#هي من سرقت قلبي
بقلمي هاله محمد محمد سالم
#البارت الحادي عشر
فهد قرب شاف ليلي وصل عندها
فهد وفي عنيه بحبك واسف ووحشتيني : ازيك يا ليلي....
ليلي وقلبها كان بيقولها روحي واترمي في حضن حبيبك ده اكيد وحشك اوي لكن عقلها رفض وقال ده باعك من اول موقف حصل وكنتي مظلومه فيه : الحمد لله في احسن حال......
فهد بأسف حقيقي : انا اسف اسف بجد ومش عارف اقولك ايه.....
ليلي تتصنع القوه : من فضلك يا فهد بيه متقولشي حاجه وبعدين ميصحش فهد بيه يعتزر من حتت بت شغاله عنده وكمان جايه من الشارع ولا ليها اصل ولا فصل....
فهد بحزن واتضايق من نفسه : ليلي انا.....
ليلي : عن ازنك يا فهد بيه عندي شغل.....
ليلي مشيت و بعدين مشي فهد
فهد دخل قعد علي مكتبه اللي في الفندق وكان متعصب جدا من نفسه
فهد حط أيده علي شعره وشد عليه : مستحيل تسامحك إنت واحد غبي غبي....( ومسك طفايه ازاز من قدامه علي المكتب وحدفها في الحيط انكسرت ميت حته)
عامر دخل وكان عاقد حواجبه : في ايه يا فهد مالك متعصب اوي كده ليه......
فهد : انت لسه بتسال يا عامر انا هتجنن انا ضيعتها من أيدي وهي قدامي ومش عارف حتي اكلمها ( فهد قام من مكانه وفضل يخبط بايده علي الحيطه ) مش عارف اعمل ايه .....
عامر حط أيده علي كتف فهد عشان يهديه : اهدا يا فهد مش كده العصبيه مش هتحل اي حاجه فكر كويس ازاي هتصلح اللي حصل وليلي لسه بتحبك واكيد هتسامحك.....
فهد بحزن : ليلي في عنيها حزن وانكسار بتحاول تدرييه انا اكتر واحد عارفها مش هي دي ليلي اللي عنيها كانت كلها شقاوه وضحك ولماضه كأنها بقت واحده تانيه انا السبب في كسره الفرحه اللي في عنيها انا مش هسامح نفسي علي اللي عملته معاها....
عامر ليخفف عن صحبه : متحملشي نفسك فوق طاقتك يا فهد انت غصب عنك اللي حصل .....
فهد ضحك بسخريه : ههه انا اللي معرفتهاش كويس لاني لو كنت عرفتها كويس مكنتش اخدها بذنب غيرها بس انا هصلح كل حاجه ولازم ليلي ترجعلي تاني انا مستحيل اسبها بعد مالقتها انت مش متخيل طول السنتين اللي فاتو انا كنت ازاي من غيرها كنت كل يوم وكل لحظه بحلم بيها وبتمني أنه اللي حصل يكون حلم وأصحا منه والقي ليلي معايه تاني.....
عامر بحب : إن شاء الله يا صاحبي كل حاجه هاترجع زي الاول واحسن كما...... انا هروح اشوف الناس اللي بره دول خلصوا الشغل اللي معاهم وهجيلك تاني....
فهد حرك رأسه بالموافقه خرج عامر وفهد قعد يفتكر ليلي
فهد ابتسم وقال لنفسه : بس علي الرغم من الحزن اللي في عنيها لكن لسه زي ماهيه جميله وبقت اجمل كمان كل حاجه فيها وحشاني ضحكتها برئتها شقوتها ( زفر بحب ) يارب تسامحيني يا ليلي
اليوم خلص وليلي كانت بتحاول ما تحتكشك بفهد وأخيرا رووحت
علا : حمدالله علي السلامه يا ليلي....
ليلي : الله يسلمك يا حببتي.....
علا : ثواني وهحضرلك الاكل....
ليلي : لا لا يا علا انا مش جعانه تعالي بس اقعدي كنت عيزاكي......
علا قعدت جنب ياليلي وركزت معاها بكل انتباه: قولي يا حببتي.....
ليلي زفرت بهدوء : فهد رجع.....
علا بصدمه : ايه رجع عرفتي منين ولا شفتيه فين .....
ليلي : فهد يبقي صاحب الفندق اللي شغاله فيه.....
علا : مش معقول صدفه غريبه جدا...
ليلي ضحكت بسخريه : ههه عندك حق صدفه غريبه .....
علا بتسائل: هو عرف حاجه عن الولاد .؟
ليلي : لا معرفشي ومش هيعرف ......
علا : ازاي يا ليلي متنسيش أنهم ولاده هو كمان حرام انك تبعديهم عن بعض .......
ليلي : ما ظنش أنها هتفرق معاه وكمان هو ملوش حق فيهم
دول ولادي انا وبس...
علا : لا يا ليلي متعمليش كده هتظلمي ولادك وبعدين قوليلوا وهو ليه حق الاختيار....
ليلي : كل حاجه هتيجي في وقتها.....انا داخله اطمن علي الولاد....
علا : ماش ياحببتي خشي .....دخلت ليلي وعلا قالت بحزن: انا حاسه بيكي يا ليلي عارفه انه وحشك بس بتكبري...
عند ليلي
ليلي قعدت جنب ولادها اخير ادت المجال لدموعها تنزل : وحشني وحشني اوي انا كان نفسي اجري عليه واحضنه وقوله متبعدشي عني تاني انا مش عايشه من غيرك وانا مسمحاك بس متسبنيش تاني ، سامحوني يا ولادي بس اناخفت ياخدكم مني وابقي اتحرمت منه ومنكم......
فهد رووح علي الڤيلا بتعته اللي في شرم وطلع اضته وقعد يفكر في ليلي
فات اسبوع وفهد هيتجنن و ليلي تسامحه لكن ليلي مش بتديله فرصه ومازن كان بيحاول يتقرب من ليلي
مازن : ازيك يا ليلي ......
ليلي : الحمد لله ازيك انت يا مازن.....
مازن : انا جاي مخصوص عشان أعزمك علي الحفله.......
ليلي : انا اسفه يا مازن مش هقدر اجي ...
مازن : لا يا ليلي ارجوكي ده عيد ميلاد اختي وانا وعدتها اني هعرفها عليكي ...
ليلي : صدقني مش هينفع.......
مازن بإصرار : انا هخليها هي اللي تكلمك وتعزمك.......
ليلي : خلاص يا مازن تمام انا هاجي هي أمته الحفله....
مازن بفرحه : آخر الاسبوع.....
ليلي : تمام......
فهد كان قاعد علي مكتبه وقدامه اللاب توب شايف ليلي وهي بتكلم مازن وكان هيتجنن ويعرف بيتكلموا في ايه وكان هيرووح يسألها بس خاف أنه يتعصب عليها وبدل ما تسامحه تكره اكتر لكنه كان شايط من الغيره
بعد اسبوع بالتحديد يوم الحفله
علا : مالبستيش ليه ياليلي مش قلتي انك معزومه في حفله......
ليلي : انا مش هروح.....
علا : ليه ياليلي.....
ليلي : انا مش عايزه اتعبك اكتر من كده....
علا : لا ملكيش دعوه انتي بيه وقومي رووحي الحفله.......
ليلي : بس .....
علا : هزعل منك علي فكره انتي اللي بتتعبيني مش الولاد قومي ياله البسي الفستان اللي انتي ركناه في الدولاب اهو جه وقته.....
ليلي حضنت علا وابتسمت : حاضر يا حببتي.....
لبست ليلي فستان احمر جميل جدا حماله لحد الركبه ضيق من فوق ونازل بوسع وجابت شعرها علي جنب
وصلت ليلي الحفله اول ماوصلت خطفت الأنظار
مازن بإعجاب : اهلا ليلي لو مكنتيش جيتي كنت هزعل جدا،فستانك جميل جدا وانتي اجمل طبعا.....
ليلي : احم شكرا يا مازن....
فهد واقف من بعيد وشاف مازن وليلي وكان هيتجنن من الغيره
فهد بعصبية : ليلي هي بتعمل ايه هنا.....
عامر : اهدا اهدا يا فهد انت عارف مازن عشري واكيد هو اللي عزمها .....
فهد جز علي سنانه : وهو عزمها بصفته ايه انا هخرب بيته....
عامر : بلاش يا فهد تعمل حاجه تندم عليها ......
عند علا
علا : هعمل ايه أسر سخن اوي وأشرف تليفونه مقفول طب هرووح بيه ازاي المستشفي هو وهمس انا هتصل باليلي.....
فهد راح عند ليلي مسكها من اديها
فهد : ممكن تيجي شويه.....
ليلي : طب عن ازنك يا مازن.....
مازن استغرب أن ليلي وفهد يعرفوا بعض
ليلي : نعم يا فهد خير في حاجه.......
فهد بعصبية : انتي ايه اللي موقفك مع مازن وتعريفه منين.....
ليلي : اولا ملكشي دعوه ثانيا عشان اريحك هو بيكون صديق.......رن فون ليلي قطع كلامهم
ليلي : الو يا علا في ايه......ايه طب انا جايه حالا.....
فهد :.......
*******************************
#هاله محمد
أنت تقرأ
هي من سرقت قلبي بقلم هاله محمد (مكتمله)
Contoاتت حفلا صاخبا حتي تسرق فلم تسرق سوا قلبه لكن للقدر اقوال اخري جميع الحقوق محفوظه للكاتبه هاله محمد جروب الفيس روايات وحكايات للكاتبه هاله محمد رابط جروب الفيس👇 https://www.facebook.com/groups/751227238975450/?ref=share
