في اجتماع عايلة اهل موضي[/COLOR]ا
لكل جالس يبارك لام عبدالله بخطوبة ولدها لهجير
ساره زوجة اخوها: التفت عليها غريبه خابرتك ماتبلعين هجير كيف وافقتي ولدك يخطبها والا اجبرك الولد
ام عبدالله: ياحبة عيني وليدي ماعمره طلع عن شوري بس تعرفين اني اقدر على هجير اكثر من غيرها لو اخذ غيرها ماقدر اتحكم عليها راح تزعل واهلها يقفون ضدي وانا مسكينه مالي ومال المشاكل
ساره: يعني راح تسكنينها عند ك
ام عبدالله: اكيد اختي مسنعتها ومخليتها مرة بيت كل شغل تعرف له وتتقنه حتى تطبخ وتبيع للناس واختي ربحت من وراها وانا امرت عبدالله يسكنها عندي طلب مني غرفتين رفضت قلت ماله داعي راسك وراسها بس تكفيكم غرفه
ساره: وطاعك
ام عبدالله: قلت لك ياحبة عيني هو مايقدر يرفض لي طلب
ساره: بغيره الله يحفظه لك وناظرت هجير الي من جيتها وهي مستحيه قالت بقلبها ليتني انا خطبتك لولدي محمد جمال وسنع ومكسب من وراك بس قهررر سبقتني العقربه وصارت اذكى مني
فــــــــي مـــجـــــــلـــــس الـــرجــــــال
كل الرجال يباركون لعبدالله واخونا بالله متشقق من الوناسه
فهد: قرب له من قدك ياسيدي وحصلت حبيبة القلب
عبدالله: الحمد لله اخيرا حصلتها
فهد: الله يعينك على تدوير الشقه
عبدالله: لا امي تبيني اسكن عندها
فهد: اجل جهز لك جناح محترم فوق
عبدالله: لا امي تقول تكفيكم غرفه ايش انتم راسك وراسها
فهد: ناظره باستغراب عبدالله انجنيت انت بيت اهلك فيه عيال وبنات يعني زحمه كيف تبي البنت تاخذ راحتها لازم تحط لك غرفتين وبوفيه ودورتين مياه الله يكرمكم
عبدالله: وش وله الخرابيط والخساير لو ابسويه راح يكلف كثير وامي تقول هي جايه من غرفه فوق لحالها ومطبقه غرفه حالتها حاله واهم شي اسكن انا وياها سوا لو بخيمه
فهد: أمي تقول أمي تقول مادري أنت الي تبي تتزوج او أمك
عبدالله: أنا الي يبي يتزوج وياليتك تنقطنا بسكاتك
احمد التفت على ناصر: اااخ يالقهر هالنتفه يبي ياخذ ملكة الجمال هجير
ناصر: قل ماشاءالله لاتطخه بعينك
احمد: ليتني اطخه بعيني ويتركها لي
ناصر: ليه ماسبقته وخطبتها ؟؟؟
احمد: عجزت وأنا اقنع أمي بس رفضت
ناصر:وليه رفضت
احمد: تقول عمتي موضي وزجها ماينقرب منهم راعين مشاكل وأنا من يوم صغير متعلق فيها جمالها يذبح من يومها صغير ملتفته للنظر ومميزه من بين كل البنات والي يزيد ميزتها هدوئها وبرائتها يالطيف عليها شعر وعيووون
ناصر: اعوذبالله اذكر ربك وتراها تبي تصير بذمة رجال غيرك بعدين عبدالله ابرك لهجير منك على الاقل عبدالله ازينا شكل واخلاق موانت يالشيفه لاشكل ولا اخلاق ههههههههه
احمد: من وين له الزين مادله
ناصر: مقارنة بعايلتنا أجملنا ههههههههههههههههه
احمد: مالت عليك وعليه
فــــي افــــخـــــــــم مـــطــــــا عـــــم الــــــــــريـــــــــاض
طلال: ايش رايك رنو عجبتك الجلسه
رنا: اوووووووه تجنن حبيبي
طلال: من امس محرصهم يحجزون لنا ركن هادي وورومنسي وانا طلبت منهم هالالوان بس يارب تعجبك
رنا: مسكت يده من فوق الطاوله وسبلت عيونها له كل شي منك يجنن حبي
طلال: ابتسم ابتسامه تدووووخ تسلمي قلبووووو
رنا:فسخت شيلتها ونفضت شعرها كانت مجعدته بس هو ناعم وخفيف موكثير مايتجعد كثيررر
طلال: جلس يناظرها بدقه
رنا: تتصنع الخجل سبلت عيونها له عجبتك
طلال: ابتسم بهدوء قال حلوه بس لو تطولي شعرك وماتصبغيه تخليه على لونه احلى
رنا: حبيبي شعري موكثير ومايطول مره وبعدين اموووت انا على الصبغه
طلال: انا احب كل شي طبيعي يعني اتمنى اشوفك بس بكحل وقلوس خفيف اتمنى اشوف لون شعرك انا طبعي ماحب كثرة البهرجه شوفي حنين جمالها بطيعتها
رنا: عصبت تقارني انا بحنين انا احلى مليون مره منها صح جسمها احلى مني بس انا حريصه على الرجيم وانا ابيض واكشخ منها
طلال: ومن قال ان سمار حنين مخربها بالعكس مجملها
رنا: لو مجملها كان مارماها .......
طلال: رناااااااااااااااااااااااااااااا
رنا: نزلت راسها موقصدي بس انت نرفزتني وتقارني بأختك ودمعت عيونها وقامت يالله مشينا
طلال: مسكها اجلسي رنو وحقك علي بس انا ماقلت لك حنين أجمل منك حنين فيها صفات وأنتي فيك صفات تجنن بس انتي مخربتها بالبهرجه والا عليك ملامح تجنن هذا قصدي قلبووو
رنا: طيب انا عاجبني شكلي عجبك كان بها ماعجبك دور غيري
طلال: بهدوئه المعتاد افااا رنو انا زوجك ومن حقي اطلب من زوجتي اشياء علشان مانظر لغيرها
رنا: ممكن نغير السالفه تراك خربت جلستنا بكلامك
طلال: مسك يدها وباسها اسف قلبووو حقك علي ولك علي بعد مانطلع سيدا على محل دماس تختاري أي طقم الماس يعجبك بس اهم شي رنو ماتزعل مني
رنا: طار قلبها على ذكر الالماس ونست زعلها خلاص موزعلانه وين العشاء موتني جوع هههههههههه
فـــــي الــــمدرســــــه
حنين: يجنن الجو اليوم مطر روووووووعه
هجير: باتسامه اللهم اجعله صيبا نافعا يالله مع السلامه
حنين: وين تعالي اوصلك مع السواق
هجير: لا ابروح مع الباص
حنين: انجنيتي الباص راح يوقفك اخر الشارع وراح تربصين وانتي ماوصلتي
هجير: عادي متعوده المطر صديقي وانا صديقته ههههههههههه لاتنسين غرفتي تربص مويه كل ماينزل مطر
حنين: رحمة صديقتها وسكتت شوي الا تفز يؤؤؤ هجوره شوفي من جاي ياخذني
هجير: منو؟؟؟
حنين: عمي هشام غريبه
هجير: دق قلبها بقوووه على ذكر هشام وبدت ترجف
حنين: هجوره شكل الباص يبي يتاخر عليك تعالي معاي
هجير: تحاول تهدي نفسها علشان ماتلاحظ رجفتها حنين قلبي حنونه لازم يجي البنات كثار موبس انا
حنين: مصممه ماتركبي معاي
هجير: مستحيل خلاص الحمد لله الباص وصل وبسرعه ركبت معاه وتنهدت براحه يوم ركبت معاه التفت على السياره الي جنبها شافت هشام لاصق بالباص وكان يناظر جهتهم صدت ورجعت لها الرجفه
هشام: ماخليت السواق يجيك خفت عليك مع المطر
حنين: فديتك عمو
هشام: بس ماخبرتك بخيله
حنين: افاا ليه؟؟؟
هشام: ليه ماخليتي صاحبتك تركب معاك مو تخلي الباص يوصلها
حنين: رفضت عمو قهررتني الباص راح يوقفها بعيد عن بيتها بعد لان حارتهم ضيقه وصعبه يدخل البابص جوا
هشام: ماعليك نبي نمشي و راهم حتى تنزل وبسرعه ناديها تركب معانا
حنين: عجبتها الفكره اوك
هجير: ملاحظه السياره تتبعهم وقلبها يزيد دقاته نزلت وماحست الا حنين تجرها بسرعه اركبيي
هجير : لا مستحيل
حنين: خلصينا ترطبت مع المطر يالله لايدخلني بردوجرتها للسياره
هجير: زاد خوفها ورجفتها وبشويش رفعت عيونها للمرايه بس شافته مركز على طريقه
هشام: يالطيف الطريق هذا كله مويه ابروح مع الجهه الثانيه
هجير: زادت رجفتها اكثر وبدت تمسك يدينها ببعض تحاول تهدي من نفسها ياربيه حتى صوته يوترني ليه مادري كاني اعرفه كانه موغريب علي يكفي يكفي احس السياره ضاقت فيني يارب نوصل
وقفو عند باب بيت هجير ودخلت بسرعه وجري فوق ارتمت على سريرها وجلست تبكي
هجير: ليه هالانسان يربكني ؟؟ ليه اذا شفته اتمنى ابكي ؟؟؟ ليه احسه رجال حنون؟؟؟ يارب ماحبيته ولا احس بشي تجاه بس ليه احس بكل هالاشياء جهته
من وين طلعت لي ياهشام من وين ؟؟؟
هشام: طول الطريق يحس براحه لانه قدر يشوفها ثانيه بس تمنى يسمع صوتها بس خساره ماقدر
حنين: وصلنا عموو وانت لسه سرحان شكرا على هالتوصيله الحلووه بااااايو
هشام: ابتسم لها عفو ا حنونه وناظرها وهي تبعد سبحان الله حنين تختلف عنهم حنونه وطيبه موزي امها ولاخوها
فـــــي اســــــتـــــراحة شـــــــلة مــتــــعـــــــب
متعب: دق جواله رد الو
امل: متعب خالد تعبان مره
متعب: اوف ياهالخالد الي واقف لي بالزور شنو فيه ؟؟؟
امل: بهدوء وحزن وتبلع عبرتها عليه حراره
متعب: وانتي بزر ماتعرفين شلون تسوين فيه اذا صار عليه حراره عاطيه خافض وكمديه
امل: عطيته بس تعرف الدكتور موصيني اني ما اخلي حرارته ترتفع اكثر خطر عليه
متعب: كيف خطر عليه عيونه مايشوف فيها ويعرج برجل يعني خطر على رجله الباقيه له والا اذانيه
امل: الله يهديك متعب هذاو ولدك ونزلت دموعها ومسحتها
متعب: عارف انه ولدي وعارف انك امه وعارف انك تغثوني وماتتخلوني انبسط بعد تعب العمل والكرف نايمين طول النهار وبالليل تجلسون لي
امل: وربي بالنهار ماتغمض لي عين اصلا الحمل متعبني
متعب: اوووووف خلاص فكيني من شكاويك وسكر بوجهها
امل: تناظر جوالها وتبكي رفعت يدينها يارب تهديه وتسخره لي ولعياله يارب يارب
سعذ: حمش تعجبني
متعب: الحريم مايبلهم الا العين الحمراء
سعد: مد لها الزقاره روق بس ياحمش
متعب: اخذها مشكور يالله كمل لعب
امل: راحت عن خالد مسكين ضمته على صدرها وبكت
خالد: بشويش مسك وجهها بيده الحاره يمه انتي تبكين
امل: تمسح دموعها لاحبيبي
خالد: يمه تكذبين مو تقولي الكذب حرام
امل: صح حبيبي الكذب حرام
خالد: استغفري ربك
امل: ابتسمت له وباسته استغفرالله
خالد: يمه طلبتك لاتبكين
امل: حبيبي راحمتك
خالد: ربي ارحم فيني منك انت لاتعبين نفسك
امل: ضمته وبكت قالت بقلبها الله اخذ منك عيونك وجمال وجهك بس عطاك جمال روحك وذكائك الي مايساويه الي اكبر منك رفعت عيونها وهي ضامته على صدرها سبحانك ربي ماتاخذ من عبدك شي الا تعوضه باحسن منه
جلست طول الليل تكمده وتدعي ربها انه يشفيه وهي متعبها الحمل وماتتحمل السهر والجلسه الطويله بس متصبره علشان فلذة كبدها خالد
متعب: رجع قريب من الفجر لف شافها بغرفة ولدها راح سيدا على فراشه ولاكلف عمره يسال عنهم
فـــي بـــيت حـــــــــــــمــــــــــد
حمد: موضي موضي
موضي: وش بلاك يارجال تصارخ على هالصبح
حمد: ولد اختك المنتف ماقدم مهر الا 20 الف بس
موضي: وش تبين اسوي يعني
حمد: دقي على اختك قولي لها مافيه زواج الا اذا زدتو المهر والا اجدعي مهرهم بوجيههم
هجير: كانت نازله سمعت كلام ابوها راحت للمطبخ وهي مره حزينه الله يستر لايفركشونها بسبب هالمهر الله يستر يارب
موضي: ماشاءالله عليك ياحمد تبين اتهاوش مع اختي علشان مهر هجيروووه
حمد: جلس على السرير ياغبيه تعرفين اننا محتاجين هالمهر وهي فرصه ماتتنعوض متى يبي يجينا مهر ثانيه تعرفين اسماء عوبا ماراح تسمح لنا نلمس مهرها
موضي: ولاتفكر تلمس مهر اسماء الا برضاها
حمد: هاه وش قلتي
موضي: عن ايش
حمد: عطاها السماعه كلمي اختك تزيد المهر ترا الولد حابها وماراح يفرط فيها
موضي: ياغبي ولدها صح يحب هجيير بس لاتنسى انه خاتم بيد امه
حمد: يعني
موضي : سكرت السماعه يعني لاتحلم اختي تزيد المهر تعرف اختي عنيييده وماراح ترضى تزيد المهر فهمت
حمد: ايه فهمت الله ياخذك انتي واختك وولدها وهجيروووه قبلكم الي من شفته ماشفت خيرر ابدا
موضي: طيب لاتدعي علينا حدك
حمد: تغط بالبطانيه طسي انتي واهلك الي وجههم وجه فقر
موضي: كشت عليه وهو متغطي مايشوفها وطلعت
الكل يسألني هالسؤال ليش انا اكتب في روايتي السعوديه وليش ما اكتب من عمان انا احب السعوديه و عشان كذا كتب الرواية بلهجة السعوديه
و ان شاء الله قريبا احتمال انزل رواية باللهجة العمانية 🇴🇲❤
