صدف لا تنتهي

البارت 18

مشيت انا وصقر لبالكو او خليناهوم كيغليو
صقر : لواحد اخاف منك
ميار : ههه كن مهضرتش كان ايبقا فيا لحال
صقر : وعلاش باغي يبقا فيك لحال
ميار : دابا انا من نوع لي الا مجملتش شي واحد او قال شي حاجة معجبانيش منقدرش نسكت ليه كيضرني فمي
صقر : اوا الله استر
ميار : صقر
صقر : مممم
ميار : نسولك ؟
صقر : لا
ميار : دابا نتا فاش خدام
صقر : وباز قربنا نتزوجو او باقي معرفتيش فاش خدام 
ميار : او باش باغا نعرف
صقر : او فاش باليك انا خدام
ميار : كتبيع لمخدرات و الاسلحة او كتاجر فالاعضاء تاع بنادم
صقر حل فيها فمو فهدشي لي كتقول
صقر : او شكون خلاك تفكري هكاك
ميار : ولي سمع سميتك كيبغي اطلقهوم تحتو
صقر : وعلام نتي او ايلا كنت مفيوزي اش اديري
ميار : انولي من لمعجبين ديالك
صقر : شكون قليك خاصيني شي معجبين بحالك
ميار : انا كنموت على داك نوع كيكونو سيكشي بشاخ كيكيبانو كيحمقو
صقر : متأكدة عندك شي عقل
ميار : ونتا مول لعقل غا قلي فاش خدام
صقر : عندي شركة تاع الطنوبيلات او وحدى خرى تاع الازياء
ميار : 😱 اله اودي مالك على حالتك دابا نتى كتصمم الازياء او كتصمم طنبلات او كترسم شتي من لخر سعداتي بيك
صقر : شوف تبلحيس شوف ، ونتي هضري علا راسك
ميار : انا عارفاك جايب خباري من يمات ليكوش ههه اش باغي تعرف بضبط
صقر : بحال لخطط ديالك فلمستقبل
ميار : نتزوج سعودي ياك او نقتل براهيم
قرب صقر او عنقها ملور او خشى راسو فعنقها
صقر : محشمتيش كاين انا او كتقلبي على سعودي غا فاش تلقايه عيطعليا نتزوج بيه حتى انا راه لقضية فيها لبطرول هههه
ميار : ههه غاكنضحك هاد لعام انشد الدكتورة او دكساعات عاد نشوف يكما نحل شي عيادة
صقر : مزيان ولكين لعيادة خليها حتى نمشيو لروسيا او نحلها ليك تما
ميار : او شكون قاليك انا غادة معاك لروسيا
صقر : فاش نبغي نمشي وتزيدي قدام ولا نهرسك
ميار : وكطعطي لعنف قتلى هههه
كملو تجماعت حتى دخلو لداخل اشطحو ، صقر او ميار شطحو معا لبنى او منير او معاذ او اسماء حبسات لمسيقا رجعنا لطبلة كاملين حتى جات هناء كتعوج
#لبسة تاع هناء ولكين لفورمة والو#

#لبني ، اسماء#