بسم الله الرحمن الرحيم
اللهم صل وسلم وبارك على سيدنا محمد وعلى اله وصحبه اجمعين
#حبك_انقذ_حياتي
#هاله_محمد
#الشخصيات
#فارس الشرقاوي شاب في سن 28 ملامحه رجوليه تبدو قاسيه لكنه حنون جدا ووسيم جدا
#رحمه عمرو فتاه جميله عمرها لايتخطي 20 سنه ذات عيون خضراء جذابه وشعر اصفر جميل محجبه و ملامحها رقيقه وهي بنت وحيده لوالديها ......
#البارت الاول
قبل سنتين في احدي القري المصريه
حنان : رحمه يا رحمه اصحي بقي هتتاخري علي المدرسه
رحمه : حاضر ياماما انا صحيت اهو....
حنان : روحي صلي وتعالي عشان تفطري وتلحقي المدرسه
رحمه : هو بابا فين .....
حنان : بيصلي وجاي....
رحمه : انا هصلي وهاجي حالا....
جلست رحمه ووالديها علي الافطار
رحمه بمرح ة صباح الخير ياحاج...
عمرو : صباح النور يا حببتي
حنان : افطري وبطلي شقاوه ...
رحمه : ايه يا حنون انتي بتغيري ولا ايه ..
عمرو بضحك ملكيش دعوه بحنون متضيقهاش
رحمه : سيدي ياسيدي علي الحب ماشي ماشي.....
عمرو : صحيح يارحمه انتي اخر سنه في الثانوي عايزك تدخلي كليه كويسه ....
رحمه بمرح ادعيلي انت بس ياحاج والحاجه تبقي راضيه عني وانا كلوا هيبقي تمام.......
حنان : وانتي ناويه تدخلي ايه يا رحمه....
رحمه : بعون الله هندسه.....
عمرو : ان شاء الله يابنتي طول مانتي بتصلي وبتذكري كويس ربنا هيكفاك علي تعبك...
حنان : ياله بقي يارحمه اتاخرتي...
رحمه خطفت لقمه علي السريع وقامت
رحمه : ياله سلام....
حنان : مع السلامه خلي بالك من نفسك...
رحمه : حاضر يا ماما....
*********************
وصلت رحمه المدرسه
رحمه بابتسامه : ازيكوا يا بنات.....
زينب : ايه اللي اخرك كده .....
رحمه : ليه حصل ايه ......
زينب : الامتحانات بعد شهر هنعمل ايه ....
رحمه : هنعمل ايه يعني هنذاكر والباقي علي ربنا
زينب : ربنا يعديها علي خير.....
رحمه : يارررررب.....
في منزل رحمه قبل الامتحان باسبوعين
رحمه : في ايه يا ماما بابا ماله....؟؟
حنان : مش عارفه يابنتي هو تعب في الشغل والدكتور قاله لازم يروح المستشفي يعمل أشعات وتحاليل..
رحمه : خلاص ياماما انا هاجي معاكوا .....
عمرو بتعب : لا يا رحمه خليكي انتي امتحانك بعد اسبوعين...
رحمه باصرار : مش مهم يا بابا انا لازم اجي معاكوا..
حنان بحسم : خلاص يا رحمه انا هروح مع ابوكي وهنيجي علي طول خليكي انتي في البيت ذكري ولو في حاجه اتصلي بينا......
رحمه بقله حيله : ماشي يا ماما ابقي طمنيني علي بابا وخلوا بالكم من نفسكوا......
خرج الاب والام الي المستشفي
رحمه في البيت قلقانه جدا
رحمه بقلق : انا مش عارفه همه اتاخروا ليه وبتصل الفون مقفول....انا هروح عند عمي اساله بس كرم هناك وانا مش بطيقه تؤ انا هروح وخلاص .......
ذهبت رحمه الي شقت عمها
خبطت علي الباب وفتحت لها بنت عمها الصغيره ورد
رحمه بابتسامه : ازيك يا ورد هو عمي فين ....
ورد : الحمد لله يا إبلا رحمه بابا جوه ...
جه عليهم كرم ابن عم رحمه
كرم : ادخلي انتي جوه يا ورد، ازيك يا رحمه تعالي ادخلي ...
رحمه بخوف : الحمد لله يا كرم لا شكر انا عايزه عمي
كرم بغمزه : هو انا منفعشي ولا ايه قولي عايزه ايه
جه عليهم عم رحمه احمد وسال باستغراب : رحمه حصل حاجه يا بنتي.....؟؟؟
رحمه : لا يا عمي اصل بابا وماما راحوا المستشفي واتاخروا اوي وانا بتصل الفون مقفول هو بابا مكلمكش.....
احمد : لا يا رحمه ابوكي مأليش اصلا أنه رايح المستشفي هو راح ليه .....
رحمه : أصله تعب في الشغل وراح المستشفي يعمل فحصات
كرم بخبث : طب كان قال كنا رحنا معاه اوحتي خلينا بالنا منك
رحمه بضيق : شكرا يا كرم انا مش صغيره .....
احمد : انا هتصل بيه كده يمكن فتح التليفون ....
لسه احمد هيتصل فون رحمه رن
رحمه ردت بسرعه ولهفه : الو ايوه انا رحمه...؟
الشخص المتصل : احنا لقينا صاحب الفون ده عامل حادثه وكان معاه واحده ست واتصلنا باخر رقم علي تلفونه كان باسم رحمه وهما في المستشفي .....
رحمه بخضه وخوف شديد : عمل حادثه ازاي بابا وماما هما عاملين ايه وفي اي مستشفي.....؟؟؟؟؟؟؟
***********************
#هاله محمد
أنت تقرأ
حبك انقذ حياتي (صعيدي) بقلم هاله محمد (مكتمله)
Short Storyانت من انقذ حياتي وانا من وقعت في حبك رغم كل شئ بطلنا صعيدي جميع الحقوق محفوظه للكاتبه هاله محمد وجروب الفيس روايات وحكايات للكاتبه هاله محمد رابط جروب الفيس 👇https://www.facebook.com/groups/751227238975450/?ref=share
