السلام عليكم متابعين❤ورجعت بي روايه جديده😂
المجنونه والعصبي 😍الحلقه "1"
بقلم: ملاذ سند احمد ادريس📝
القصه دي حتكون مختلفه شويه حيكون فيها حب وصداقه وعفويه وجنون وعصبيه القصه واقعيه تابعو وقراءه ممتعه ي رب❤
(صحيت من النوم ومشيت طلعت بره غرفتي مشيت لقيت امي بره في الحوش)
انا: ماما يا وين ي مزه صباح الخير
امي: ي بت انا مش قلت ليك م تقولي لي مزه تاني 😡الكلمه دي حقت النسوان القليلات ادب😒
انا: خلاص معليش ي السمحه اها اصبحتي كيف
امي: تمام يلا امشي استحمي وغيري هدومك دي وامشي شوفي الشاي داك اشربيهو صاحيه لي علي كيفك
انا: امي الدنيا اجازه يعني اصحى ليكم 9🐸صلاتي وبصحى بصليها وبرجع بنوم
امي: النوم بميت القلب ما وروك
انا: والله ي امي اصلي قلبي ميت😂+اول مره اعرف انو بميت القلب سمعنا بالضحك يميت القلب لكن النوم ده الا كان اخترعتي انتي🤣
(وبقيت اكاوي وفيها وامي جنها وجن المكاوى😂 )
امي: م جنبي مفراكه كان فنيتك بيها 😡
انا: خلاص معليش ي الحجه
امي: تحجي بي قرعه قال حجه قال حججتيني انتي؟؟!
[v] #باااك اعرفكم عن البطله حقتنا
(اسمها امل عمرها 17 ماشه تانيه جامعه ساكنه الخرطوم
و بتحب الدراسه وشاطره شديد المهم هي سمحه كدا وشها مدور لونها مايل للون الفاتح عندها غمازه وانيقه وسمحه وعيونها كبار وخشمها صغير شعرها طويل شديد بتقصو طوالي وم بتعرف تسرحو لانو بعذبها بتعمل كعكه بس المهم يعني هي سمحه من اي ناحيه يلا بس يخوانه مجنونه شديد😂
شبه ح تفقد عقلها ولا يمكن تكون فقدتو وهي م عارفه😂 بس طيبه شديد وحساسه كمان جنها بكي وضحك بتبكي من اقل شي وبتضحك كمان ضحكتها حلوه شديد وعفويه وبتحب تساعد الناس
دايما بتتصرف بعقل طفولي وما بتخت بالها للحاجه البتعملها يعني البجيها في راسها داك بتسويهو لو طلع صاح خلاص ولو م طلع صاح بتجيب ليهو مبرر😂
وعنيده شديد يعني الفي راسها داك بتسويهو لو انقلب الحكم تاني😂🙈
اي ي جماعه هي بتضحك واي حاجه ومجنونه والبشوفها بقول انها سعيده وحياتها حلوه وم حصل بكت ولا حزنت بس ي جماعه م بتنوم الا وفي عيونها دموع عندها مآسي في حياتها بس رغم كدا بتضحك وبتدوس علي همها بي ضحكتها اها همومها دي منها انو ابوها متزوج وحده تانيه وانو هي وامها قاعدين مع عمها..
وابوها قاعد مع المره التانيه ديك في السعوديه وبجي بس اجازات هي هسي ليها 3 سنين م شافت وش ابوها الا بتتكلم معاهو مكالمات والاكعب من كدا انو ساق اخوها معاهو السعوديه اخوها اسمو خالد عمرو 23 سنه شغال في السعوديه مع ابوها وهي وامها قاعدين هنا براهم مع عمها يس يلا ابوها هسي بقى معقد شديد م عارفنا الحكايه شنو نواصل وبتعرفو…
يلا مرت ابوها التانيه دي اسمها ناهد وعندها تلاته اولاد من ابوها اسمهم :-
محمد ده الكبير عمرو 19 وعندها تاني اصغر منو اسمو وهاج عمرو 16 يلا ده صاحبها شديد هي بعتبرهم زي اخوانها حتى مرتو التانيه ناهد دي امل مرات بتقول ليها امي
يلا عندها ولد تاني اسمو مصطفى عمرو 7 وده الصغير برضو ظريف وعسل شديد… يلا هم وضعهم كويس الحمدلله وعايشين في امانه الله يلا الزمن داك هي م كان عندي تلفون وكانت في الاجازه الكبيره حقت تانيه وفضل اسبوعين وتخش الكورس حق تانيه جامعه)
نتابع الروايه من محل م وقفنا😍
شلت هدومي ومشيت استحميت واتسوكت شربت الشاي حقي ومشيت سلمت علي عمي ومرتو وصبحت عليهم وبقيت مارقه لي للحجه صحي م عرفتكم عليهو
يلا عمي ده اسمو يس عمي ده عسل شديد والله بحبو حب نهااااائي م بقصر معانا وبحبنا شديد مرات بحسو بحبنا اكتر من ابوي💔يلا مرتو اسمها رانيا برضو ظريفه شديد وعسل وكمان بتحبنا بس للاسف م عندو لا اولاد ولا بنات ربنا لسه م رزقو رغم انو بحب الاطفال شديد بس ربنا يديهو ❤❤ عمي ده م كبير عمرو 30 سنه كدا ومرتو عمرها 25 يلا هم اصحابي عديل🤣بنطق الونسه سوا وبنفضفض لي بعض بحسهم اصحابي انا م عندي صحبات شديد كدا لان زي م كلمتكم ابوي بقى معقد ويعني بطلع من البيت بعد تعب لو هو عرف بس امي بتخليني امشي لي صحباتي وكدا بس طبعا م بطلع كتير عشان كدا يعني مايله لي عمي ومرتو اكتر كنا اصحاب شديد وكدا… نرجع للروايه
انا: مامتي ي السمحه
امي: اطلبي بدون مقدمات اصلا الكلام السماحه ده الا بي فايده
انا: والله ي حجه انتي مفتحه خلاص😂
امي: اها يلا سريع عشان عندي شغل وانتي بعد تنتهي قشي الحوش ده وجهزي للفطور
انا : امي اي شي بسويهو ليك بس اول اسمعيني
امي: اها في شنو قولي
انا : ي قلبي انا كدي اقعدي لي هنا عشان نتناقش بي مزاج
امي: الموضوع شكلو خطير يلا اها قعدت
انا: ههههه م خطير ي حجه اقصد ي السمحه
امي:😂 م اظن اها قولي
انا: امي يخ انا بقيت بت كبيره وواعيه ي امي وعايزه اكون زي وزي البنات وصحباتي
امي: اسي انا مقصره معاك😪
انا: لالا ي امي حاشاك والله م مقصره بس يا امي انا عايزه تلفون والله مليت من قعاد البيت والزهج عايزه تلفون افرق بيهو
امي: ي بتي انتي ابوك جديد عليك؟؟ي بت ابوك لو عرف انو جبت ليك تلفون بقتلنا وبكسر التلفون
انا: لي لكن ي امي انا عايزه اتونس بيهو مع صحباتي م عندي فيهو شي
امي: طيب انا بجيبو ليك لكن ابوك لو جاء تطفشيهو ولا تدسيهو عشان م يعرف نهائي لو عرف م بريحنا
انا: اي طيب نهاائي م بشوفو😍😍
امي: خلاص سمح م تفرحي عندي حلق دهب كدا بديهو لي عمك يبيعو ويجيب ليك بيهو اي كشا مشا تشتغلي بيهو
انا: احبك انا يخ😍😍
امي: وانا زاتي بحبك يلا امشي شوفي شغلك بي وين
انا: حاضررر
(مشيت ي زول نضفت ليك البيت ده من ساسو لي راسو بقى بلمع لمع 😂اي شي ولا المصالح ي عمك😆يلا امي بالمساء كدا مشت لي عمي يس ومرتو رانيا مشيت معاها طبعا عشان اشوف الاكشنات😆)
سلمو كدا وقعدنا في السراير الارض كانت بي مغارب كدا الجو كان يسوي كدي👋
امي: يس عندي حلق دهب كدا عايزه ابيعو
يس: لي محتاجين حاجه؟؟
امي: لالا والله ي يس بس عايزه نشتري تلفون نخش بيهو العولمه دي😂
يس: ليك؟
امي: لالا لي امل دي مجننانا
يس: كلمتو ابوها لكن؟عشان عارفنو معقد كيف
امي: لالا بندسو منو لانو لو كلمناهو م بوافق يوم داك وريتو وقرب يكفتني التقول عايزه اجيب ليها مصيبه
يس: اي والله زول معقد خلاص بجيبو ليكم انا عندي قروش
امي: لالا والله ي يس انا هدي عندي حلق بيعو وجيب بيهو
رانيا: لالا والله ي خالتو عندو هو قروش بجيب ليكم منها م تحرجيهو اكتر هو م حيقدر يشيل منك الحلق عيب مننا انتي ززي امنا خليهو معاك ي امي ونحنا امل دي زي اختنا واكيد ح نجيبو ليها
(امي رفضت بس يس عمي ومرتو رانيا اصرو م يشيلو منها الحلق وانو يجيبو لي التلفون هم وطبعا انا الكلام عاجبني ليك كيف لانو كدا كدا ح يجيبو لي😂 المهم في النهايه عمي قال بشتريهو لي هو😍😍)
يلا مشينا انا وامي اوضتنا اتونسنا كدا ومشيت عملت الفطور جهزتو وفطرنا ورجعت غسلت عده الفطور قعدت كدا زهجت قلت لي امي انا ماشه لي صحبتي ياسمين قالت لي لا حنستها كداا بعد شويه قالت لي امشي لكن م تتأخري الساعه 1 القاك في وشي
انا : سمح
(مشيت لي صحبتي ياسمين عندها اختين صغار وحده في تانيه ابتدائي اسمها سماح ووحده في خامس اسمها ملاك وامها وابوها بس ياسمين دي اهلها صعبين م بتطلع من البيت الا معاهم )
المهم دقيت الباب فتحت لي اختها ملاك سلمت عليها ودخلتني لي ياسمين سلمت عليها وقعدنا نتونس كدا
ياسمين : ي بت رايك شنو نمشي ناكل اسكريم
انا: انتي عويره دايره تدقي م بخلوك ي بت
ياسمين: نهرب😆
انا: واقسم بالله الصق فيك كف لمن أأدبك عان دي دايراني ادق معاك امشي براك
ياسمين : يخ عايزين نتعاون علي الفساد😂
(وقعدت تقنع فيني… )
# يلا مقدمه بسيطه للروايه نتلاقا في الحلقه الجايه
يتبع…
#كسره بسيطه:-
احلى حاجه في الدنيا الصداقه ممكن تكون رابط اقوى من الحب بي كتير والزول البكون عندو صديق وصديق حقيقي يكون بيت اسرارو وكمان يقيف معاهو في المره قبل الحلوه بكون الزول ده محظوظ فعلا اللهم صديقا يكن معي للابد💕
#Loooza💕
