#ميار# دازت كتر من عشريام او صقر مكيهضرش معايا منغير فاش كيوصل وقت دوا كيصوني ابيل فيديو اشوفني كنشرب دوا او يقطع حتى فاش كنا كنوجدو لخطوبة معاذ او اسماء كان كيتجهلني بقا فيا لحال لوحد درجة متصورش خصوصا مني داز حدايا او محشهاش ليا قدام هناء لي كانت دايرة ضحكة انتصار قربات ليا او قالت *شفتو بدا كيمل منك من دابا * ولكين حلفت تانخليه اندم على دكشي لي دار ليا غدا ايكون لحفل وخا عييت انوياه بعد هاد تحضيرات لي مكتساليش قررت نلبس لكسوا لي عجباني او نهضر معا من بغيت مشغلوش فيا دابا وصلات 5 دليل او يلاه دخلت لدار من بعد متأكدت من لماكلة تاع لحفلة ، غي حطيت راصي فوق لسادة نعست . #صقر# كن بعد ديك ليلة وليت كنتجاهلها تماما حسيت بيها معجبهاش لحال او بقا فيها لحال ولكين خصها تعلم بلي صحتها اولا كنت كنصوني عليها باش نشوفها واش شربات دوا لي شريت ليها كانت اول مرة بغات تهصر معايا ولكين قطعت عليها ولكين من بعد مبقاتش gاع كتهضر حتى فاش كنا كنوجدو لحفلة مكنتش كنهضر معاها واخا كانت معانا واحد لمرة هناء لي حسيت بيها عجبها لحال ، كنت كنحس هاد لمودة كاملة بلي زت فيه شوي ولكين كنحس انو هدشي لصليحها ، انا عارفها مغدوزهاش هكاك او غاترض ليا هدشي بضوبل ، لموهيم نمشي نعس راه صبح لحال . #الصباح# #صقر# فقت وجت راصي او مشيت لحفلة معا دخلت بانت ليا كترحب بضياف بداك لباس تاع لمرض مشيت وقفت حداها كنسلم على ضياف معاها قربت حدا ودنيها او لصقت ضهرها معا صدري او هضرت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
صقر : اش هاد لباس عوتاني ؟ ميار : كان كيسحابلي مكتهضرش معايا صقر : باراكا من لخرا ديالك او جاوبيني ميار : هادي كيسميوها ناس كسوة كتلبس فلحفلات صقر : كطنزي راه اتخلصي او بلغالي خص غا تسالي هاد لحفلة او نوريك لكساوي كنت كنهضر معاها حتى عيط عنا منير او معاذ منير : هايهاي على لقرطاص عندنا فلحفلة (شد يد ميار او بقا كيضورها ) فين كنتي قبل منخطب فين كنتي قبل منتزرف ادوي الكل (الا صقر ) : هههههههه جا معاذ او باس ليها يديها معاذ : انا باقي ما متزرفتش اش باليك (غمزها فلخر) ميار او منير : ههههههه اسماء شافت فصقر اسماء : شوف اصقر لحوالى ولاو كيتعنبو ليك على لمادام دراري شافو فاسماء ديك شوفة تاع الله الgيها ليك صقر : غالقيتيني كنشوف واش نبدا من الجهاز التناسلي ولا التنفسي منير او معاذ صرطو ريقهوم او بعدو على ميار لي بغات تموت بضحك معاذ : الله اخيا اش وصلنا لشي تناسلي هاحنا مبعدين منير : يخيا كولشي الا ولادي شكون بغا يورتني ميار : متخافش جدك gاع ميخلي لورت ايضيع كون هاني الكل : ههه كانو مجمعين حتى ضارو بيهوم الصحفيين ص1 : السي معاذ شنو الحساس ديالك فهاد نهار معاذ : شنو غيكون احساس واحد عترف راصو ايدخل لحبس الزوجية فنضارك ههه ضرباتو اسماء لضهر او كولشي تفرشخ بضحك ص2: السي منير شنو رأيك فلقرار لي خدات ختك منير : بمائنو كنت انتحبس بوحدي فلول فانا جد فرحان حيت حتى صحبي او حبيبي ايتحبس معايا هههههه الكل : ههههه لبنى : صراحة غيكون اسعد حاجة سمعنا بيها لحد لان او هيا لخطوبة ديالهوم ص1 : مدام اسماء اش باليك فهدشي لي قالو اسماء : صراحة كنت كنتسنا نهار لي نلقي عليه القبض مي دابا قريب ان شاء الله معاذ : انا خرمت مبقيتش gاع منير : ينتحبسو بجوجو يبلاش الكل : هههههه ص3 : مسيو صقر واش حتى نتا قريب تحبس ولا باقي شوية صقر : وهوا لحبس باقي شويا عليه لحال حتى نشوفو هادو اش دارو او دكسعات نتوكلو عالله او نمشيو نونسوهم دخلات هناء بناتنا او هضرات بلعاني قدام الصحافة هناء : ايوا حتى يتصالحو او يبقاو اهضرو معا بعضياتخوم عاد ايشوفو واش ايكملو لديك لمرحلة اولا ص2 : واش بصح هدشي لي قالت مدموزيل هناء ميار : باش نكونو صريحين وخا مكيعجبناش نبقاو نهضرو علا الخصوصية تاع علقتنا قدام الصحافة مي كنضن او وصلات لقضية لخارجنا بجوج ، كيما كتعرفو انو فكل علاقة كتكون صراعات بين كلا جوج او فئطار هدشي كنبغي نقول بلي فعلن كان خلاف بنتتنا فهاد الاونة الاخيرة لي خلا صقر يتجاهلني مي قدرنا نحلو الامر او نضاركو لموقف ص3 : واش يمكن ليكوم تقولو شكنهوا هاد لمشكل الى سمحتو صقر : زعما ممفكينش هه ، كأي راجل مغيبغيش انو حبيبتو يوقع ليها شي بروبليم او متقولهاش ليه حتى يعرف من طريق خرى هدا مكان ص4 : او شكون لي خلاك تمدموزيل ميار تخبي عليه ميار : بالنسبة ليا شفت او امر بسيط ميحتاش نصدعلو راصو بيه او خصوصا انو صقر ماشي من داك نوع لي ادوز لحاجة غا هكاك ابدا مي فلخر معجبوش لحال او تقلق علية (شافت فيه او همسات سمحلي اصقر مقصدتش من بعد ما مشاو صحفيين او بقاو غا هوما بجوج) صقر قرب حداها او باسها فلعنق صقر : اخر مرة تخبي شي حاجة ولكين قضيت لحوايج من بعد او نتفاهمو ميار (بعدات عليه): ونتا لي خليتيني ندير هاكة صقر : دبا غا حيت مهضرتش معاك لبستي هكا ميار : ماشي قضيت مهضرتيش معايا مي درتيها ليا قدام هناء او جات بدات كتحل عليا فمها شفتو دغيا مل منك او قبيلا شوهاتنا زعما راهوم مدابزين صقر : يعني مبقاش فيك لحال حيت مهضرتش معاك ولكين حيت درتها ليك قدام هناء ميار : وصراحة بجوج صقر : ههه عرفتي gاع مجات معاك هاد لكسوة ضهرك كامل عريان او ديك لفخضة لخارجة لاش ميار : وباز اخويا مكتحشمش كولشي كيقول جاتني فنة جرها لعندو حتى تلاسقات صقر : هدوك غا كيسبغو فيك (قرب عندها باسها بزربة ) او انا ماشي خوك ميار : صقر اش كدير دابا اشوفنا شي حد معا طلقني جات واحد لمرا هيا او رجلها معا عمت صقر او رجلها حتا هيا سميرة : كنعرفك هدا صقر ولد خويا الله ارحمو لمرا : تبارك الله هدا ولد ديك روسية راجلها : اوا شكون قال انو ولد هديك ايولي شحاجة لمرا : سمعت بلي يلاه هادي عماين باش رجع من روسيا بعدما دار لفلوس راجلها : كيدرتي حتا درتي لفلوس ونتى كنتي مكتكساب والو حتى من حقك مقديتيش تاخدو ههه راجل سميرة : ههههه عندك لحق من زلط او لوسخ لفلوس نتا لاش صدقات صقر طلع ليه دم او انا شادة فيه ليدير شي كارة لمرا : (لحضات دكشي او بغات تستفزو) يكما خصنا ندويو بشوي قبل ميسمعنا شي حد او يعرفو بلي كنتي مgرد او دابا فاش درتي لفلوس واخا مكاين لي عارف كدرتي ليها سميرة : حتى من بنتي مبغاش يتزوج بيها او ختار هاد لموسخة راجلها : ههه واقيلة كتفكرو فراصو ميار : ههههههه ضحكتوني (بان ليها واحد سرباي او سولاتو قدامهوم صقر فهم لبلان او تكالمة) خويا بغيت نسولك السرباي : وي تفضلي ميار : بالنسبة ليك شكنهوا صقر الاسماعيلي سرباي : هوا رجل اعمال مستقل على عئيلة الاسماعيلي او عندو شركات فانحاء لعالم او فمختلف لمجالات هادا بلا لفلوس ليعندو او لممتلكات ميار : او واش فخبارك بلي هوا ولد روسية او عئيلة الاسماعيلي تخلات عليه دكشي علاش بنا راصو براصو بلا مساعدة تاع تاشي واحد، او دابا نعاود نسولك شكون بالنسبة ليك صقر الاسماعيلي سرباي : هو رجل اعمال صغير فلعمر مي كبير فلوزن بالنسبة لمجال الاعمال فانحاء لعالم ميار : شكرا خويا شفتو تحاجة متغيرات سوا كان عارفين ماضيه ولا لا بالعكس كتخليهوم ازيدو يقتانعو بيه اما بالنسبة لمناش جاه دكشي فراه ماشي كلشي كيستعمل الجسد ديالو مقابل لفلوس ولا كيبيع لدروg او كي (غمزاتهوم فلخر) اه او بالنسبة لعلاش مقبلش بنتك او مرضاش بيها بهاد لمفهوم وخا هيا لطلبات منو يرطبط بيها او ختارني انا فراه لفرق بناتنا باين او بزاف غا لي مبغاش اشوف (ضارت عند صقر لي بغا يموت بضحك ) حبيبا عفاك يلاه نمشيو حيت ريحة لبقر بدات كتعطعط
