#سرقت قلبي
#البارت التاسع
ليلي: الو......
عامر : الو ازيك يا ليلي.......
ليلي بكسره : الحمد لله يا عامر انا كنت عايزه اعرف هي ورقه الطلاق هتطلع أمته لو ممكن تسال فهد اصل بتصل بيه فونه مغلق.......
عامر : ده فهد سافر يا ليلي......
ليلي بصدمه : ايه سافر....سافر فين .....
فهد : سافر لندن.....
ليلي : طب هو هيرجع أمته عشان اعرف.....
عامر بأسف : مش عارف يا ليلي هو ممكن يتأخر فتره كبيره، وبالنسبه لورقه الطلاق هو تقريبا معملشي الإجراءات بتاعه الطلاق........
ليلي : يعني ايه ده طلقني......
عامر : انا اسف يا ليلي مش هقدر أفيدك .....
ليلي بحزن : لا يا عامر عادي مفيش مشكله وشكرا ليك.......
ليلي قفلت مع عامر وخرجت لعلا
علا : مالك يا ليلي.....
ليلي بحزن ودموع : سافر خلاص يا علا انا فعلا كنت بالنسباله مجرد واحده جايه من الشارع ........
علا حضنت ليلي : اهدي يا ليلي فهد بيحبك اكيد هيرجعلك تاني ومستحيل يسيبك.......
ليلي بقوه : حتي لو رجع انا مستحيل اسامحه بعد اللي عمله فيه وكمان سابني وسافر واتخلي عني من غير ما يسمع مني أو حتي يفهمني ايه اللي حصل .....
علا : خلاص يا ليلي متنسيش انك حامل وغلط الزعل عليكي ......
ليلي حطت اديها علي بطنها : انا هعيش لولادي وبس .......
علا : طب عملتي ايه في ورقه الطلاق.......
ليلي : عامر بيقول أنه مش عارف بس انا لازم اروح وأسأل ......
علا : خلاص يا حببتي لمه اشرف يرجع هخليه يروح يسأل......
ليلي : انا تعبتكوا معايه اوي يا علا بجد انا مش عارفه من غيرك كنت عملت ايه.....
علا : كده يا ليلي انتي اختي وحببتي وان شاء الله هتعدي المرحله دي وهتبقي في احسن حال.......
ليلي : ماظونش يا علا ....انا ندخل انام
دخلت ليلي تنام ورن تلفونها
عامر: ايوه ياليلي....
ليلي : في حاجه يا عامر .......
عامر : ممكن بس نتقابل كنت عايزك في موضوع مهم.....
ليلي : موضوع ايه لو فهد اللي بعتك فأرجوك بلاش ......
عامر مقاطع ليلي : اسمعيني بس انا عايز اقولك علي اللي حصل ......
ليلي : ماشي يا عامر .....
عامر : خلاص ممكن كمان نص ساعه في(...........)...........
ليلي ؛ تمام.......
ليلي خرجت تقابل عامر
عامر : اهلا يا ليلي اتفضلي اقعدي.......
ليلي : شكرا .....
عامر : تحبي تشربي حاجه.........
ليلي : لا ممكن تقول اللي كنت عايزه عشان امشي.......
عامر : ماشي يا ليلي ، انا مش عارف ابدء ازاي بس كنت حابب اسالك الاول انتي كان ليكي علاقه بحد قبل فهد....
ليلي استغربت : قبل فهد لا طبعا أنا حياتي كلها كانت في الميتم حتي اللي كانوا معايه كلهم اخواتي وعمري ما اتكلمت مع واحد فيهم بعد ما فصلونا وكان تقريبا عندي 12سنه مفيش غير اشرف وانت عارف أنه متجوز علا، بس ليه يعني السؤال ده وايه علاقته باللي حصل....
عامر : ليلي في واحد كلم فهد وقاله انك انتي وهو بتحبوا بعض واليوم اللي رد بدالك علي الفون قاله انكوا هتتقبله وأنك هتكلميه بعد ما فهد ينام.....
ليلي بصدمه: ايه طب طب مين ده وليه عمل كده انا والله يا عامر معرفشي حد وعمري ماحبيت حد غير فهد...
عامر : انامش عارف هقولك ايه ياليلي انا واثق انك مش كده.....
ليلي بسخريه : ههه انت بتقول ايه لكن الشخص اللي كنت بتمني أنه يثق فيه ويسمعني هو اكتر واحد وقف ضضدي...
عامر : مسيره في يوم هيعرف الحقيقه ياليلي وهيرجعلك تاني صدقيني فهد مكنشي كده بس للاسف الانسانيه اللي كان متجوزها قبلك خلته ميثقشي في حد.......
ليلي : انا ذنبي ايه يا عامر لو هي كانت وحشه ليه ظن اني زيها ليه وفين الحب اللي كان بيحبهولي خلاص بقي،لكن وقتها انا بقي عمري ماهسمحه ولا هسمعه........
عامر : صحيح يا ليلي فهد ماتمش إجراءات الطلاق يعني انتي لسه مراته.......
ليلي : مش هتفرق طلقني أو مطلقنيش خلاص هو ملوش وجود تاني في حياتي.......
عامر طلع ظرف من جيبه : ليلي ممكن تاخدي المبلغ ده تخليه معاكي.....
ليلي : عامر من فضلك كفايه لحد كده اهانه انا عمري ماهاخد من اي حد فلوس......
عامر : انا اسف والله مش قصدي اهينك ده حقك وفهد هو اللي كان سيبهم قبل ما يمشي يعني مش مني من جوزك..........
ليلي : انا مش عايزه منه حاجه كتر خيره كفايه اوي اللي عمله معايه... عن اذنك يا عامر انا تعبانه ولازم ارووح.....
عامر: ماشي ياليلي تعالي لمه اوصلك .....
ليلي : لا شكرا اشرف هيروحني......
عامر : طب ممكن اعرف عنوانك عشان اطمن عليكي.......
ليلي : من فضلك يا عامر بلاش انت اكتر واحد هيفكرني بفهد فا بلاش تسال ممكن........
عامر : تمام يا ليلي.....
ليلي مشيت
عامر لنفسه : ليه كده يا صاحبي.....
اشرف خد ليلي وروحها
اشرف : مفيش اخبار عن فهد يا ليلي......
ليلي : لا مفيش تخيل مطلقنيش......
اشرف : طب كويس ده معناه أنه بيحبك يا ليلي......
ليلي : حب اللي بيحب بيثق في حبيبه مش من اول موقف يدوس عليه ويبيعه ممكن متكلمنيش في موضوع فهد تاني.......
اشرف : خلاص يا ليلي ، فرفشي بقي انا مش واخد منك علي كده فين لسانك الطويل.....
ليلي ضحكت بكسره
بعد مرور شهور يوم ولاده ليلي
علا بفرحه : هتسميهم ايه يا ليلي...
ليلي بتبص لولادها بسعاده لكن بقلب مكسور : هسميهم آسر وهمس....
علا : الله يا ليلي اسميهم جميله اوي ربنا يخليهم لك يا حببتي.....
ليلي : عقبالك يا علا ياااارب......
علا بحزن : كله بأمر الله وبعدين ولادك هيبوا ولادي واديني ماشيه علي العلاج هااه والباقي علي الله .....
ليلي : إن شاء الله ياحببتي انا حسه أنه هيبقي قريب اوي ولحد ماربنا يرزقك انتي لازم تشيلي عني شويه اه ماهو مش هتبقي خلتوا كده ببلاش ..
علا بحب : بس كده عنيه ليكي يا روح قلبي، انتي مش هتتصلي بفهد يا ليلي .....
ليلي : علا انسي بقي فهد خلاص انتهي الكلام.....
علا : خلاص يا ليلي اوعي تزعلي ، اه صحيح مش احنا هنسافر.......
ليلي : هتسافروا فين.....
علا : لا انتي كمان هتسافري معانه هنروح شرم الشيخ اشرف هيشتغل هناك في فندق كبير اوي........
ليلي : هيشتغل ايه....
علا : هيوصل الاكل لغرف الفندق......
ليلي : اممم كويس يا علا بس انا مش هينفع اسافر معاكوا.....
دخل عليهم اشرف
اشرف : مش هينفع ليه يا ليلي علي الاقل تغيري جو بدل ما انتي محبوسه هنا......
ليلي بتفكير : ماشي يا اشرف بس انا عايزه اشتغل انا كمان.....
اشرف : انتي بتقولي ايه يا ليلي تشتغلي ليه وازاي.....
ليلي : لو مشتغلتش مش هسافر معاكوا وكفايه اوي انك شلتني طول حملي وكنت بتصرف عليه طول الفتره دي.....
علا : كده يا ليلي اخس عليكي.....
اشرف : انتي بتتكلمي في ايه يا ليلي انتي اختي الصغيره متقوليش كده تاني .....
ليلي : ريحني يا اشرف من فضلك وبعدين يعني انا مش هشتغل بعيد عنك.......
اشرف : يعني ايه مش فاهم....
ليلي : شوفلي شغل معاك في الفندق.....
علا : خلاص يا ليلي وبعد ما تنزلي الشغل انا هخلي بالي من الولاد اهم يسلوني وانتم مش موجودين واتدرب علي تربيتهم......
ليلي حضنت علا : إن شاء الله يا حببتي ربنا هيرزقك
سافر اشرف وعلا وليلي
علا : الله يا اشرف الشقه جميله اوي بس مش غاليه......
اشرف : انا هحاول اشتغل شغلتين يا علا....
ليلي : لا يا اشرف انت تحاول تشفلي شغلانه في اقرب وقت بما اني هعيش معاكوا يبقي لازم اساعد....
اشرف : بس.....
ليلي : مفيش بس ولا انت مش عايزني اقعد معاكوا.....
اشرف : ماشي يا ليلي.......
بعد شهرين اشرف لقي ليلي شغل في نفس الفندق في الاستقبال وعلا اتعلقت بآسر وهمس
عند سميه
......: انا كنت عايز فلوس....
سميه : فلوس ليه تاني خلاص بح.....
.......: نعم ازاي يعني احنا مش متفقين أن في أي وقت هعوز فلوس اجيلك.....
سميه بتنفخ السجاره : ههههه لا ما هو خلاص بقي الموضوع انتهي واللي كنت عيزاه حصل بس للاسف سافر ومتجوزنيش بردوا .....
.......: انا مالي انا بالحوار ده كله في اتفاق مبنا يبقي لازم يتنفذ وإلا .....
سميه : وإلا ايه اعلي ما في خيلك اركبه خلاص فهد مش راجع تاني ......
........: ماشي انتي اللي اخترتي.......
مشي الشخص المجهول واتوعد لسميه
عند عامر
السكرتيره:.....
#هاله محمد
أنت تقرأ
هي من سرقت قلبي بقلم هاله محمد (مكتمله)
Contoاتت حفلا صاخبا حتي تسرق فلم تسرق سوا قلبه لكن للقدر اقوال اخري جميع الحقوق محفوظه للكاتبه هاله محمد جروب الفيس روايات وحكايات للكاتبه هاله محمد رابط جروب الفيس👇 https://www.facebook.com/groups/751227238975450/?ref=share
