إنقلاب

"البارت الأول"

البارت الأول من الروايه الواقعيه #إنقلاب

#الكاتبه_هبه السليني ♥️ Heba Alseleny ♥️

___________________
في 2012...

في بنغازي ♥️♥️

10 صباحاً

حنين بصوت عالي :نووووضي هيا عرسك راهو تحشمي علي وجك😒
شروق بحزن : عرس بالنسبه لكم انتو بالنسبه ليا انا عزاء ونبي ننزف للقبر. 💔
حنين :صبي يابارده ديما كلامك يرعش كيف وجك هذ 😒 خلاص ماعندك كيف اديري الا ترضي بنصيبك رآه هذا الحل الوحيد حبيبك هذك انسيه ولا سمي ولدك عليه هذا حد جهدك😑
شروق تبكي:به اطلعي براااا خززي تقول ما اختي بكل مش حاسه انتي بلناااار إلى فياا هنناااااا💔🔥
الخوات يصبن لبعضهن الا انا عندي 3 خوات ع الفاضي كلهن لاهيات بلقفاطين ومكياج وهياجه مايقولنش اختي شن صاير فيها بكلل 😭😭💔
انفتح الباب..
خديجه امهن:فضحتن بينا الله يفضح بيكن ياوجه الكشايف الناس تسمع في حسكن،صبي ياشروق  وتي روحك خوك يبي يشيلك المزين وقت.
شروق ناضت تخبط وتبكي:نايضه نايضه اسملا عليا ماكيف البنات 😭💔اهو شوفي بنات اختك ازوجن إلى يبنا ويبيهن وشوفي بنات عمي كيف شوفي بالله
خديجه :عدي ياحيوانه ياعار إلى كيفك حتى عرس خساره فيه.

طلعت شروق تبكي ومافي حد فاهم عليها ماحد منهم تفاهم أن هيا قلبها حب، وحب مش اي ذكر لا حب راجل قد الكلمه، مجرد ما جاها عريس باتها عطاها بدون ماياخذ رأيها، رفضت وصلت بيها انها تحكي وتجرأ وتقول انا نحب شخص، بس للأسف نحنا ماعندنش من كلام هذا مجرد ماقالت حبسوها وفكو منها النقال وجوزوها بالغصب. 💔 ماجتهش فرصه حتى تحكي لحبيبها وتقوله تعال لأن عطو كلمه للرجاله ودفعو على طول.

_______________🖤💔🔥

صخر تاعب من سهر قريب اسبوع مارقدش:يمسح في سلاح ويملأ في رصاص.
معاه صاحبه أشرف..

أشرف :ورأس امك ماتهور 😣
صخر: يمسح في السلاح وماردش عليه.
أشرف :لو انك تحبها صح حتخليها تعيش مع راجلها ومش حتخرب عرسها صح ولا ياصخر.
صخر بصوت واطي وتاعب:حركات لعيال هذنا مش ليا، ياتقعد ليا انا يا انا مانقعدش فاهم عليا ولا.
أشرف :بس انت درت إلي عليك يارفيقي ومشيت دويت ل باتها وعمها وخوها وعيال عمها قريب حتى الجيران مشيتلهم، خلاص الي عليك درته شوف حياتك وخليها تشوف حياتها.
صخر رفع حاجبه:ماقتلكش انا شن ندير ولا شكيتلك ولا طلبت مساعده صح ولالا، بارك الله فيك وروح خلاص شوف هلك اكيده يبوك ماتورطش روحك معايا.
أشرف :🙄تحكي من جدك انت، تي انا معاك لجهنم ومانش مروح كراعي علي كراعك.
صخر هز راسه وحط يده ع كتف أشرف .

___________________

نور صاحبة شروق معاها في المزين..

نور:دويت معاه وقالي جيت لهلها ماوافقوش،بصراحه هلك هذوما خاطري نطلق فيهم رمانه ونتريح منهم كلهم علي عمايلهم ماتزعلش مني.
شروق تبكي : ياحبيبي اكيده قلبه محروق😭💔هذا مايتحملش طفل صغير يبحت فيا مش راجل يلمسني ونقعد على اسمه 💔😭
نور تبكي:خلاص وطي صوتك الناس تبحت فينا،صبي اغسلي وجك عشان تبدالك المزينه.
شروق تبكي واضبطت نور:يانور انتي مستوعبه ولالا 😭😭😭مستوعبه انا حنقعد مع راجل خاطي صخر انا حيبوسني غيره حيلمسني غيره انا حنرقد مع غيره يا نوووور مستوعبه ولالا 😭😭😭😭💔.
نور:😭😭😭💔قطعتيلي قلبي ورأس شووق خلااااص😭😭💔
شروق تبكي:مقهووووره مش قادره ندير شي 😭😭😭
المزينه :هاكي عطيها تشرب اميه.
نور هزت راسها:شكرا.شروق اشربي واستهدي بالله.
شربت شروق اميه هدت شويه..