كسرات السنين الجزاء الثاني ( باللهجة العراقية)

البارت /38

الكاتبه... رهف..
عشگ فردي وعشگ زوجي .. وعشگ تك
وعشگ فيس وعشگ خاص .. وعشگ تاك

عشگ فجر وعشگ ليل..
وعشگ دمعه وعشگ ويل..
عشگ ظيم وعشگ ونه..

عشگ طاح وعشگ راح..
وعشگ مات وعشگ فاح..
وعشگ نار وعشگ جنه..

عشگ هل وعشگ غاب..
وعشگ جرح وعشگ طاب..

عشگ حار وعشگ ثار..
وعشگ جنح وعشگ طار..

وعشگ آه وعشگ صفنه..
عشگ ساده وعشگ قاده..
وعشگ صاح وعشگ ناده..
وعشگ زفه وعشگ حنه..وعشگتك ..
وعشگت العشگ والعاشگ سويه ..!...

         

سجى..

اوف ياربي ..مو بيت كائبه .. كمت من فراشي.. لبست احلا ملابسي وفتحت محفضت مصطفى اخذت فلوس منها..خليت مكياج طوخ.. .. ومصطفى نايم يله ميحتاج اكوله ..اصلا هو ميقبل.
بكل الحلات نتعارك.. فتحت باب الغرفه
وفجى اسمع رنت جهازي.. يبوووو على حضي المصخم...

مصطفى وهو يكعد .. خير وين رايحه بدون متدكليلي...

سجى. اااف وين رايحه الصديقاتي . على كولشي تحاسب .اف تره مليت..

مصطفى- صوتج لا تعلينه . بدال مكاضيتها دايحه..انتبهي على ابنج.. شوفي شبيه مابيه اكل شرب خلفلله على بيبي تهتم بيه..
محسوبه علي مره.. تره ميصير صديقاتج كل حياتج.

سجى- اف هاي الدراما كل يوم تره مليت..
بعدين الف مره كتلك ابنك جيبله مربيه..

مصطفى.. ليش انتي شنو شغلج ومااشالله الراتب كله الج هم يلكه للمكيب..وعطورج..

سجى- والله هاي اني عجبك عجبك معجبك اركع راسك بل حايط.. والله يالله كافي كضيت وياك ثلاث سنوات بضيم.. والقهر وانته امرك كله بيد بيبتك وهاي السعلوه جهالها ميخلونه نام اربعه وعشرين يصيحون..تره ممجبوره اتحمل اف ياربي .الى متى امرنا بيد بيبتك ..

مصطفى.. اسمعيني يابت ناس هذا اني عيشتي بين اهلي وناسي وهاي بيبي الما عجبتج مربيه ابنج .. وانتي ماشالله.. كاضيتها دياحه..مع لاسف جنت حاسب نفسي اكون سعيد بس لا طلعت غلطان كل همج لبس وطلعاتج وجمالج..

سجى.. - والله تريدني اصير نفس بنت عمك هاي الفاهيه.. روح اسلها شستفادت من طاعت فارس ..وحبها اله.. تركها اربع سنوات مدري ثلاثه.. . وهياتها رجعت غصبن عليها...

مصطفى.. والله تروحن فدوه البت عمي ع اقل ماعدها..انانيه نفسج وانتي ذيج..

سجى- اووو اني رايحه.. اجل العركه امن اجي..باي..

مصطفى.. اااخ.. ياسجى شلون بنانيتج هاي .. باوعت البني نايم مثل الملاك.. حرامات عندك ام مثل هاي..عيونه خضر
وشعره اشكر.. وابيض باحمر كل ليشوفه يتعجب بيه ويكول هنيالك على هذا الولد شايل حسن رباني.. .بدلت ملابسي وتعطرت وبدلت لابني انمار .. وديته يم بيبي .. .