ماضي لا ينتهي

الحلقة ٣

#ماضي_لا_ينتهي
#بوسى_مصطفى

_______الحلقة الثالثة_______

في الجورنال
رضوي : مالك ياليلي شايله طاجن ستك ليه ياحبيبتي
هههههههههههههههههه
ليلى : الأستاذ علوي عايزني اغير عنوان المقال
رضوي : طب م تغيريه
ليلى : مش لاقيه عنوان مناسب افضل من دا
رضوي : اممم طب ممكن اقرا المقال وبعدين اقترح عليكي عنوان كويس ومناسب
ليلى : لأ
رضوي : هههههههههه هو سر يعني ولا ايه
ليلى : هي داليا مجاتش النهارده
رضوي : شكلها تعبانه... ولا يمكن عملتها
ليلى : هتصل اطمن عليكي لتكون عملتها فعلا كانت تعبانه اوي امبارح
جرس ومحدش بيرد
رضوي : تلاقيها نايمه
ما هي نومها تقيل بردو
ليلى : متعرفيش عنوانها الجديد
رضوي : لأ للأسف
كنت عايزة اروح ابارك لها ع الشقة الجديدة
اعتذرت وقالت الشقة لسه متفرشتش وهنخلصها قريب
وحسيت انها احرجت كده
قولت خلاص يبقى نروحها لما تقوم بالسلامة
ليلى : إن شاء ﷲ
هنزل بقى... سلام
رضوي : مع السلامة
____________

في النادي...
يوسف جاي ناحية ندي اللي كانت قاعدة على احد الطربيزات وبيتلفت يدور ع ولاد مازن وسحر
ندي لمحته لبست نضارة الشمس والتفتت الناحية التانية
يوسف : سلام عليكم
ندي : وعليكم السلام
يوسف :"ازيك يامدام ندي
ندي : الحمد لله
يوسف : كنت جاي اشوف الولاد هما فين
ندي تشاورله ع الولاد
يوسف : اه شوفتهم... بعد اذنك
كانت سحر وفريدة بيتمشوا قابلوا يوسف
فريدة ببتسامة : اول مرة تصدق في ميعاد
يوسف : هههههههههه
مكانش عندكوا امل اني اجي ولا ايه
سحر : بصراحه لأ... تعالي نقعد
رايح فين
يوسف : هروح ألعب مع الولاد شوية علشان امشي
سحر : انت لحقت ياابني اقعد بس هنطلب غدا وناكل مع بعض وندردش
يوسف : ياريت كان ينفع بس
سحر تقاطعه : مجاتش يعني من الربع ساعة اللي هناكل فيها مع بعض
انا هنادي ع الولاد يجوا يقعدوا معاك وناكل سوا
شاورت لبناتها وولاد مازن اللي جم جرى
ندي لمحت سحر وحماتها ومعاهم يوسف جايين ناحيتها
عملت نفسها مش واخده بالها وقامت اتمشيت شوية بعيد عنهم
فريدة وهي بتقعد : احنا مش سايبين ندي هنا يابنتي
يوسف (الصغير) : مامي هناك اهيه
فريدة تلتفت : فين انا مش شايفاها
تتصل ب ندي علشان يتغدوا مع بعض اعتذرت وقالت ملهاش نفس
في التليفون 📞
نادين (اخت ندي) : وملكيش نفس ليه يااختي؟؟
انا لو منك كنت رجعت وقعدت معاهم عادي ولا يهمني
هو انا عامله حاجه غلط وخايفه منها ولا ايه
ندي : نادين انا مش عايزة مشاكل.
نادين : وهو انتي فاكره باللي عملتيه دا اخت جوزك هتسكت بردو هتطلعك غلطانه.
نادين : ياستي غلطانه غلطانه
محدش له حاجه عندي
نادين : طب اهدي بس وروحي اجيرلك شوية يمكن نفسيتك تستريح
ندي : يابنتي انا كويسه...
الحمد لله
متشغليش نفسك بيه قوليلي انتي اخبارك ايه
نادين : تمام... الحمد لله
ندي : تعرفي يانادين اني أوقات كتير بحن ل ايام زمان
نادين : بتحني ل ايه بالظبط
ولا يكونش واحشك عصبية بابا وخناقاته معانا
ندي : اقفلي يانادين
نادين : في ايه مالك
ندي : لا اصل مازن جه معلش هبقي اكلمك بالليل
نادين : طيب... سلام
مازن : ايه اللي موقفك هنا ياندي
ندي :"كنت بتمشي شويه
مازن : الولاد بياكلوا مش تقعدي معاهم
ندي : طنط وسحر معاهم
مازن :" طب تعالي نقعد مع بعض
اخدها من ايدها وقعدوا.. كان يوسف خرج من النادي
سحر : يوسف كان هنا ع فكره ولسه خارج دلوقت مشوفتوش وانت داخل النادي
مازن : لأ
فريدة : اخبار الشغل ايه ياابني
مازن : كويس ياماما
فريدة : باباك لسه مجاش
مازن : قال قدامه يومين كده وينزل
سحر : هو بابا مسافر فين
مازن : أسبانيا
سحر : بيعمل ايه هناك
نظرت فريدة لمازن اللي مردش ع سؤال سحر
فريدة : يمكن بيخلص شغل هناك
سحر نظرت ل مازن : اه يمكن
______________