العنيده المتمرده
الجزء الثاني
الفصل 12 (1)
بقلم الكاتبه/ ريناد بلال 🖤
قبل ما تبدوأ انا بس عايزه اعرفكوا حاجه مهمه انا بكون ناويه فعلا انزل الفصل في المعاد اللي قولته بس بتحصل حاجه خارجه عن ارادتي تخليني أجل النشر معلش استمحلوا اتبقي حاجات بسيطه و الجزء الثاني هيخلص بإذن الله انا بس عايزاكوا تفضلوا معايا ديما و تستحملوا عشان نخلص بسرعه بحبكوا ديما ♥️🌿
ده نص الفصل ال (12) انا بدل ما اتأخر اكتر قولت انزله عشان تخليكوا معايا على الخط 🌿♥️😂
*********************
فريده الدموع بانت فى عينيها وحطت ايديها على قلبها :- مصطفي .. عمر !! انتوا اخواتي التوأم ..
انتوا ولااد احمد و ليلي يا مصطفي انتوا التوأم الغير المتشابه يا عمر .. انتوا اللى كنت بكرهم و اول ما عرفت ان مصطفي و عمر اصحابي هما اخواتي حبيتكوا !! احنا من نفس الأم و الأب .. يعني مبقناش بس اخوات بالعشرة احنا اخوات لحم و دم !!
فضلوا على وضعهم متحركوش مفيش اي رد فعل الاتنين بيبصوا لفريده كأن ولا في اي حاجه اتقالت !!
كانت معتقده انهم هينذهلوا او يتصدموا مش يقفوا ولا كأنهم سمعوا اي شيء !!.
الصمت احتلهم هما التلاته !! محدش عارف ينطق يقول ايه !! فريده مستنيه منهم يتكلموا يقولوا ايوه احنا مصدقين انك اختنا أو لا مش مصدقين و تجبلهم الدليل !!
دموعها نزلت بدون سبب يمكن اتاثرت بصمتهم:-
انتوا ساكتين ليه !! مش مصدقين اني اختكوا !! تحليل ال DNA فى المستشفي .. انا مش هكذب عليكوا في حاجه زي ديه !! انا كنت زيكوا كده في الأول مش مصدقه و مصدومه !! لدرجه ان اللي حصلي من الصدمه مكنش عادي !!
مسحت الدموع اللى نزلت منها وقربت منهم وحاولت تقلل من الصدمه اللي هما فيها بضحكه :- انتوا بقيتوا شبه الاصنام !! مفيش صوت مفيش حركه !! مفيش حتي غمضه عين !! ده عرض مسرحي مش كده !! يا مصطفى .. يا عمر !!
فضلت تشاور على عينيهم و تقرصهم من خدودهم وهما مفيش نهائي !! لدرجه ان مصطفي وقع من طوله بس هي لحقته وفضلت ماسكه !!
فريده بزعيق:- عمر فوق !! مصطفي اغمي عليه !!
و عمر مش سامع فريده خالص ولا حاسس بمصطفي واللى حصله هو بس واقف باصص قدامه ومهما فريده تتضربه فى كتفه مبيتاثرش فضل ثابت !!
فريده غمضت عينيها و ابتسمت ابتسامه خفيفه:- سوري يا عمر بس لازم تفوق !!
ضربته بالقلم جامد وهو فاق بصدمه:- فريده !!!!
فريده بزعيق:- خلاص عرفنا انك مصدوم فوق بقي وشوف اخوك اللي هيقع مني .
عمر بذهول:- اخوك !!!!!
فريده:- التوأم ! اخوك التوأم يا عمر :))
عمر بعدم تصديق:- انتي بتقولي ايه !! انا عمري ما سمعت الكلام ده قبل كده !! سيده عمرها ما قالت إن مصطفي اخوايا التوأم !!
أنت تقرأ
العنيده المتمرده
Romantizmعشقت تلك المتمرده التى تخطت كل الحدود وسرقت قلبي ! حطمت كل الجدران المحاطه بي لأقع بحبها وهى لا تدرى ماذا تفعل ! جعلتنى مثل المجنون أُتيم بها ،، سحرتنى ببحر عيونها الزرقاء التي تشبه المحيط ،، جعلتنى مثل العاشق المتيم بجمال روحها العنيده ! تفاجئت بإ...
