رقيق ورموشى يوقف عليهم الصقر شعري طويل....
عيلتى:
بابا اسامه عمره 62عام يخدم في مكتب شركه صناعه معادن......ماما سهيله عمرها 50 سنه مدرسه رياضة.....خوي الكبير جابر عمره 27عام يخدم مع بابا..... وبعده خوى سهيل عمره 24 سنه يقرى سنه سادسه طب بشرى مزال اربعه سنين ويتخرج.....انى اخر عنقود......❤️
عندى صاحبه إسمها ارين عمرها19 سنه وخاسره سنه فاتتها مش معاوده هيا التانيه قبلها ولد وبعدها ولد..... هيا اطول منى متوسطة بشرتها قمحة شويه لكن حلوه درجتها نفشها بنى..... وشعرها لعند كتافها و دمها عسل🍯....خوها الكبير حسام صاحب جابر راس.....وخوها الصغير عبد المهيمن (هيمو) عمره 10 سنين واشقر الزفت❤️
كنا عايشين تمام وحياتنا هاديه....ليوم الى خطفو فيه جابر خوي 💔..... خطفو جابر وصغار عمى دوره ولقوه و دفعو حقه ورحو بيه مضروب.....فاتت فتره ولما عايناه قال الدكتور ضار بينلاديبرة فيها دم فيه مرض 😲💔.....ماما جتها دوخه بعد سمعت وجاها السكر وقعدنا غالبية الوقت مسافرين نعالجة في جابر ونضربوله في الكيماوي 😭😔.....خوى مسكين معاش قدر يمشى وداروله كروسه شى يقطع القلب 💔..... وصاحبه حسام يعيط عليه زى المراه.....
من حياه هاديه لحياه الهم والنكد....بابا وعمو سراج و جابر في فرنسا يعالجو في جابر
انى قاعدة مع ماما وخوي سهيل ع خاطر القرايه لأن جابر قال مسامحكم كان خليتو قرايتكم سوا ع خاطر مسافر والا ميت 💔
نضت الصبح انى وسهيل ومشينا للكلية....كنت مسبوهه طول الوقت ونفكر في جابر 😔
الاستاذ: ماعليشى ياطالبة روبين.... انتبهي وخلي الحبيب ع جيهه
(انى معاش تحملت شبحتله نظره استحقار)
روبين😒: من حبيب هذا ولا تسحابي كل الناس زيك
الاستاذ😲:بلا قله ادب كلمه تانيه تطلعى
انى لبست شنطى وخديت تلفونى
روبين: كلمه تانيه ها قاتلها وتطلع بكل شرف....قال حبيب قال...عليك عقليه عقل مهناش الزفت..... انى الاستاذ ولا انت وطلعت....قعمزت في الكفتريا طلعتلى أرين تضحك 😂
أرين😂: مسحتيلى ع كبدتى😂من الاخير.... سكتت حتى الشرح معاش شرح قال :تكملو غدوة ياطلبه....اتقلد في صوته😂
روبين:مش متربي وربى الافرخ😒
ارين والله قدرتيهأ....اسمعى فى ولد امبكرى يشوفلك في القاعة
روبين: كلهم هما يشوفولى بلا تبلعيط 😎😂
ارين:ايوا انت يا عبد الواثق 😒....لا لا هذا بروحه وربي قريب كلاك غير كان شفتيه بس يخوخم 😍🤤
روبين:ألف مرة والف مليون مره معاش تدوي هكى بلا قداد وناضت من جنبها وهيا ماشيه لاداره بتشكى في الاستاذ الجديد تخبط في ولد من غير ما تحس.... وهيا شاده شيتات كيف طبعتهم مش مدبسات.....ليها ولارين
هيا طاحت والأوراق يطيروا في الممر (جو الافلام الهنديه 😂)
الولد: معليشي اسف يا اختي😲
روبين: حصل خير 😒(خيرا هذا)
لمو الاوراق
الولد: ........
يتبع❤️
رايكم يهمني انتم ولا انوقف 😔
