Gun N Roses

part 15

Irric malik ngagai jermari gari bisi meda baju sekul biru ngepit ba pintu jemari .Mulut iya lalu tuchum nanda ka pengaga nya nyelepak iya .
"Sebai!"ko Irric nginti Sebai awak ka iya pansut .
"Anang pansut nuan endu .Lari nuan Irric "pia ko nyawa indai inggar enda ngasuh Sebai nganyan ka diri.
"Indai tuai nadai guna.Nama agi utai pinta nuan ari aku hah?"Irric lalu mansang ngagai indai iya ka tama bilik Sebai .Buk indai iya lalu dijangkam iya lalu tepelentik ka belakang.
"Nuu...nuan nya ka nadai guna !Anak nadai guna ..."

Tapp!Mua indai iya semetap dinga Sebai .Ati iya enda sanggup agi ninga Irric nyamah indai iya .
"Umbas nya Irric !Nama nuan jelu nadai ati .Indai nuan nya karung kerubung nuan .Berani nuan datai jari ngagai indai tua. "pia ko Sebai pansut ari jemari lalu nyelara indai iya enggau Irric .
"Baru nemu pansut pia ?"Indai iya tadi lalu dilekaka Irric ngujung ka indai iya tetungkam .
"Lari nuan endu enggai ka jamah iya "pia ko indai iya enggau sabak sabak ngial ka Sebai lari.Ninga indai iya ngasuh adi iya lari Irric lalu nyangkam baju madik iya .
"Arhhhgg !"ko nyawa Sebai meradak nyepi baju iya kena jangkam Irric .Indai iya selalat angkat taja tulang iya lemi jari iya berumban ngiga utai dikena malu Irric .

"Anang masung aku Irric .Nama nuan enda kasih meda aku ?Getah darah nuan empu aku tu "pia ko Sebai minta kasih ka Irric enggau sabak sabak .Amat meh nya penulah sida iya ti udah merinsa Lyana suba .Diatu nyau seduai empu makai penulah engka nya meh tulah datai penulah ko urang tuai .
"Dini aku ngira .Nuan tu meh injin duit aku udah Lyana suba .Diatu nuan nganti iya aku deka nyual nuan dikena aku ngulih ka duit nemu nuan .Kumbai nuan belik aku tu ka ngelepas ka nuan bakanya aja .Ai mata Sebai terutu naya sinu ka nasib seduai mindai iya digaga Irric baka jelu .Udah ka rumah sida iya nyembuah tusah ka minta bantu laban ka jauh ari urang .

Lebuh maya Irric enda ngadang dia indai iya meda pasu bungai mesai pala .Utai bukai nadai ga dipeda iya tak nya aja bisi ba atas mija ka damping iya tetungkam tadi .
Bukkk!Pasu bungai nya pecah kena pala Irric ngujung ka iya rebah lalu luput .
"Jampat nuan minta sah pulis telefon ngagai pulis tua "pia ko indai iya enggau seput seput bejaku .Sebai nyau getar getar meda Irric nyau baka lemetak ngetat ka pala iya sambil rauh rauh madah ka diri parai .

Enda lama udah nya dia bala pulis pen datai lalu nangkap Irric .Sepengudah nya ka nyadi Irric ukai mina dijil pulis tang iya mega dipasukka urang ngagai sepital gila laban enda manah untak .Bepun ari nya Sebai enggau indai iya nesal amat ka pemgeyai diri ti udah jai enggau tudah Lyana suba .
"Nyangka tu nasib tua mak laban idah ngaga Lyana bakanya suba "pia ko Sebai nyabak merap indai iya ba ward sepital .

"Penyenyai enda ngira urang .Nesal sigi enda kala dulu penulah dulu dulu sigi datai ba kitai .Ngarap ka udah tu pengidup tua badu dikacau Irric agi .Udah tu ila tua sama sama ngiga menyadi nuan Lyana .Mina tua aja getah darah ka agi bisi ba iya ."Seduai menyanak nyau sikuk sikuk nyabak merap pangan diri nesal ka pengawa ti udah nyadi dalam pengidup seduai iya .
"Ampun ka aku anak .Ampun ka aku wai menyadi laban udah cukup jai enggau anak seduai ngelamatu "pia ko Indai Sebai agi nyabak .
"Udah tu tua ngiga iya ila mak bela minta ampun ngagai iya .Nesal aku udah jai enggau iya ."pia ko Sebai madah ka indai iya mai ngiga Lyana .Enti baka jam ulih diputarka iya baru deka iya mulah ulah diri ti kelalu jai enggau Lyana laban diatu iya ngasai nama utai ti kala diasaika Lyana maya agi begulai enggau sida iya suba.

Besambung ..