هروب ماكر💖(بالدارجة المغربية)|كاملة

2

صافي قلت الله الله ترفحت و هادشي باقي مابعتش ذهبي لمهم بقيت كالسة ف لوطو حتى داني نعس فقت على دقان ديال واحد البنت كانت هاديك لي قالت ليا لقات ليا دار لمهم حليت عليها و سلمت عليها و وراتني دار كانت مفرشة زوينة عطيتها الفلوس مي هاد المرة عطيتها حتا على وديت الفراش ديال الدار  و مشيت معاها سينيت على شي وراق ديال الشقة على انها ولات ديالي و فسميتي مشيت ل لوطو بدلت ليها البلاكة ديال المدينة لمهم راكوم عارفين هادي البلاكة ليكاتكون لور ماعرفتش اش سيميتها و مشيت جبت ماناكول جبت بيتزا  و طلعت جبدت لبيسي كانهاكي لبطاقات البنكية كاناخد منهوم لفلوس و كانديرهو فالبنك ديالي حيت ختكوم مقرصنة كانعرف نقرصن اي حاجة حتا من تيليفونات بقيت هوكاك حتا قلت اجي علاش مانقرصنش تيليفون ديال داك خاينة بقيت كانعرف لمعلومات ديالو سميتو آدم عمرو 26 سنة عندو اكبر شركة السيارات ف اوروبا و عندو فروع فمدن المغرب و فنفس الوقت اكبر مافيوزي انا تخلعت حيت مافيوزي ماديتهاش فيه و بديت كانقصي شعلت التلفازة و بقيت كانفكر فالمدرسة و قلت اجي نخرج ندير شوبينغ فشي مول و منها نيت نشوف شي ليسي باش نكمل قرايتي لبست قبية ميني فونطخ ف لموطارد و سروال بيض و سبرديلا بيضو فيها شي زواقات ف لموطارد و درت عليا جيلي فالبيض خرجت و شماكريا كايتحرشو و انا ماعاطياهومش وقت مشيت كانسول لمقدم على شي مدرسة بقيتها و مشيت تسجلت فيها حيت اصلا هربت مع الويكاند مشيت درت شوبينغ خديت حوايج جداد و طابليا للمدرسو و شكارة فالبيض مزوقة بالكحل و كتوبة جداد و دخلت لواحد لقهوة شريت كاس ديال القهوة و خرجت تزادحت مع الحيط بغيت نقول مع واحد دري هزيت راسي لقيتو آدم
انا:سمح ليا ماشفتكش
آدم:فففف ماشي موشكيل شنو سميتك انا:الهام و نتا سميتك آدم عمرك 26 سنة عندك شركة ديال السيارات تحني لعندي بغيت نقوليك واحد الحاجة آدم:تعلاي نتي انا:واخا(مشيت جبت كرسي و طلعت فوقو و همست ليه فودنو)و اكبر مافيوزي فالعالم آدم:عندك مع القرصنة برافو😉
انا:سر المهنة تشاو
مشيت وصلت للدار كانرتب حوايجي لي غاديا نلبس عبارة على قبية و سروال و سبرديلا و كاسكيطا كوحل و و دوشت و نعست
🦄اصبحنا و اصبح الملك لله🦄
فقت مع 7 ديال الصباح غسلت وجهي و سناني و مشيت صايبت الفطور لبس حوايجي و مشيت للمدراسة كانت المدرسة عادية و لكن فيها ل*اب بزااف بالزايد عاد بقيت غادا بوحدي مشيت للقاعة ديال الدرس كلست لور و درت لكيت و جهدت الموسيقى و الحاجة لي كتباتها الاستاذة فالسبورة كانكتبها شوية و هي تم جايا عندي بقات كاتشوف ليا فدفتاري و هي تخوي عليه الما ماعرفتش علاش و لكن انا طلعات ليا الخز
انا:(ببرودة)اش درتي
استاذة:حدري عينيك
انا:لا😒
طرشاتني و هزيت الدفتار لي كبات فيه لما خشيتو ليها فوجهها حتى طاحت للارض و دراري كايفكو فيا و انا ساكتة هي لي كاتبعبع
استادة:جيبي ولي الامر ديالك
انا:مقطوعة من شجرة😉
هزيت شكارتي و لحت عليها دفتار و خرجت بحالاتي و كولشي فرحان حيت حديتها ليها بقيت كانتسنا دوز ساعتاين هوو و اخيرا مشيت فكيت الغياب بزز حتى قلت للحارس العان راه ماعتديش واليديا خرجت لقيت التلاميذ باقي مادخلو عرفتها الاستراحة مع 10:30 جا عندي واحد دري و بقا كايحاجي عليا
هو:سلام صافا
انا:اه و نتا
هو:انا سميتي فيصل السليماني و نتي
انا:سميتي هب..سميتي الهام العموري
هو:اااه نمونو اصدقاء حيت كولشي كايقول ليا معقد
انا:هههه حتى انا حيت ماكاندويش بزاف انا ساكنة ف الحي****و نتى
هو:انا ساكن حداك بوحدي حيت هربت من الدار بالطوموبيل
انا:مثلي تماما😉
هو:اوااه واش حتى نتي
انا:ييه انا يالاه شي يوماين هادي كنت كانفكر فيها و انا عندي 13 سنة لمهم باقي عندنا شي مادة
هو:نسيت ماقلت ليك ديك الاستاذة حديتيها ليها كانت دايمن كاتكبر
انا:(شديت ليه فيديه)يالاه اصحبي راه بغيت نخرجو انا وياك للبحر
هو:يالاه
اجي نوصف ليكوم سيهو فصيصل مفورمي عندو العضلات و داكشي لمهم مشينا للبحر بقينا كانعاودو على بعضياتنا
انا:فيصل عندك مع القرصنة الاكترونية
فيصل:الله اودي و منين جايب الفلوس باش كاري دار
انا:شوف غادي تجمع حوايجك و غادي تجي تسكن معايا حيت انا شاريا دار
فيصل:واخا واش حتى نتي ولى شنو
انا:اه
فيصل:تاريخ الازدياد ديالك
انا:قديمة😒
فيصل:معلمة اجي علاش مانخدموش مع زيد
انا:شكون هاد زيد
فيصل:واحد خاينا مغربي كايعطيك شي تويشيات من ديب ويب و كاتبيعيهوم بمقابل انكي تهاكي ليه شي تويشيات ديال شي اعدائو
انا:عندك شي صديق تقة
فيصل:عندي راه هوا لي علمني سميتو سعد حتى هو عارب من ضارهوم
انا:وا كانتلاقا غير مع الهاربين شوف غادي نسكنو بثلاثة و غادي نجيبو الاجهزة انا راه غير كانعدي بواحد ل pc يعني غادي نشري الحواسيب و النقالة و الثبثة اوكي
فيصل:اوكي شوفي انا غادي معا بنيتي يعني راه مامحتاجش نوصيك
انا:شوف كولنا باغيين طريق وحدة😉
فيصل:اوكي
انا:هئ هئ
فيصل:مالكي لاش كاتبكي
انا:فيا جووووووع
فيصل:نوضي يالاه نمشيو لداك ريسطو اجي راه ماجبتش معايا لفلوس
انا:عندي كارط بونكير يالاه دخل
دخلنا خدينا لي غادي ناكلو و مشيت اناوياه لعند سعد كان حتى هو نفس الفورما ديال فيصل ضريف و قررو يجيو عندي حيت اصلا عندي دار كبيرو فيها شي تلاتة ديال البيوت و زوج صالونات كولا صالون بوحدو و كوزينيا و طواليط و حمام
انا:مرحبا بيكوم شوفو راه انا عارفا ماعندكمش ادوات اللازمة لذالك غادين نمشيو نجيب ثلاثة ديال الحاواسب ثابثة و تلاتة نقالة و زوج شكارات و ميكروفونات كاتتلصق للتجسس و شكارات كوحل اما لباس غادي يكون عبارة على قبيات و سراول مفضفضين و سبرديلات سامبل كوحل و ماسكات بويض و لابد صافي مشات
سعد و فيصل:مشات
مشينا شرينا لي بغينا و بدينا الخدمة و اختابرنا كولا واحد شناهيا المهاراات و ختارقنا بنكات خدينا فليسات و درنا برامج للقرصنة زعما لي دخل ليهوم كايتهاكا ليه الجهاز و كولا واحد حما الجهاز ديالو و توكلنا على الله دخلنا ل ديب ويب هضرنا مع زيد و ختارقنا شي 100 واحد دفعة واحدة و تخلصنا فمبلغ مقود مشيت شريت حوايج جداد دبرنا على فيلا و مشينا تسجلنا فمدرسة طوب ف طوب هادشي كامل درناه ف مدة سيمانة
انا:اووف عييت ا دراري واش باقا لخدمة
سعد:الهام راه هادشي غير لقليل و نتي راك ماشي كاتهاكي لشي وحدين مجرد ناس عاديين راه هادو اكبر مافيوزيين يعني اي خطوة خاصها تدرس و تا حاجة ماخاصها تخفا علينا
فيصل:اه راه حنا قولنا ليك لي فيه الخير
انا:ماتخافوش اه نسيت ماقلت ليكوم عندي نمرة ديال هاداك العدو ديال زيد يعني من السهل نخرجو م....(لقينا انذار على انها متبعينا)سربيو سربيو جيبو ليا usb
سعد:هاكي سربي
خزنا المعلومات ف usb و محيناهوم من الحواسيب لاخرين و خدينا الحواسيب لاخرين و حطيناهوم فشكاير و لبسنا الحوايج و الماسكات المعلومين و هبطنا كانجريو واحد العداد حتا قربنا نوصلو للمدينة عاد حيدنا لماسكات حيت الفيلا خديناها معزولة
انا:اوووف حبسو(كانلتاقط انفاسي)اه عييت
سعد:فيصل هاسنا نعلموها دفاع على النفس هادشي خطير ولى كايبان ليا
فيصل:الهام ضاروري هادشي والله
انا:شوفو راه سميتي هبة العموري و ثاني حاجة عندي سمطة الكحلة ف تايكواندو و الكراطي و عندي شحال من مداليو ف كيك بوكسينك
فيصل:كاتعرفي للاسلحة
انا:جيتوني حتى لهادي و غمقتوني فيها
سعد:غادي نديوها للبلاصة المعلومة ضاروري ماتتدرب هادشي را فيه المافيات و الاسلحة
انا:دراري علقو تابعينا
سعد:تبتي للارض و ديري راس مادايرا والو راه  usb خبيتهو فطيب تاع سبرديلة
انا:(بالغوات)اوا افيصل فوقاش العرس
فيصل::(بالغوات)غدا
سعد:(ابتسامة جانبية)حماق