دجى الليل الجزء الثاني - عتمة الزينة كاملة

مناقشة**

بقالنا بقا كتير متكلمناش مع بعض فقولت أوضح بعد النقاط ..

أولاً: علاقة بدر وسليم!

ليه حكاله حقيقته؟

1- ببساطة شديدة علاقتهم "اللي عجبت الكل" مبنية على الصحوبية والصراحة سليم بيحكيله كل حاجة، ونفس الكلام بدر حتى لو متخانق مع نورسين بيحكيله.. لحظة كده لو نتخيل إنه عرف بأي طريقة من الطرق منظر بدر كان هيبقا ايه؟!

ده بس لو صاحبتك خبت عليكي حاجة بتبقي مش طايقاها.. ما بالكم واحد مصاحب ابنه، ومربيه على الصراحة، ومبيستهونش بذكاءه لو جه اكتشف من غير ما بدر يقوله بنفسه هيضايق منه وينزل من نظره..

2- عايزاكم بس تفكروا للحظة واحدة بعيد عن الرواية خالص، لو أنت أو أنتي بتحبي جوزك أو أختك أو صاحبتك وخبيتي عليها حاجة، وبالذات لو حاجة مضيقاكي أو حاجة شايفة إنها مش كويسة.. بتبقي عاملة ازاي طول الوقت؟ بتحسي بإيه؟ كلنا في الوقف ده بنقعد نفكر.. طب أقول.. لا مقولش.. بس ممكن فلان اللي بنحبه ده يعرف وساعتها نظرته لينا هتتغير.. دماغنا بتفضل تودي وتجيب ونايمين ولا صاحين راسنا بتوجعنا من التفكير في الموضوع..

حد هيقولي ما هو يعني بقاله عشرين سنة مقالوش.. حبكت يعني دلوقتي؟! 

هاجاوب وأقول آه حبكت.. بدر في بداية معرفته بأن ليه ابن أصلاً كان لسه بيتعالج.. واتصدم جامد بحقيقة إن ليه ابن ومراته اول حب في حياته بتموت.. بدر كان بيواجه تحدي جديد.. إنه ينجح في تربية ابنه من غير ما الماضي القاسي اللي شافه يقصر عليه.. نجح في التربية السليمة لسليم، الصحوبية الهايلة دي فترة المراهقة للأولاد بتفرق جامد في تكوين شخصيتهم لما يكبروا..

وبعد فترة المراهقة دخل بتقله على الشغل، كان ده كل هدف وتركيز سليم إنه يمشي كل حاجة مظبوطة زي باباه وإن يوم ما يكون مسئول ميجيش حد يقول ده سليم غير باباه.. 

خلاص بقا اطمن عليه في الشغل، وبالنسبة لأن شخصيات الذكور عموماً غير الإناث.. أو بالبلدي واللغة الدارجة هنقول البنت بتكبر قبل الولد.. فمش قبل ما يكون الراجل عنده 28 سنة أو 27 سنة نقدر نثق فعلاً في تمام تكوين شخصيته وأسلوبه.. وطبعاً مش هانكر إن لكل قاعدة شواذ..

وكمان هازود نقطة مهمة أوي.. عارفين المثل اللي بيقول الحياة تلاهي؟! 

ده بالظبط اللي حصل لبدر في حياته.. عيلته كبرت.. شغله اللي تعب فيه كبر.. علاقته بنورسين بقت قوية جداً جداً.. قربه من أولاده بالشكل ده وعلاقته بيهم فرحته اوي.. علاجه اللي دام لفترة كبيرة نتيجته كان هو مستمتع جداً بيها.. يمكن فعلاً مكنش حاسب حساب إنه يعرف سليم حقيقته لكن خوفه اللي ظهر تاني "ودي تقريباً أكتر حاجة عمرها ما هتتعالج في شخصية بدر (الخوف)" لما الحاجات القديمة اتفتحت هو اللي خلاه يعترف لسليم..

3 - لو كان فضل مخبي عليه، ولأي سبب حد عرف عن كريم حاجة والحالة اللي وصلها أو حتى لو سليم سأله هو كريم راح فين.. زي ما حصل قبل كده.. كان هتبتدي الصراحة والصدق اللي ما بينهم تتهز.. يعني أول مرة جاوبه وقاله جزء من الحقيقة! لو الموضوع بقا اتطور أكتر تفتكروا إنه مكانش هيوصل للكدب؟! وساعتها كان هيبدأ يخالف كل اللي ربى سليم عليه غير إن خوفه هيفضل موجود من إن سليم يكتشف.. وأظن نورسين كمان وضحت ليه لازم يحكيله..

العلاقة دي مش موجودة في الحقيقة أصلاً..

أحب أقول إنها موجودة وشوفتها بعيني.. 

*****

ثانياً: شخصية سليم مع زينة وعلاقتهم وزينة نفسها!

هو ليه قاسي على زينة؟ / طريقته غلط / أنا مش معاه في اللي بيعمله..

سليم جرب الطيبة والحنية والرومانسية.. هايل.. جاب نتيجة معاها..

بعد عنها لسبب طبيعي زي مشكلة في الشغل أو ضغط مشاغل.. 

هي بقا راحت رمت نفسها لشهاب.. 

طب نفكر براحة أوي مرة تانية معلش، هي مش زينة من ضمن الحاجات اللي حبتها في سليم إن الكبير وانه بيهتم بالكل وإن شبه خالها في الشغل (واللي مش فاكر يرجع لكتابتها في الدفتر).. طب لما أنا بحب واحد علشان سبب، وبعد عني عشان السبب ده لفترة مؤقتة، ينفع بمجرد بُعده أنساه خالص ولا أصبر عليه شوية واديله فرصة؟

طيب هو مش سليم عصبي؟! ده جزء من شخصيته.. عادي فيه واحد بارد وواحد عصبي وواحد بيكتم جواه وهكذا.. بس سليم تفادى ده وكلم زينة وقالها هُدنة ونتكلم ونتناقش بهدوء ومترفضيش وخلاص إنما اتناقشي مع اللي قدامك بهدوء.. هي معملتش كده وخالفت كل اللي اتفقوا عليه..

طب نجرب القسوة بقا وانه يبقى بارد.. وزينة