#أول_الغيث_مهره
بارت٢٠
صباح العسل اعتذر اخرتكم. صارت شغلة واخرتني،،اعذروني مرة ثانية،،متابعة طيبة
البارت العشرون
فيّد عبدالله
مهرة،،احس گلبي صعد لبلعومي بدگاتة
حسين،،هلا بالشباب مالگيتكم بالديوانية وكلت اسأل اخيتي عليكم واجيتوا
مهدي،،حياك كل الهلا،
عثغيث،،ام محمد حضريلنة الغدة
حسين،،لا بوية رايح اجيت اشوفك وامشي
غيث،،مترهم بوية طلعتك هسة يلا اتفضل
مهرة،،بقيت اباوع لغيث الي خزرني اوشرلي ادخل اني هم انثولت وبقيت واكفة بالباب، ،طبيت بس گلبي يركض ركض. بلشت احضر بالغدة واجتي نوران وياية نزلت حوراء باوعتلي واشرت شنو،،حسين بالاستقبال
حوراء،هممم،هلا بي
مهرجة،،ما ردنة نحسس نوران بشي رغم البنية حبابة وهادئة،،كملنة هوسة الغدة وصعدت يم حوراء سولفتلهة الحجاه حسين
حوراء،،مستحيل اوافق اني مااطيق تصرفاتة وهو ابن عمي عود اروح اصير مرتة
مهرة،،شبي اني اشوفة رجال وگدهة انتي من تتزوجين غير تردين رجال من صدك سند وامان واني اشوف هالشي بحسين
حوراء،،بس مااشوفة زوجي المستقبلي ولا حاطتة ببالي منتوالم اني وياه ابسط شي وين راح اعيش اروح لبيت عمي اخبز واعجن واحلب
مهرة،،يجوز يكعدج هنا هو مو يشتغل هنا
حوراء،،لا مااقبل وشوكت ماشفتيه تگليلة حوراء تكول مستحيل ارتبط بيك وخلي يشوف طريقة
مهرة،،اي مو اني زوج اوكف وياه بعد هو هالمرة ردت اجيب من الخوف
حوراء،،هو مو كلفج انتي وصلي الرسالة اني لساني ميطخ لسانة ابد لج كلما اتذكر شلون جرني من ايدي وطلعني من الكلية بودي اثرمة بسنوني
مهرة،،يغار ياعيوني هسة خوانج مقصرين
حوراء،،يروح فدوة لخواني هو اكو مثلهم
مهرة،،اممم يمة منج لان خوانهة متقبل لج هو الرجال اذا ماعندة غيرة على عرضة يتسمى رجال
حوراء،،اكو فرق بين الغيرة والشك
مهرة،،الله يقدم الي بي صالح وراحة،،نزلت غسلت لحمودي وطبيت للغرفة ابدلة لكيت غيث متمدد ويدخن وهو ممنوع يشرب جگاير هالفترة،،اتقدمت خايفة عليه،،ليش ياعيني تشرب جگاير ممنوع عليك وموزين علية وعالبطني
غيث،،اسفين زعجناج
مهرة،،مو زعجتني اخاف عليك
غيث،،اذا اتخافين علية شعندج واكفة وية حسين مو تدرين اشيط للسما اذا واحد لمح خيالج
